Հա

Քաղաքական

12/11/2020 - 11:55

«Դաւադիր յայտարարութիւնը ստորագրած դաւաճան վարչապետին սպասարկող ֆէյքերը կարեկցանքի են արժանի, իսկ հայրենանվեր անձանց վարկաբեկելու փորձերը դատապարտւած են ձախողման». Վ. Ոսկանեան

Ի գիտութիւն «Հայրենիք» կուսակցութեան նախագահ Արթուր Վանեցեանի յայտարարութիւնը «սենսացիա» դարձրած որոշ քարոզչամիջոցների էժանագին շահարկումների «Հայրենիք» կուսակցութեան հանրային կապերի հարցերով պատասխանատու Վարդան Ոսկանեանը գրառում է կատարել:

«alikonline.ir» - Ի գիտութիւն «Հայրենիք» կուսակցութեան նախագահ Արթուր Վանեցեանի յայտարարութիւնը «սենսացիա» դարձրած որոշ քարոզչամիջոցների էժանագին շահարկումների «Հայրենիք» կուսակցութեան հանրային կապերի հարցերով պատասխանատու Վարդան Ոսկանեանը գրառում է կատարել:

Գրառումը ներկայացնում ենք ստորեւ՝

«Վանեցեանը լինելով բարձրաստիճան սպայ եւ տիրապետելով մարտական գործողութիւնների ղեկավարման առանձնայատկութիւններին՝ «աւելի լաւ է թողնէր Արցախը, բայց ոչ մի փաստաթուղթ չստորագրէր» եւ դրան անմիջապէս յաջորդող  Քարվաճառի ու Քաշաթաղի շրջաններում ամրանալու անհրաժեշտութեան ձեւակերպմամբ, բնականաբար նկատի է ունեցել ստեղծւած իրավիճակում Քարվաճառի եւ Քաշաթաղի տարածքների պահպանութեամբ Արցախի յետագայ լիակատար ազատագրումը յաջող եւ արդիւնաւէտ կազմակերպելու նպատակով տակտիկական նահանջի անհրաժեշտութիւնը, եթէ բանը հասել էր նրան, որ ըստ վարչապետի պաշտօնը զբաղեցնող անձի, յանձնւելու էր նաեւ Ստեփանակերտը։

Կրկնում եմ՝ խօսքը բացառապէս հայկական զօրամիաւորումների տակտիկական նահանջի, ռեսուրսները չփոշիացնելու, վերադասաւորման եւ յաջող պաշտպանութեան ու Արցախի լիակատար ազատագրմանը միտւած հակայարձակման կազմակերպման նպատակով անհրաժեշտ բնագծեր զբաղեցնելու եւ նախապատրաստւելու համար ժամանակ շահելու մասին էր:

Մինչդեռ կապիտուլեացիայի խայտառակ փաստաթուղթը, որ ստորագրել է ՀՀ վարչապետի պաշտօնը զբաղեցնող անձը, ոչ միայն ի չիք է դարձնում այդ հնարաւորութիւնը, այլ նաեւ հարցականի տակ է դնում, ըստ այդ ամօթալի փաստաթղթի, մասնատման ենթարկւող Արցախի եւ Հայաստանի Հանրապետութեան յատկապէս հարաւի յետագայ անվտանգ գոյութիւնը՝  նաեւ բուն Ադրբեջանի եւ Նախիջեւանի միջեւ մեր տարածքով կապ ապահովելու խիստ վտանգաւոր պարտաւորութեան պայմաններում:

Յ. Գ. Հայրենիք յանձնող, հայ ժողովրդին 44 օր խաբելով դաւադիր յայտարարութիւնը գաղտնի ստորագրած վարչապետի պաշտօնը զբաղեցնող դաւաճանին սպասարկող ֆէյքային բանակների եւ քարոզչամիջոցների ղեկավարներ, դուք կարեկցանքի ու արգահատանքի էք արժանի, իսկ հայրենանւէր անձանց վարկաբեկելու ձեր խղճուկ փորձերը միանշանակօրէն դատապարտւած են ձախողման:

Մեր ազգը եւ պետութիւնը ձեզ չեն ներելու...»:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։