Հա

Քաղաքական

03/12/2020 - 10:25

«Ադրբեջանում համատարած Փաշինեանին ծաղրում են, իսկ նրա թիմից արձագանք չկայ սրան. իհարկէ, սա ՀՀ նախկին նախագահներին, գեներալներին քննադատելու հարցը չի, որ օպերատիւ ի կատար ածեն». Ռ. Մելքոնեան

Այն ստորացուցիչ պահը, երբ տեսնում ես, որ երկրիդ ոչ բարով ղեկավարը դարձել է ադրբեջանական ժամանակակից երգիծական բանահիւսութեան գլխաւոր հերոս. այս մասին ֆէյսբուքեան իր էջում գրառում է կատարել ԵՊՀ Արեւելագիտութեան ֆակուլտետի դեկան Ռուբէն Մելքոնեանը:

«alikonline.ir» - Այն ստորացուցիչ պահը, երբ տեսնում ես, որ երկրիդ ոչ բարով ղեկավարը դարձել է ադրբեջանական ժամանակակից երգիծական բանահիւսութեան գլխաւոր հերոս. այս մասին ֆէյսբուքեան իր էջում գրառում է կատարել ԵՊՀ Արեւելագիտութեան ֆակուլտետի դեկան Ռուբէն Մելքոնեանը:

Նա մասնաւորապէս գրել է.

«Ադրբեջանում Փաշինեանին ծաղրում են նախագահ Ալիեւից մինչեւ հասարակ քաղաքացի, փոքրից մեծ, նրան են նւիրւում ծաղրական արեւելեան ժանրի երգեր, նա երգիծական հաղորդումների, սկեչերի, թատերական բեմադրութիւնների ներկայիս տրենդային կերպարն է (paşinyan noldu):

Իսկ Հայաստանում նրա թիմից, նրա իշխանութիւնից, «նրա քայլից» որեւէ արձագանք չկայ այդ վիրաւորանքներին եւ ծաղրին: Իհարկէ, սա հո Հայաստանի նախկին բոլոր նախագահներին, ազգային հերոսներին, գեներալներին անխնայ քննադատելու հարցը չի, որ շատ օպերատիւ ի կատար ածեն:

Սրանից կարելի է եզրակացնել, որ ներկայիս ապիկար վարչախմբի համար թշնամին միայն ներքին է, իսկ թուրքը եւ ադրբեջանցին մարդիկ են, որոնք «լաւն են», «կոնստրուկտիւ են», որոնց պէտք է ներել, որոնց հետ պէտք է համատեղ ապազգային ծրագրեր անել:

Ամօթ է, գոնէ սիմւոլիկ պատասխանեք ադրբեջանական համատարած ծաղրին եւ վիրաւորանքներին. Եթէ ոչ Հայաստանի պատիւվը պաշտպանելու, ապա գոնէ ձեր կուռքի հանդէպ ձեր պարտքը կատարելու գիտակցութիւնից ելնելով»:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։