Հա

Քաղաքական

16/11/2020 - 11:30

Իրանի դէմ պատերազմի հաւանականութիւնը...

Լրագրող Նայիրի Յոխիկեանն իր ֆէյսբուքեան էջում գրում է. «Իրանի դէմ պատերազմի հաւանականութիւնը․․․

«alikonline.ir» - Լրագրող Նայիրի Յոխիկեանն իր ֆէյսբուքեան էջում գրում է. «Իրանի դէմ պատերազմի հաւանականութիւնը․․․

Պատերազմի ամենածանր օրերին Հայաստանի հարաւային հարեւան Իրանը սահմանին կենտրոնացրեց իր զինանոցի մեծ մասը։ Մենք ոգեւորւեցինք, թէ ուզում են օգնել մեզ, իսկ իրականում իրանցիները իրենց էին փորձում օգնել։

Նոյեմբերի 9-ից յետոյ Ադրբեջանում տեղակայւած ահաբեկիչները ստացան այլ յանձնարարութիւն՝ մտնել Իրան եւ անկայունութիւն հրահրել։ Հէնց այդ մասին էի գրել նոյեմբերի 10-ին՝ նշելով․ «Յաջորդը Իրանի պարտութիւնն է․․․»։

2021 թ․ յունւարի 20-ին ԱՄՆ-ում իշխանութիւնը կանցնի դեմոկրատների ձեռքը։ Ամերիկագէտները լաւ գիտեն դեմոկրատների գլոբալ ռազմավարութիւնը։ Որքան էլ խօսի խաղաղութիւնից ու համագործակցութիւնից, Ջօ Բայդէնը կը լինի Իրանի դէմ պատերազմի առաջամարտիկը՝ Իսրայէլի դէմքով։ Ահաբեկիչները հէնց այնպէս չեն տեղակայւել Արցախի հարաւում։ Նրանց համար որպէս բազա է ընտրւել Ջրականը (Ջաբրայիլ)։ Աւելի քան 5000 ահաբեկիչների ընտանիքներին այս օրերին աստիճանաբար Սիրիայից տեղափոխում են այնտեղ։ Առաջիկայ 1-2 ամիսների ընթացքում լարւածութիւնը պահելու համար կը լինեն սահմանային բախումներ ահաբեկիչների ու իրանցի զինւորականների միջեւ։ Արդէն 1 դէպք կայ։

2021 թ․ յունւարի 20-ից յետոյ վստահաբար շեշտակի կը լարւեն Իրանի եւ Իսրայէլի յարաբերութիւնները, օրերի ընթացքում ահաբեկիչները կը ներթափանցեն Իրանի հիւսիսային շրջաններ, կը սկսւեն լայնածաւալ քաղաքացիական բախումներ ու ահաբեկչական յարձակումներ։ Իրանն, իհարկէ, ունի հզօր պաշտպանական ռազմական համակարգեր, բայց Իրանի հիւսիսային շրջաններում բնակւող մօտ 20 մլն թուրքախօս իրանցիները կը դառնան միջոց ներքին անկայունութեան համար։

Անկայուն Իրանում իր զօրքը կը փորձի տեղակայել Թուրքիան, Ադրբեջանը կը ձգտի ստանալ իր պատառը, իսկ ԱՄՆ-ն ամէն ինչ կանի՝ տիրանալու Իրանի անսահման ռեսուրսներին։ Իրաքից, Սիրիայից, Լիբիայից յետոյ հերթը Իրանինն է։

Կարծում եմ, Հայաստանը պէտք է արագօրէն զինւի՝ դիմագրաւելու տարածաշրջանային խոշոր մարտահրաւէրներին ու նաեւ ազատագրելու Արցախի գրաւեալ տարածքները»:

Յարակից լուրեր

  • Մտահոգութեան մասին յայտարարութենէ աւելին
    Մտահոգութեան մասին յայտարարութենէ աւելին

    Միացեալ Նահանգներու արտաքին գործոց նախարարութեան բանբեր Նետ Փրայս 28 յուլիսին Հայաստան-Ազրպէյճան սահմանին վրայ ազրպէյճանական կողմին շղթայազերծած յարձակումին պատճառով ժամեր առաջ արձանագրուած բախումներու հարցով հրապարակեց հետեւեալ յայտարարութիւնը. «Միացեալ Նահանգներ կը դատապարտեն Հայաստանի եւ Ազրպէյճանի միջեւ միջազգային սահմանի երկայնքով բռնութեան վերջին մագլցումը: Մենք Հայաստանին եւ Ազրպէյճանին կոչ կ՛ուղղենք կատարելու զինադադարի վերաբերեալ իրենց պարտաւորութիւնները` անյապաղ քայլեր ձեռնարկելով կացութեան լարուածութեան մեղմացման համար:

