Հա

Քաղաքական

21/10/2020 - 17:00

Արցախում ստեղծւած իրավիճակով պայմանաւորւած՝ հանդիպել են Լեւոն Տէր-Պետրոսեանը, Ռոբերտ Քոչարեանը, Սերժ Սարգսեանը, Արկադի Ղուկասեանը եւ Բակօ Սահակեանը

Արցախում ստեղծւած իրավիճակով պայմանաւորւած՝ հանդիպել են Լեւոն Տէր-Պետրոսեանը, Ռոբերտ Քոչարեանը, Սերժ Սարգսեանը, Արկադի Ղուկասեանը եւ Բակօ Սահակեանը:

«alikonline.ir» - Արցախում ստեղծւած իրավիճակով պայմանաւորւած՝ հանդիպել են Լեւոն Տէր-Պետրոսեանը, Ռոբերտ Քոչարեանը, Սերժ Սարգսեանը, Արկադի Ղուկասեանը եւ Բակօ Սահակեանը: Այս մասին ֆէյսբուքեան իր էջում տեղեկացրել է Լեւոն Տէր-Պետրոսեանի մամուլի խօսնակ Արման Մուսինեանը:

Հայաստանեան որոշ ԶԼՄ-ները՝ յղում կատարելով իրենց աղբիւրներին, տեղեկացրել էին, որ ՀՀ նախկին նախագահները որոշել են աջակցել Նիկոլ Փաշինեանի գործողութիւններին եւ, մասնաւորապէս, զինադադարի կնքման որոշմանը, որն իրենց նախկին յայտարարութիւններից ու դիրքորոշումներից այնքան էլ չի բխում:

Լրատւամիջոցներից մէկն էլ գրել էր, թէ Արցախի եւ Հայաստանի նախկին նախագահները շուտով հանդէս են գալու համատեղ յայտարարութեամբ, որտեղ շարադրելու են իրենց համատեղ դիրքորոշումը։

Մամուլում տեղ գտած այս տեղեկութիւնների կապակցութեամբ 168.am-ը մեկնաբանութիւն խնդրեց Հայաստանի Հանրապետական կուսակցութեան (ՀՀԿ) խօսնակ, ՀՀԿ ԳՄ անդամ, Ազգային ժողովի (ԱԺ) նախկին փոխնախագահ Էդւարդ Շարմազանովից եւ ՀՀ երկրորդ նախագահ Ռոբերտ Քոչարեանի գրասենեակի ղեկավար Վիկտոր Սողոմոնեանից։

«Այո, այսօր Լեւոն Տէր-Պետրոսեանի, Ռոբերտ Քոչարեանի եւ Սերժ Սարգսեանի, Արկադի Ղուկասեանի եւ Բակօ Սահակեանի մասնակցութեամբ տեղի է ունեցել հանդիպում, որի օրակարգը եղել է պատերազմական գործողութիւնները եւ Արցախը։ Միեւնոյն ժամանակ ուզում եմ տեղեկացնել, որ տարբեր լրատւամիջոցներում հրապարակւած ենթադրութիւնները եւ հանդիպման բովանդակութեանն առնչւող տեղեկատւութիւնն իրականութեանը չեն համապատասխանում»,- ասել է Էդւարդ Շարմազանովը։

Վիկտոր Սողոմոնեանը, ի պատասխան հարցմանը, նշել է․ «Դա սուտ է, այդ տեղեկութիւնները սուտ են, եւ նման բան գրելու որեւէ առիթ չկայ, դա յօրինւած կեղծիք է»։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։