Հա

Քաղաքական

25/11/2020 - 13:40

Անթոյլատրելի ենք համարում հասարակութեան մէջ թշնամութեան, վրէժխնդրութեան, անվստահութեան, ատելութեան սերմանումը․ ՀՀ ԳԱԱ նախագահութիւնը պահանջում է ՀՀ կառավարութեան հրաժարականը

ՀՀ Գիտութիւնների ազգային ակադեմիայի նախագահութիւնն Արցախի եւ Հայաստանի դէմ թուրք-ադրբեջանական ագրեսիայի արդիւնքում ստեղծւած իրավիճակի վերաբերեալ հանդէս է եկել յայտարարութեամբ:

«alikonline.ir» - ՀՀ Գիտութիւնների ազգային ակադեմիայի նախագահութիւնն Արցախի եւ Հայաստանի դէմ թուրք-ադրբեջանական ագրեսիայի արդիւնքում ստեղծւած իրավիճակի վերաբերեալ հանդէս է եկել յայտարարութեամբ: Յայտարարութիւնն ընդունւեց ՀՀ ԳԱԱ նախագահութեան նոյեմբերի 24-ի նիստում: Այս մասին յայտնում են ՀՀ ԳԱԱ տեղեկատւական-վերլուծական ծառայութիւնից։

Յայտարարութեան մէջ նշւած է.

«2020թ. սեպտեմբերի 27-ին Արցախի Հանրապետութեան դէմ Ադրբեջանի եւ Թուրքիայի սանձազերծած պատերազմի արդիւնքում Հայաստանի Հանրապետութիւնում եւ Արցախում ստեղծւած ծանրագոյն իրավիճակի կապակցութեամբ Հայաստանի Հանրապետութեան գիտութիւնների ազգային ակադեմիայի նախագահութիւնը յայտարարում է.

  1. Նոյեմբերի 9-ին Ադրբեջանի, Հայաստանի եւ Ռուսաստանի միջեւ կնքւած յայտարարութիւնը գնահատում ենք որպէս հայ ժողովրդի համար նւաստացուցիչ փաստաթուղթ, ըստ որի Արցախի Հանրապետութիւնը կրում է խոշոր տարածքային կորուստներ, ունենում է ինքնիշխանութեան լրջագոյն սահմանափակումներ, հայկական զոյգ պետութիւններում եւ Սփիւռքում ստեղծւում է բարոյահոգեբանական բարդ ու ծանր մթնոլորտ։
  2. Ստեղծւած իրավիճակում Ռուսաստանի Դաշնութեան խաղաղապահներին համարում ենք Արցախի հայութեան նկատմամբ թուրք-ադրբեջանական ցեղասպան եւ հայրենազրկման քաղաքականութիւնից փրկութեան եւ տարածաշրջանում կայունութեան հաստատման բացառիկ երաշխաւոր։
  3. Բարձր ենք գնահատում հայկական զինուժի վճռական դերն Արցախի իշխանութիւնների վերահսկողութեան տակ գտնւող տարածքի պահպանման գործում: Կոչ ենք անում ամեն կերպ բացառել բանակի բարոյալքումը, նպաստել բանակի համալրմանը, ամրապնդմանը եւ արդիականացմանը։
  4. Խստագոյնս դատապարտում ենք տարիներ շարունակ գիտութեան նկատմամբ հանրապետութեան իշխանութիւնների կրաւորական վերաբերմունքը, որի արդիւնքում անհնարին դարձաւ երկրի պաշտպանական համակարգում ժամանակակից գիտատեխնիկական նվաճումների կիրառումը։
  5. Անթոյլատրելի ենք համարում հասարակութեան մէջ թշնամութեան, վրէժխնդրութեան, անվստահութեան, ատելութեան սերմանումը եւ կոչ ենք անում վճռական ջանքեր գործադրել համերաշխութեան եւ միասնութեան մթնոլորտ ստեղծելու համար:
  6. Ստեղծւած իրավիճակում անարդիւնաւէտ ենք համարում ՀՀ կառավարութեան հետագայ պաշտօնավարումը եւ պահանջում կառավարութեան հրաժարականը հանրապետութեան վարչապետի գլխաւորութեամբ»։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։