Հա

Քաղաքական

29/11/2020 - 13:45

«Հոկտեմբերի վերջին Նիկոլին առաջարկւած փաստաթղթում կէտ կայ զինադադարից յետոյ գերիների անյապաղ փոխանակման մասին․ ստորագրւած փաստաթղթում կէտը բացակայում է». Մ. Մինասեանը՝ փաստաթուղթ է հրապարակել

Այս արիւնալի պատերազմի ժամանակ Նիկոլի յայտարարած ստերը եւ կատարած յանցագործութիւնները հետեւողականօրէն բացայայտելու եմ։ Ներկայացնելու եմ փաստեր, որոնք էլի ու էլի ապացուցելու են, որ Նիկոլը շարքային ստախօս է ու ազգի դաւաճան։ 

«alikonline.ir» - Այս արիւնալի պատերազմի ժամանակ Նիկոլի յայտարարած ստերը եւ կատարած յանցագործութիւնները հետեւողականօրէն բացայայտելու եմ։ Ներկայացնելու եմ փաստեր, որոնք էլի ու էլի ապացուցելու են, որ Նիկոլը շարքային ստախօս է ու ազգի դաւաճան։ Այս մասին գրառում է կատարել Սուրբ Աթոռում ՀՀ նախկին դեսպան Միքայէլ Մինասեանը՝ կից հրապարակելով հոկտեմբերի վերջին Փաշինեանին առաջարկւած փաստաթղթի աշխատանքային տարբերակի օրիգինալը։

Նա մասնաւորապէս նշել է․

«Սա հոկտեմբերի վերջին Նիկոլին առաջարկւած փաստաթղթի աշխատանքային տարբերակի օրիգինալն է: Նիկոլը այն մերժել է։

Այս փաստաթղթում յատուկ կէտ կայ գերիների եւ ռազմի դաշտում զոհւածների մասին։ Այնտեղ ասւում է. «Զինադադարից յետոյ պէտք է սկսւի գերիների ԱՆՅԱՊԱՂ փոխանակում եւ դիերի յայտնաբերում»:

Այս ձեւակերպումը՝ «ԱՆՅԱՊԱՂ», կրկնւում է երկու անգամ։ Մի բան, որն իսպառ բացակայում է ստորագրւած փաստաթղթում։

Այս փաստաթղթում չկան Լաչինի ու Քելբաջարի յանձնումը։ Սա ամենամեծ ու էական տարբերութիւնն է։

Այս փաստաթղթում չկայ ոչինչ Նախիջեւանի հետ կապող ՆՈՐ ճանապարհի շինարարութեան մասին։

Խնդրանքս է բոլորին. այն մարդիկ, ովքեր յոյս ունեն, որ այս մարդասպան վիժւածքը զբաղւելու է մեր տղաների ճակատագրով, ուշադիր կարդացէք այս փաստաթուղթը։

Նիկոլը ստում է ու միշտ է ստել եւ երբեք չի՛ զբաղւել ու չի կարող զբաղւել մեր ազգային հարցերով։

Նիկոլը, Աննան ու Արայիկը հէնց հիմա իրենց ձեռքի տակ ունեն գրեթէ ամբողջական ինֆորմացիան զոհերի, անհետ կորածների ու գերիների մասին։ Նրանց զեկուցել է ԱԱԾ-ն։ Գիտեն, ունեն եւ չեն հրապարակում՝ վախենալով հանրային տրամադրութիւններից։

Իմացէք՝ Նիկոլի ապաշնորհութեան պատճառով գերիներն ամէն օր աւելանում են։ Նա եւ խեղկատակ Արայիկը ոչինչ չեն անում դա կանխելու համար։

Գերիների, անհետ կորածների ու դիերի հետ կապւած Նիկոլն ամենավերջին մարդն է, ում հետ պէտք է խօսել։ Նա ամէն ինչ կարող էր անել եւ չի արել, իսկ հիմա դրա համար չունի որեւէ լեգիտիմութիւն եւ լծակ այն պարզ պատճառով, որ ոչ ոք նրա հետ հաշւի չի նստում։

Յ.Գ. Ես նոյնիսկ չեմ ուզում անդրադառնալ վիժւածքի այսօրւայ գրառմանը՝ Կազանեան փաստաթղթի եւ դրա վրայ կառուցւած նրա մտորումների մասին: Բանակցային գործընթացին քիչ թէ շատ տեղեակ մարդու համար Նիկոլի հրապարակած այդ անգրագէտ տեքստը ուղղակի ծիծաղելի է։ Տեքստ, որտեղ գլխիվայր շուռ է տրւած ամէն ինչ եւ միտումնաւոր բաց են թողնւած Վիեննայի ու Սանկտ-Պետերբուրգի պայմանաւորւածութիւններն ու շատ այլ էական հանգամանքներ, այդ թւում՝ աշխարհաքաղաքական:

Եթէ Արցախի հիմնախնդրի կարգաւորման վերաբերեալ այդ վիժւածքի պարզունակ մօտեցումները նախկինում խղճահարութիւն էին առաջացնում, հիմա՝ զզւանք ու սրտխառնոց։

