Հա

Քաղաքական

25/11/2020 - 13:30

«Փաշինեանի ժամանակաւոր կառավարութիւնը․ հրաժարական տւող, հեռացող նախարարների փոխարէն նոր նախարարներ նշանակւում են միայն այդ աթոռները դատարկ չթողնելու համար»․ Մարինէ Սուքիասեան

«Այլընտրանքային նախագծեր» խմբի վերլուծաբան Մարինէ Սուքիասեանն անդրադարձել է կառավարութիւնում Նիկոլ Փաշինեանի նախաձեռնած փոփոխութիւններին։

«alikonline.ir» - «Այլընտրանքային նախագծեր» խմբի վերլուծաբան Մարինէ Սուքիասեանն անդրադարձել է կառավարութիւնում Նիկոլ Փաշինեանի նախաձեռնած փոփոխութիւններին։ Գրում է Tert.am-ը:

«Մինչ ոչ իշխանական ուժերը գեներացնում են ժամանակաւոր կառավարութեան գաղափարը, Փաշինեանը, ում ձեռքում է դեռեւս պետութեան կնիքը, ինքն է սկսել ժամանակաւոր կառավարութիւն ձեւաւորել։

Ակնյայտ է, որ հրաժարական տւող, հեռացող նախարարների փոխարէն նոր նախարարներ նշանակւում են միայն այդ աթոռները դատարկ չմնալու համար։ Այսօրւայ ՀՀ կառավարութիւնը ունի մէկ ֆունկցիա՝ ֆորմալ ապահովել կառավարութեան գոյութիւն եւ Փաշինեանի իշխանութեան պատրանք։

Սա իսկական ժամանակաւոր կառավարութիւն է, ստեղծւած շատ կարճ ժամանակի համար։ Նրանից որեւէ ակնկալիք չկայ, եւ թերեւս իրենք նոյնպէս գիտակցում են իրենց անիմաստութիւնը։ Հասկանալի է, որ պետութիւնը չի կարող լինել առանց կառավարութեան եւ քանի դեռ տեղի չի ունեցել նոր իշխանութեան օրինական ձեւաւորում, այս մարդիկ պէտք է որոշակի ֆունկցիաներ կատարեն։

Միւս կողմից, եթէ առաջիկայում Փաշինեանի հրաժարականի պահանջի հանրային ճնշումը էապէս չմեծանայ, ապա այս կառավարութիւնը կարող է վերափոխւել ժամանակաւոր-երկարատեւի։ Այն էլի կը մնայ ժամանակաւոր՝ իր անիմաստութեան եւ ոչ էֆեկտիւութեան առումով, բայց կարող է գոյատեւել աւելի երկար, կրելով ընթացիկ կոսմետիկ փոփոխութիւններ։ Սա պետութեան համար կը լինի ամենավատ սցենարներից մէկը, քանի որ պետութեան կենսական խնդիրները չեն լուծւի, պետութիւնը կը մտնի խորը քաղաղաքական-տնտեսական ստագնացիայի մէջ»,- գրել է Մարինէ Սուքիասեանը։

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։