Հա

Քաղաքական

24/11/2020 - 13:30

Բանակցութիւններ 2

Բոլոր բանակցութիւնները, լինեն քաղաքական, տնտեսական, պատերազմի հրադադարի եւ այլն, ոչ այլ ինչ են, եթէ ոչ՝ առ եւ տուր, որի հէնքում ընկած է առաւելագոյնն ստանալու եւ նւազագոյնն յանձնելու սկզբունք, իսկ ընդհանրական շահերի համար եւս նկատի է առնւած կարմիր գծեր, որից այն կողմ անցնել չի կարելի: Բանակցութիւնը դիւանագիտական մի նուրբ արւեստ է, որի վարողը պիտի լինի արհեստավարժ, բանատեղեակ եւ հմուտ դիւանագէտ, ոչ թէ սովորական պետական մի այր, զուրկ վերոնշեալ հմտութիւններից:

ԹԱԹՈՒԼ ՕՀԱՆԵԱՆ

 

Իմ նախորդ «Բանակցութիւններ» յօդւածում («alikonline»-ի 27.10.2020 թ.) անդրադարձել եմ, որ բանակցութիւնները միջազգային շրջանակների կողմից համարւում են քաղաքակիրթ գործընթաց եւ, որ ովքեր են վարում այն եւ ինչ պայմաններում է, որ բանակցութիւնները բարւոք լուծում ու ցանկալի արդիւնքի չեն հասնում: Արդ, պիտի անդրադառնամ բանակցութիւններին կապւող յաւելեալ մանրամասնութիւններով:

Բոլոր բանակցութիւնները, լինեն քաղաքական, տնտեսական, պատերազմի հրադադարի եւ այլն, ոչ այլ ինչ են, եթէ ոչ՝ առ եւ տուր, որի հէնքում ընկած է առաւելագոյնն ստանալու եւ նւազագոյնն յանձնելու սկզբունք, իսկ ընդհանրական շահերի համար եւս նկատի է առնւած կարմիր գծեր, որից այն կողմ անցնել չի կարելի: Բանակցութիւնը դիւանագիտական մի նուրբ արւեստ է, որի վարողը պիտի լինի արհեստավարժ, բանատեղեակ եւ հմուտ դիւանագէտ, ոչ թէ սովորական պետական մի այր, զուրկ վերոնշեալ հմտութիւններից:

Պատերազմական հրադադարի բանակցութիւններում նախ պիտի նկատի ունենալ ժողովրդի ու Հայրենիքի անվտանգութիւնը, որը սերտօրէն կապւած է թէ՛ պաշտպանելի սահմաններ ունենալու, եւ թէ՛ տնտեսական ու բարոյական, առաւելագոյն շահ ապահովելու հետ, որոնք ի գին ամէն զոհողութեան պիտի պահել ու պաշտպանել: Իսկ մեր պաշտպանելի սահմաներն ու շահերն են.

ա- Ռազմավարական նշանակութեամբ բարձրունքները, բարձրադիր քաղաքներն ու բնակելի տարածքները:

բ- Հակամարտութեան շրջաններից դուրս, բարեկամ երկրների հետ ունեցած սահմանների, անխախտելիութիւնը եւ անարգել երթեւեկութեան ապահովումը:

գ- Աւազակապետների կողմից Հայրենիքի հողատարածքների միջեւ ստեղծւած սեպաձեւ ճեղքւածքները, որպէս Հայրենիքի անբաժան մաս, վերադարձնել իրաւատիրոջը:

դ- Եւ վերջապէս հայ ժողովրդի եւ Հայրենիքի գլխաւոր անվտանգութիւնը ապահովող, ադրբեջանի կազմից դուրս, Արցախի կարգավիճակի ու անկախութեան միջազգային ճանաչման ապահովումն ու նախայարձակին պատերազմական վնասից հատուցման ենթարկելը:

Վերոնշեալ չորս կէտերը, հայ ժողովրդի ընդհանրական շահերի կարմիր գծերն են, որոնցից այն կողմ չի կարելի անցնել:

