Հա

Քաղաքական

21/11/2020 - 18:00

«Փաշինեանն ու իր կառավարութիւնը «ապահովել են» 8000 զոհ»․ Արծւիկ Մինասեան

Առաջնային խնդիր է, որ նոր որակի իշխանութիւն ձեւաւորւի եւ վերականգնի Հայաստանի արժանապատւութիւնը, այնպիսի արտաքին քաղաքականութիւն վարի, որը կը բացառի պատերազմը, իսկ եթէ Նիկոլ Փաշինեանը շարունակի պաշտօնավարել, մեր ժողովրդին սպառնում են նոր պատերազմներ եւ նոր արհաւիրքներ։

«alikonline.ir» - Առաջնային խնդիր է, որ նոր որակի իշխանութիւն ձեւաւորւի եւ վերականգնի Հայաստանի արժանապատւութիւնը, այնպիսի արտաքին քաղաքականութիւն վարի, որը կը բացառի պատերազմը, իսկ եթէ Նիկոլ Փաշինեանը շարունակի պաշտօնավարել, մեր ժողովրդին սպառնում են նոր պատերազմներ եւ նոր արհաւիրքներ՝ ըստ Yerkir.am-ի յայտարարեց ՀՅԴ Հայաստանի ԳՄ անդամ Արծւիկ Մինասեանը Ազատութեան հրապարակում Հայրենիքի փրկութեան շարժման հանրահաւաքի ժամանակ։

Նա նշեց, որ 8 ամսւայ ընթացքում Նիկոլ Փաշինեանն ու իր կառավարութիւնը «ապահովել են» 8000 զոհ․ այդ մարդիկ զոհւեցին կորոնավիրուսից ու ռազմաճակատում։

«Եւ սրա թիւ մէկ պատասխանատուն Նիկոլ Փաշինեանն ու իր կառավարութիւնն է։ Հետեւաբար, բոլոր այս յանցագործները պէտք է կանգնեն դատարանի առաջ, պէտք է կրեն պատասխանատւութիւն, որպէսզի բացառենք հետագայում որեւէ ազգադաւ, հայրենադաւ ու հանցաւոր իշխանութեան գոյութիւն մեր երկրում։ Այս մարդկանց հեռացնել ու դատել է պէտք՝ օրէնքի ամենախիստ նորմերով»,- ասաց նա։

Որակապէս նոր կառավարութիւնը, Արծւիկ Մինասեանի խօսքով, պէտք է ձեռնամուխ լինի ողնաշարը կոտրւած տնտեսութեան վերականգնմանը։ Պէտք է նոր աշխատատեղեր ստեղծի։

«Քաղաքականութիւն չեն իրականացնում․ դրամի կուրսը, տեսէք, ինչ է եղել։ Այս եւ բազմաթիւ հարցեր նոր կառավարութեան լուծելու հարց է։ Արտաքին պարտքի շեշտակի վերանայում պէտք է իրականացւի, հակառակ դէպքում մեր պետութիւնն այս արտաքին պարտքի բեռի տակ ուղղակի ճկռելու է։ Այս կառավարութիւնը թիւ մէկ մեղաւորն է այս ամենի։ Տնտեսութեան վերականգնումը կարեւորագոյն խնդիր է»,- ասաց նա։

Յաջորդ կարեւոր ուղղութիւնը սոցիալական աննորմալ համակարգը վերափոխելն է՝ նշեց Մինասեանը։

«Մեր սոցիալապես անապահով բազամահազար անձանց այսօր միացել է նաեւ ճակատում վիրաւորւած, հաշմանդամ դարձած, զոհւածի ընտանիք հանդիսացող անձանց սոցիալական պաշտպանութեան հարցը: Այս կառավարութիւնն ի վիճակի չէ լուծել այս հարցերը, որովհետեւ ինքն է ստեղծել այդ վիճակը»,- ասաց նա։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։