Չքւի՛ր, անբարոյ արարած»։

Յիշեցնենք, որ Նիկոլ Փաշինենան այսօր հանդէս է եկել գրառումով, փորձելով արդարացնել հողերը յանձնելու իր դաւաճանական որոշումը, եւ դրան հետեւած զոհւածների դիերի վերադարձի, անհետ կորածների յայտնաբերման եւ գերիների հարցով իր եւ իր գլխաւորած կառավարութեան յանցաւոր անգործութիւնը:

Յարակից լուրեր

  • «Նիկոլ Փաշինեանը՝ Աղաւնոյի փլատակների տակ». 7or.am
    «Նիկոլ Փաշինեանը՝ Աղաւնոյի փլատակների տակ». 7or.am

    Թող զարմանալի չթւայ, բայց Նիկոլ Փաշինեանի իշխանութեան հիմնասիւներից մէկը 2020-ի նոյեմբերի 9-ին ստորագրած կապիտուլեացիոն բնոյթի փաստաթուղթն էր։ Իրեն հաւատացող պօղոսներին նա այդ փաստաթղթով համոզում էր, որ կեանքեր է փրկել, համ էլ՝ «խաղաղութեան նոր դարաշրջան» է բացելու թուրքերի ու ադրբեջանցիների հետ։

  • «Իրանը տարածաշրջանի աշխարհաքաղաքական քարտէզի փոփոխութիւն չի հանդուրժի». Նախագահ Ռէյիսին՝ Փաշինեանին
    «Իրանը տարածաշրջանի աշխարհաքաղաքական քարտէզի փոփոխութիւն չի հանդուրժի». Նախագահ Ռէյիսին՝ Փաշինեանին

    Հանրապետութեան նախագահ այաթ. Սէյէդ Էբրահիմ Ռէյիսին ՀՀ վարչապետ Նիկոլ Փաշինեանի հետ հեռախօսազրոյցում շեշտել է, որ Իրանը տարածաշրջանի աշխարհաքաղաքական քարտէզի փոփոխութիւն չի հանդուրժի:

  • Նիկոլ Փաշինեանն իրականացնում է «Ելք» օպերացիան
    Նիկոլ Փաշինեանն իրականացնում է «Ելք» օպերացիան

    Նիկոլ Փաշինեանի հռչակած «խաղաղութեան դարաշրջանը», պարզւում է, այն մասին էր, որ այլեւս հայրենիքը յանձնւելու է ոչ թէ պատերազմով, գոնէ պայքարի իմիտացիայով, այլ միանգամայն խաղաղ ճանապարհով․ Հայաստանը՝ արցախեան խամաճիկներով-բանով, ընդամէնը հերթով կատարում է Ալիեւի բոլոր պահանջները։

  • Լիկւիդացիոն գներ՝ Նիկոլ Փաշինեանից, փաթեթաւորումը՝ արեւմտեան դեսպաններից
    Լիկւիդացիոն գներ՝ Նիկոլ Փաշինեանից, փաթեթաւորումը՝ արեւմտեան դեսպաններից

    Նիկոլ Փաշինեանը, ամենայնից զատ, իսկ գուցէ ամենից առաջ ստի վաճառական է։ Լաւ վաճառական։ Նա տարիներ, տասնամեակներ շարունակ լրագրողի, խմբագրի, ապա՝ ընդդիմադիրի դերերում հմտացել է՝ սուտը՝ որպէս ճշմարտութիւն, իրականը՝ որպէս կեղծ, կեղծը՝ որպէս բնօրինակ հրամցնելու գործում։ Նոյնը շարունակում է նաեւ պետութեան ղեկավարի կարգավիճակում։ Ճշմարտութեան տեղ մատուցւող նրա ստերն անսահմանօրէն շատ են, բայց դրանց թւում կան յատկապէս ու առանձնապէս այնպիսիք, որոնք ունեն համակարգաստեղծ նշանակութիւն եւ կենսական ազդեցութիւն են թողնում պետութեան ու հասարակութեան վրայ։

  • Նիկոլ Փաշինեանի հերթական վախերը. ինչո՞ւ է փոխւում «Քաղաքացիութեան մասին» ՀՀ օրէնքը
    Նիկոլ Փաշինեանի հերթական վախերը. ինչո՞ւ է փոխւում «Քաղաքացիութեան մասին» ՀՀ օրէնքը

    Ինչեւէ, «Քաղաքացիութեան մասին» օրէնքում լրացում կատարելու մասին» օրէնքի նախագծով առաջարկւում է ազգութեամբ հայ Հայաստանի Հանրապետութեան քաղաքացիութիւն չունեցող անձի կողմից Հայաստանի Հանրապետութեան քաղաքացիութիւն ձեռք բերելու համար որպէս պարտադիր պահանջ սահմանել Հայաստանի Հանրապետութիւնում վերջին 2 տարւայ ընթացքում առնւազն 60 օր օրինական հիմքով բնակւելու կամ գտնւելու հանգամանքը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։