Հա

Քաղաքական

16/11/2020 - 13:20

Միքայէլ Մինասեանը հրապարակել է կապիտուլեացիայի փաստաթղթին նախորդած փաստաթուղթ․ նա նկատում է՝ մերժւած փաստաթղթում ոչ մի բառ չկայ Շուշիի, Մեղրին թշմանու դիմաց բացելու մասին

Սուրբ Աթոռում ՀՀ նախկին դեսպան Միքայէլ Մինասեանը հրապարակել է կապիտուլեացիայի փաստաթղթին նախորդած փաստաթուղթ։

«alikonline.ir» - Սուրբ Աթոռում ՀՀ նախկին դեսպան Միքայէլ Մինասեանը հրապարակել է կապիտուլեացիայի փաստաթղթին նախորդած փաստաթուղթ։ Միքայէլ Մինասեանը նկատում է՝ մերժւած փաստաթղթում ոչ մի բառ չկա Շուշիի, Մեղրին թշմանու դիմաց բացելու մասին, չկայ ձեւակերպում այն մասին եւս, որ երկուստեք զօրքերը մնալու են այնտեղ, ուր հասել են։

Միքայէլ Մինասեանի գրառումն ամբողջութեամբ՝ ստորեւ․

«Ստախօս դաւաճան, ամէն ասածիցդ յետոյ, դիմացդ դնելու եմ փաստաթուղթ՝ ապացուցելու, թէ ինչ աստիճանի վիժւածք ես դու։ Սա քո ստորագրած փաստաթղթին նախորդող տարբերակներից է։ Սրանից յետոյ ստացել ես եւս մէկ առաջարկ, որից յետոյ ստեղծեցիր անելանելի վիճակ՝ ստորագրելով կապիտուլեացիայի փաստաթուղթը։

Այս տարբերակում.

- Ոչ մի բառ, ոչ մի կէտ չկայ Շուշիի մասին։

- Չկայ Մեղրին թշնամու դիմաց բացելու, Ադրբեջանի համար նոր ճանապարհի կառուցման կէտ։

- Լաչինի միջանցքի հայկական հատւածը ոչ թէ 5 այլ, 10 կմ էր մնալու։ Սրա կարեւորութեան մասին նոյնիսկ աւելորդ է խօսել։

- Չկայ ձեւակերպում այն մասին, որ երկուստեք զօրքերը մնալու են այնտեղ, ուր հասել են, ինչը դիւանագիտական լեզւով նշանակում է, որ հայկական տիրոյթում մնալու էր ամբողջ նախկին ԼՂԻՄ տարածքը։ Խաղաղապահ զօրքերը տեղակայլւելու էին նախկին ԼՂԻՄ սահմանին։

Յ.Գ. Պատերազմի մեկնարկից մինչեւ կապիտուլեացիա, բանակցային սեղանին դրւել են բազմաթիւ տարբերակներ, որոնք էականօրէն շատ աւելի լաւն էին, քան այն ինչ ստորագրեց։

Զրոյական կէտը իր հրաժարականն էր՝ առանց պատերազմի վերադարձ բանակցութիւնների սեղան։ Յետոյ պատերազմի արագ աւարտն էր, աննշան զիջումներով եւ բանակցային սեղան վերադառնալու պայմանով, յաջորդը՝ մէկ շրջանի զիջումն ու բանակցային ճանապարհով հարցի կարգաւորումն էր եւ այսպէս շարունակ։

Բայց աթոռից կառչած այս խելագարը մերժել է ամէն ինչ, երկիրը հասցրել տոտալ պարտութեան ու կապիտուլեացիայի՝ թողնելով հազարաւոր զոհեր, կորսւած հայրենիք, ծնկի իջած ժողովուրդ»։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։