  • «Անորոշութիւնը Հայաստանի եւ Ադրբեջանի միջեւ մի շարք կարեւոր ուղղութիւններով դեռ կը շարունակւի»․ Տարասով
    «Անորոշութիւնը Հայաստանի եւ Ադրբեջանի միջեւ մի շարք կարեւոր ուղղութիւններով դեռ կը շարունակւի»․ Տարասով

    «ՀՀ-ում կարեւոր պաշտօններում նոր մարդիկ են նշանակւել, նրանք պէտք է յարմարւեն աշխատանքին, ինչպէս նաեւ բոլոր խաղացողները պէտք է վերջնականապէս դիրքաւորւեն անընդհատ փոփոխւող իրավիճակում»,- այս մասին 168․am-ի հետ զրոյցում ասաց ռուս քաղաքական վերլուծաբան Ստանիսլաւ Տարասովը՝ անդրադառնալով հայ-ադրբեջանական սահմանին ստեղծւած իրավիճակին եւ այն լուծելու ուղղութեամբ արւող առաջարկներին։

  • Իրանում քննարկւել է ՀՀ-ում դեղագործութեան ոլորտում ներդրումային ծրագրեր իրականացնելու հարցը
    Իրանում քննարկւել է ՀՀ-ում դեղագործութեան ոլորտում ներդրումային ծրագրեր իրականացնելու հարցը

    Իրանի Իսլամական Հանրապետութեան սոցիալական ապահովութեան ներդրումների ընկերութեան հրաւէրով յուլիսի 27-ից 29-ը Թեհրանում էր գտնւում ՀՀ էկոնոմիկայի փոխնախարար Նարեկ Տէրեանի գլխաւորած պատւիրակութիւնը:

  • Կոնգրեսականների յստակ ուղերձը՝ Բաքւին
    Կոնգրեսականների յստակ ուղերձը՝ Բաքւին

    Փելոունի ուղղման ընդունումը ամերիկեան Կոնգրեսի Ներկայացուցիչների պալատի յստակ ուղերձն է Հայաստանի դէմ ագրեսիա իրականացնող Ադրբեջանին: «Արմէնպրես»-ի հետ զրոյցում այսպիսի կարծիք յայտնեց ՀՅԴ Բիւրոյի անդամ, ՀՅԴ Բիւրոյի Հայ Դատի եւ քաղաքական հարցերի գրասենեակի պատասխանատու Կիրօ Մանոյեանը՝ տեղեկացնելով, որ Հայ Դատի յանձնախումբն այժմ աշխատում է գործընթացն աւարտին հասցնելու եւ Ադրբեջանին յատկացւող ամերիկեան ռազմական օգնութեան ամբողջական արգելափակմանը հասնելու համար: 

  • «Հայաստանի ղեկավարութիւնը նաեւ ՀՀ-ի անվտանգութեան երաշխաւորը լինելուց է հրաժարւում». քաղտեխնոլոգ
    «Հայաստանի ղեկավարութիւնը նաեւ ՀՀ-ի անվտանգութեան երաշխաւորը լինելուց է հրաժարւում». քաղտեխնոլոգ

    Ընդհանուր առմամբ, բանակցութիւններ ասւածը տարբեր խողովակներով ընթանում էին ու ընթանում են, այդ թւում՝ ոչ միայն պաշտպանութեան, այլ գուցէեւ արտաքին գործերի նախարարութիւնների, երկրի ղեկավարների ադմինիստրացիաների խողովակներով: «Փաստ»-ի հետ զրոյցում նման կարծիք յայտնեց քաղտեխնոլոգ Վիգէն Յակոբեանն՝ անդրադառնալով սահմանային լարւածութեան ֆոնին ՀՀ ՊՆ-ի կողմից յայտարարվւծ սպասւելիք բանակցութիւնների մասին, ինչն անակնկալ էր հանրութեան համար: Ըստ քաղտեխնոլոգի, իրականում ոչ մի արտառոց բան չկայ:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։