Հա

Քաղաքական

14/12/2020 - 10:50

ԱՀ Ազգային ժողովի խմբակցութիւնների յայտարարութիւնը

2020 թ. աշնանը Արցախի Հանրապետութեան դէմ միջազգային ահաբեկիչների ներգրաւմամբ եւ Թուրքիայի բացայայտ մասնակցութեամբ Ադրբեջանի կողմից սանձազերծած պատերազմի արդիւնքում հրադադարի հաստատման նպատակով նոյեմբերի 9-ին ստորագրւած եռակողմ յայտարարութիւնից ընդամենը մէկ ամիս յետոյ գրանցւեցին փխրուն խաղաղութիւնը խախտելու բացայայտ գործողութիւններ. ս.թ. դեկտեմբերի 11-ին եւ 12-ին Հադրութի շրջանի Հին Թաղեր, Խծաբերդ գիւղերի եւ քրիստոնէական Կատարօ հանրայայտ վանքի ուղղութեամբ Ադրբեջանի զինւած ուժերը ձեռնարկել են բացայայտ յարձակողական գործողութիւններ, որի արդիւնքում կան վիրաւորներ, իսկ հակառակորդը յայտնում է նաեւ կենդանի ուժի կորուստների մասին:

2020 թ. աշնանը Արցախի Հանրապետութեան դէմ միջազգային ահաբեկիչների ներգրաւմամբ եւ Թուրքիայի բացայայտ մասնակցութեամբ Ադրբեջանի կողմից սանձազերծած պատերազմի արդիւնքում հրադադարի հաստատման նպատակով նոյեմբերի 9-ին ստորագրւած եռակողմ յայտարարութիւնից ընդամենը մէկ ամիս յետոյ գրանցւեցին փխրուն խաղաղութիւնը խախտելու բացայայտ գործողութիւններ. ս.թ. դեկտեմբերի 11-ին եւ 12-ին Հադրութի շրջանի Հին Թաղեր, Խծաբերդ գիւղերի եւ քրիստոնէական Կատարօ հանրայայտ վանքի ուղղութեամբ Ադրբեջանի զինւած ուժերը ձեռնարկել են բացայայտ յարձակողական գործողութիւններ, որի արդիւնքում կան վիրաւորներ, իսկ հակառակորդը յայտնում է նաեւ կենդանի ուժի կորուստների մասին:

Արցախի խորհրդարանի բոլոր խմբակցութիւնները խստօրէն դատապարտում են եռակողմ յայտարարութեան դրոյթների կոպիտ խախտումը եւ յայտարարութիւնը ստորագրած երեք կողմերին յորդորում են միջոցներ ձեռնարկել իրավիճակն արագ շտկելու ուղղութեամբ եւ տեղեակ են պահում, որ նախկին բնագծերը չվերականգնելու դէպքում Արցախի Հանրապետութեան իշխանութիւնները պարտաւոր են լինելու կիրառել ժողովրդի ինքնապաշտպանութիւնը կազմակերպելու բոլոր հնարաւոր միջոցները:

Մենք յայտարարութեան կողմերին եւ ԵԱՀԿ Մինսկի խմբի համանախագահութեան ուշադրութիւնն ենք հրաւիրում այն փաստի վրայ, որ գրանցւած եւ շարունակւող լարւածութեան պայմաններում խիստ պահանջւած են դիտարկւում ղարաբաղեան հակամարտութեան համապարփակ կարգաւորման ուղղութեամբ ջանքերը շարունակելու անհրաժեշտութիւնը, որի գլխաւոր կէտը պէտք է համարել Արցախի Հանրապետութեան միջազգային ճանաչումը՝ որպէս այս տարածքում ապրող մարդկանց ապրելու անօտարելի իրաւունքի ապահովման գերակայ պայման:

Խմբակցութիւնները դատապարտում են նաեւ Ադրբեջանի ռազմաքաղաքական ղեկավարութեան քայլերը, որոնք ուղղւած են Ռուսաստանի Դաշնութեան խաղաղապահ զօրախմբի գործողութիւների արդիւնաւէտութիւնը կասկածի տակ դնելուն եւ կոչ են անում առաքելութեան ղեկավարութեանը հասցէական գնահատական տալ գրանցւած միջադէպին եւ ամբողջութեամբ ապահովել հրապարակւած յայտարարութեան առաջին կէտից բխող բոլոր պայմանները:

 

Ք. Ստեփանակերտ 13 դեկտեմբերի 2020 թ.

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։