Հա

Քաղաքական

03/12/2020 - 17:20

Վազգէն Մանուկեանը մէկ տարի անց կը կազմակերպի արտահերթ խորհրդարանական ընտրութիւններ․ «Հայրենիքի փրկութեան շարժման» յայտարարութիւնը

Նիկոլ Փաշինեանը եւ նրա վարչախումբը, ըստ էութեան, երկիրը տարան կապիտուլիացիայի՝ համայն հայ ժողովրդին կանգնեցնելով լրջագոյն կորուստների առջեւ, փոշիացնելով տասնեակ տարիների՝ մեր համազգային ձեռքբերումները, տեւական ժամանակով խոցելի դարձնելով ազգային անվտանգութիւնը:

«alikonline.ir» - Նիկոլ Փաշինեանը եւ նրա վարչախումբը, ըստ էութեան, երկիրը տարան կապիտուլիացիայի՝ համայն հայ ժողովրդին կանգնեցնելով լրջագոյն կորուստների առջեւ, փոշիացնելով տասնեակ տարիների՝ մեր համազգային ձեռքբերումները, տեւական ժամանակով խոցելի դարձնելով ազգային անվտանգութիւնը: Կատարւածն ազգային աղէտ է եւ դաւաճանութիւն, որի քաղաքական ու իրաւական ամբողջական գնահատականը կը տրւի առաջիկայում:

Ն. Փաշինեանի եւ նրա վարչախմբի գործունէութեան իւրաքանչիւր ժամը մեր պետականութիւնը հիւծող եւ ՀՀ քաղաքացիների անվտանգութեանն ուղղւած սպառնալիք է: 

Ակնյայտ է, որ բոլոր ոլորտներում ձախողւած վարչախումբն անկարող է դիմագրավել աշխարհաքաղաքական մարտահրաւէրները, յաղթահարել երկրում օրաւոր խորացող  քաղաքական, սոցիալական, տնտեսական եւ հոգեբարոյական ճգնաժամը:

Նոր որակի իշխանութեան ձեւաւորումը հրամայական է:

Ելնելով ստեղծւած իրավիճակից, հաշւի առնելով հանրութեան լայն շրջանակների պահանջը, 17 կուսակցութիւնների խորհուրդը որոշել է ընդլայնել իր ձեւաչափը՝ ձեւաւորելով «Հայրենիքի փրկութեան շարժում»:

Շարժումը համահայկական է եւ վերկուսակցական: Շարժման խորհուրդը ներառում է կուսակցութիւնների, մտաւորականութեան եւ հասարակութեան լայն շրջանակների ներկայացուցիչների:

«Հայրենիքի փրկութեան շարժման» խորհուրդը յայտարարում է.

1. Շարժման նպատակն է սահմանադրական ճանապարհով օր առաջ ազատւել Հայաստանի աղէտաբեր վարչակազմից՝ ստեղծելով անցումային, հակաճգնաժամային կառավարութիւն, որը կը կանխի Հայաստանի պետականութեան կորուստը, կիրականացնի երկրի յետպատերազմեան առողջացումը, կաշխատի ազգային-պետական շահերի վրայ հիմնւած ներքին եւ արտաքին քաղաքականութեան, քաղաքացիների անվտանգութեան երաշխաւորման բարձրացման ուղղութեամբ եւ կը կազմակերպի արտահերթ խորհրդարանական ընտրութիւններ:

2. Որպէս անցումային կառավարութեան ղեկավար՝ Հայաստանի Հանրապետութեան վարչապետ, Խորհուրդն առաջադրում է Վազգէն Մանուկեանի թեկնածութիւնը, որն ունի հակաճգնաժամային կառավարման փորձ, արդիւնաւէտ բանակցութիւններ վարելու կարողութիւն, ներքին համերաշխութիւն եւ համազգային համախմբւածութիւն ապահովելու կամք ու վճռականութիւն:

3. Վազգէն Մանուկեանը վարչապետ դառնալուն պէս կասեցնելու է իր կուսակցական գործունէութիւնը, պարտաւորւում է առաջիկայ խորհրդարանական ընտրութիւններին անձամբ չմասնակցել եւ չյաւակնել վարչապետի պաշտօնին: Միաժամանակ, նա ստանձնում է պարտականութիւն՝ մէկ տարի յետոյ կազմակերպել արտահերթ խորհրդարանական ընտրութիւններ՝ ԸՕ-ին համապատասխան հաւասար պայմաններ երաշխաւորելով քաղաքական բոլոր ուժերի համար:

4. Վարչապետի միասնական թեկնածուն՝ 2020 թ. դեկտեմբերի 5-ին, ժամը 15:00-ին, Ազատութեան հրապարակում հրաւիրւած համազգային մեծ հանրահաւաքին կը ներկայացնի նոր կառավարութեան առաջնահերթ գործողութիւնները եւ հակաճգնաժամային քայլերը:

Սիրելի՛ հայրենակիցներ, «Հայրենիքի փրկութեան շարժման»-ը իւրաքանչիւրիդ մասնակցութիւնն անհրաժեշտութիւն է:

Յարակից լուրեր

  • Հանրութեան գրեթէ 100 տոկոսի մօտ կայ կոնսենսուս, որ այս իշխանութիւնը պէտք է օր առաջ հեռանայ․ Արթուր Վանեցեան. «Հրապարակ»
    Հանրութեան գրեթէ 100 տոկոսի մօտ կայ կոնսենսուս, որ այս իշխանութիւնը պէտք է օր առաջ հեռանայ․ Արթուր Վանեցեան. «Հրապարակ»