Դժբախտաբար ՀՀ վարչապետ Նիկոլ Փաշինեանը, առանց համապատասխան լիազօրագրի, միանձնեայ քմահաճոյքով կնքել է եռակողմ մի համաձայնագիր, ըստ որի ոչ միայն հատել է վերոնշեալ կարմիր գծերը, ի վնաս հայութեան, այլ մեր թշնամիներին է յանձնել հայ ժողովրդի քաջարի զաւակների արեան գնով ձեռք բերւած եւ հայ ժողովրդի անկապտելի սեփականութիւնը համարւող հողատարածքներ, որի համար պատասխանատու է հայ ժողովրդի ներկայ եւ ապագայ սերունդների առջեւ:

 

Նոր Ջուղա

22.11.2020 թ.

Յարակից լուրեր

  • Փաշինեանի «ընտիր» մտքերից
    Փաշինեանի «ընտիր» մտքերից

    Փետրւարի 25-ի երեկոյեան, Երեւանի Հանրապետութեան հրապարակում, Նիկոլի այսպէս ասած կողմնակիցների հաւաքում, որին մասնակցել էին «Իմ քայլականները» իրենց ընտանիքներով, բարեկամներով, հարազատներով, խնամիներով եւ մի շարք պետական հլու պաշտօնեաներով, ինչպէս նաեւ մի քանի արդուզարդով, սելֆի անող շպարւած կանանցով, որտեղ Նիկոլը կրկին ու կրկին, Աստւած գիտի քանիերորդ անգամւայ համար, օգտագործեց «Հայաստանի հպարտ քաղաքացի» դարձւածքը:

  • Ապագայ սերունդները անիծելու են իմքայլականներին եւ նրանց կուռք հանդսացող՝ Նիկոլին
    Ապագայ սերունդները անիծելու են իմքայլականներին եւ նրանց կուռք հանդսացող՝ Նիկոլին

    Ըստ գաղափարախօսների եւ հասարակագիտութեանց գիտնականների տեսակէտների մի աննշան տարբերութեամբ,հայրենիք նշանակում է «այն երկիրը որտեղ մարդը ծնւել է ու որի քաղաքացին է: Պատմականօրէն տւեալ ժողովրդին պատկանող բնատարածքը՝ իր բնութեամբ, բնակչութեամբ, հասարակական եւ պետական կառուցւածքով, լեզւով, մշակոյթով, կենցաղով, բարքերով եւ այլն»:

  • Կռապաշտութիւն
    Կռապաշտութիւն

    Պատմութեան ընթացքում, երբեմն զանազան երկրների, երբեմն էլ նոյնիսկ նոյն երկրի տարբեր դարաշրջանների պատմութիւնները, զարմանալիօրէն նմանւում են իրար որոնցից շուրջ մէկ դար տարածութեամբ, կարելի է նշել, բոլշեւիկների եւ իմ քայլականների նմանութիւնները ըստ հետեւեալի:

  • Ինքնարդարացման փնտրտուք
    Ինքնարդարացման փնտրտուք

    Մի քանի ժամանակ է ինչ, Փաշինեանի երկրպագուները, խիստ փնտրտուքի մէջ են որպէսզի տարիներ առաջ կնքւած, պայմանագրերից որեւէ մէկի եւ Նիկոլի կնքած չարաբաստիկ պայմանագրի միջեւ զուգահեռներ անց կացնելով, ճգնում են իրենց կուռքի ազգադաւ յանցանքը աւելի մեղմացնել եւ արդարացնել, առ այդ կառչել են, 1920 թւի դեկտեմբեր 2-ին կնքւած Ալեքսանդրապոլի դաշնագրին:

  • Հայրենասիրութիւն
    Հայրենասիրութիւն

    Հայրենասիրութիւնը, հասարակական բարոյական սկզբունք է որը բնորոշում է մարդկանց վերաբերմունքը, իրենց երկրի նկատմամբ եւ դրսեւորում է սէր ու հոգատարութիւն դէպ հայրենիք եւ յանուն հայրենիքի ինքնազոհութեան պատրաստակամութիւն եւ պայքար ոգի արտաքին ու ներքին թշնամիների դէմ:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։