    «Ընդդի­մադիր քաղաքական ուժերը՝ Վազգէն Մանուկեանի գլխաւորութեամբ, սկսել են այցելութիւններ մարզեր, որոնք առաջին հայացքից քարոզարշաւի են նման: Ընդդիմադիրների առաջին կանգառը Գիւմրին էր, որտեղ նրանց դիմաւորում էր իշխանութիւնների կազմակերպած «դժգոհների» խումբը՝ «Դաւաճան», «Նիկոլ՝ վարչապետ» սակարկումներով: Գիւմրիին յա­ջորդեց Վանաձորը, երեկ էլ ընդդի­մութիւնը Կապան էր մեկնել: «Հայրե­նիք» կուսակցութեան ղեկավար Արթուր Վանեցեանին խնդրեցինք ժողովրդի հետ հանդիպումների մա­սին իր տպաւորութիւնները ներ­կայացնել: Նա ասաց «Ժողովուրդը ոգևորութեամբ է ընդունում «Հայրե­նիքի փրկութեան» շարժման ներկա­յացուցիչների այցը մարզեր, ունենում ենք բաց զրոյց, պատասխանում ենք ժողովրդին յուզող բոլոր հարցերին, եւ նկատելի է, որ մարդիկ ստանում են այն հարցերի պատասխանները, որոնք չունեն, կամ իրենց մօտ ինչ-ինչ պատճառներով տարակուսանք է առաջացրել ստեղծւած իրավիճա­կը, եւ աւելի ու աւելի են համոզւում «Հայրենիքի փրկութեան» շարժման կողմից առաջ մղւող գաղափարնե­րի ճշմարտացիութեան մէջ ու պատրաստակամութիւն են յայտնում աջակցել շարժմանը»:

  • Կարեւոր արձանագրումներ վանաձորցիների հետ հանդիպմանը Վազգէն Մանուկեանի ելոյթից
    Կարեւոր արձանագրումներ վանաձորցիների հետ հանդիպմանը Վազգէն Մանուկեանի ելոյթից

    Արդէն տեղեկացրել ենք, որ «Հայրենիքի փրկութեան շարժման» նախաձեռնած մարզային հանդիպումների շրջանակում, շարժման առաջնորդ Վազգէն Մանուկեանը Վանաձորում հանդիպել է տեղի բնակիչների հետ:

  • «Մոսկւայում Փաշինեանը պէտք է պայման դնէր՝ մինչեւ գերիների հարց չլուծւի, այլ հարց չքննարկել, հակառակ դէպքում դուռը «շրխկացնէր», գնար․ ստորացւած մարդը ոչ մի դէպքում նման բան չի կարող անել»․ Վազգէն Մանուկեան
    «Մոսկւայում Փաշինեանը պէտք է պայման դնէր՝ մինչեւ գերիների հարց չլուծւի, այլ հարց չքննարկել, հակառակ դէպքում դուռը «շրխկացնէր», գնար․ ստորացւած մարդը ոչ մի դէպքում նման բան չի կարող անել»․ Վազգէն Մանուկեան

    Պատերազմի ամենասկզբում գտնւում էի Արցախում, ամենաահաւոր տպաւորութիւնը թողնում էին ԱԹՍ-ները։ Իրենք արդէն օգտագործում էին այն տեխնոլոգիաները, որոնցից մենք պէտք է պաշտպանւէինք, բայց պաշտպանւած չէինք, որովհետեւ կիմարութիւն էինք արել զէնք գնելիս, չէինք պատրաստւել պատերազմին։ Այս մասին Գիւմրիում քաղաքացիների հետ հանդիպմանը յայտարարեց «Հայրենիքի փրկության շարժման» վարչապետի թեկնածու Վազգէն Մանուկեանը։

  • «Եթէ գայ նոր կառավարութիւն եւ վերսկսի պատերազմը, ուրեմն խելագար է»․ Վազգէն Մանուկեան
    «Եթէ գայ նոր կառավարութիւն եւ վերսկսի պատերազմը, ուրեմն խելագար է»․ Վազգէն Մանուկեան

    Կարո՞ղ է գալ նոր կառավարութիւն և վերսկսել պատերազմը․ եթէ մէկն այդպիսի բան անի, ուրեմն խելագար է՝ ըստ Yerkir.am-ի յայտարարեց «Հայրենիքի փրկութեան շարժման» առաջնորդ, վարչապետի թեկնածու Վազգէն Մանուկեանը՝ գիւմրեցիների հետ հանդիպմանը ներկայացնելով, թէ ինչ պիտի անի նոր կառավարութիւնը։

  • Փաշինեանն այնպէս արեց, որ Արցախի խնդիրն ինքնորոշման հարցից դարձաւ տարածքային վէճ
    Փաշինեանն այնպէս արեց, որ Արցախի խնդիրն ինքնորոշման հարցից դարձաւ տարածքային վէճ

    Փաշինեանն իշխանութեան եկաւ «նարնջագոյն յեղափոխութեան» արդիւնքում եւ ապացուցեց, որ ինքը ոչ կոմպետենտ առաջնորդ է: Ղարաբաղում մարտերի ընթացքում ՀՀ վարչապետ Նիկոլ Փաշինեանը քիչ էր հասկանում, թէ ինչ է կատարւում ճակատում, թէեւ հնարաւորութիւն ունէր կանխելու պատերազմը կամ վարելու այն այնպէս, որ պահպանէր իր հիմնական դիրքերը. ռուսական Rbc.ru-ին տւած հարցազրոյցում յայտարարել է Հայրենիքի փրկութեան շարժման՝ վարչապետի միասնական թեկնածու Վազգէն Մանուկեանը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։