Հա

Քաղաքական

16/12/2020 - 14:03

Ուժի կիրարկումը մերժելի է, իսկ ատոր հետեւա՞նքը

ԵԱՀԿ-ի Մինսքի խմբակի համանախագահները աւարտեցին շրջան իրենց այցելութիւնը, որ 27 սեպտեմբերին Արցախի հանրապետութեան դէմ շղթայազերծուած ահաբեկչական վարձկաններու օգտագործմամբ թուրք-ազրպէյճանական յարձակումէն ետք առաջինն էր, ուստի ինչպէս մեկնաբանել այդ զարգացումին վերաբերեալ որեւէ ակնարկի աչք ծակող բացակայութիւնը: Հաղորդագրութիւնը կը բաւարարուի նշելով, թէ «երկու մայրաքաղաքներուն մէջ ալ կողմերը ներկայացուցին իրավիճակի գնահատականը»` ստեղծելով այն անհեթեթ տպաւորութիւնը, թէ այդ «իրավիճակ»-ը առեղծուածային է, ուստի եւ ենթակայ մէկէ աւելի մեկնաբանութեան:

ՎԱՀՐԱՄ ԷՄՄԻԵԱՆ

ԵԱՀԿ-ի Մինսքի խմբակի համանախագահները աւարտեցին շրջան իրենց այցելութիւնը, որ 27 սեպտեմբերին Արցախի հանրապետութեան դէմ շղթայազերծուած ահաբեկչական վարձկաններու օգտագործմամբ թուրք-ազրպէյճանական յարձակումէն ետք առաջինն էր, ուստի ինչպէս մեկնաբանել այդ զարգացումին վերաբերեալ որեւէ ակնարկի աչք ծակող բացակայութիւնը: Հաղորդագրութիւնը կը բաւարարուի նշելով, թէ «երկու մայրաքաղաքներուն մէջ ալ կողմերը ներկայացուցին իրավիճակի գնահատականը»` ստեղծելով այն անհեթեթ տպաւորութիւնը, թէ այդ «իրավիճակ»-ը առեղծուածային է, ուստի եւ ենթակայ մէկէ աւելի մեկնաբանութեան:

Հաղորդագրութիւնը նաեւ կը յայտնէ.«Հաշուի առնելով նոր իրողութիւնները` համանախագահները հաստատեցին իրենց շարունակական նուիրուածութիւնը` կողմերու հետ կառուցողականօրէն համագործակցելու տարածաշրջանին մէջ խաղաղութիւն, կայունութիւն եւ բարգաւաճում խթանելու եւ գոյութիւն ունեցող խնդիրները լուծելու համար»: Այլ խօսքով` համանախագահները ամենայն հանգստութեամբ ու հաշտ կերպով կ’ընդունին այդ «իրավիճակ»-ն ու «նոր իրողութիւնները» եւ իրենց սովորական գործունէութիւնը պիտի շարունակեն սառնասրտօրէն` անտեսելով իրենց իբրեւ բնական ընդունած կացութեան խնդրահարոյց ու տխեղծ էութիւնը:

Այս կացութիւնը խնդրահարոյց ու տխեղծ է, որովհետեւ վերոնշեալ «նոր իրողութիւնները» ստեղծուած են ոտնահարելով համանախագահներուն բոլոր հաղորդագրութիւններուն մէջ կողմերուն բազմիցս վերյիշեցուած ու ընդգծուած Հելսինքեան եզրափակիչ աքթի երեք կէտերէն` ուժի կիրարկման սպառնալիքի կամ ուժի կիրարկման բացառման հիմնարար սկզբունքը: Իրողութիւն մը, որուն նկատմամբ համանախագահները, ըստ երեւոյթի, որեւէ արարկութիւն կամ նկատողութիւն չունին: Ուստի զարմանալի չէ, որ անոնց հրապարակած հաղորդագրութեան մէջ այդ հռչակագրին ու ատոր կարեւորութեան վերաբերեալ որեւէ ակնարկ չկայ, որովհետեւ եթէ թուրք-ազրպէյճանական յարձակումը կ’ոտնահարէ անոր կէտերէն մէկը, 9 նոյեմբերին գոյացած եռակողմ յայտարարութիւնը այդ ոտնահարումը կը դարձնէ ամբողջական` տապալելով ատոր մնացեալ երկու կէտերը: Անիկա ո՛չ Արցախի ժողովուրդի ինքնորոշման իրաւունքը կ’ապահովէ, ո՛չ ալ Ազրպէյճանի տարածքային ամբողջականութիւնը:

Նախկին Սթաթիւ քոյի շարունակումը մերժող ԵԱՀԿ-ի Մինսքի խմբակի համանախագահները իրենց հաղորդագրութեամբ կը վաւերացնեն ու կ’ընդունին տագնապի խաղաղ լուծման սկզբունքը ականահարող նորը` Սթաթիւ Քոն Անթէ Պելլումը (յետպատերազմեան սթաթիւ քոն)` այդպիսով յայտարարելով.«Ուժի կիրարկումը մերժելի է, սակայն ոչ անոր հետեւանքը»:

 

«Ազդակ»

 

 

Յարակից լուրեր

  • Մտահոգութեան մասին յայտարարութենէ աւելին
    Մտահոգութեան մասին յայտարարութենէ աւելին

    Միացեալ Նահանգներու արտաքին գործոց նախարարութեան բանբեր Նետ Փրայս 28 յուլիսին Հայաստան-Ազրպէյճան սահմանին վրայ ազրպէյճանական կողմին շղթայազերծած յարձակումին պատճառով ժամեր առաջ արձանագրուած բախումներու հարցով հրապարակեց հետեւեալ յայտարարութիւնը. «Միացեալ Նահանգներ կը դատապարտեն Հայաստանի եւ Ազրպէյճանի միջեւ միջազգային սահմանի երկայնքով բռնութեան վերջին մագլցումը: Մենք Հայաստանին եւ Ազրպէյճանին կոչ կ՛ուղղենք կատարելու զինադադարի վերաբերեալ իրենց պարտաւորութիւնները` անյապաղ քայլեր ձեռնարկելով կացութեան լարուածութեան մեղմացման համար:

  • Յորդանանի շրջանային դերակատարութեան արշալոյսը
    Յորդանանի շրջանային դերակատարութեան արշալոյսը

    Ամերիկեան «Փոլիթիքօ» պարբերաթերթը յղում կատարելով ամերիկեան վարչակազմի մէջ իր ունեցած բարձրաստիճան աղբիւրներուն` հաղորդեց, որ Սուրիոյ տարածքին գտնուող շուրջ 900 ամերիկացի զինուորներ, ներառեալ` ցամաքային զօրքերու մասնայատուկ ուժերու զինուորները, Սուրիա պիտի մնան քրտական ուժերուն աջակցելու եւ ՏԱՀԵՇ-ի դէմ պայքարին մէջ խորհրդատուութիւն կատարելու համար: Այդ որոշումին իսկական դրդապատճառը, սակայն, այլ է:

  • Դէպի «Մէկ ազգ, 2+1 պետութիւն»
    Դէպի «Մէկ ազգ, 2+1 պետութիւն»

    Ազրպէյճանի խորհրդարանի միջազգային յարաբերութիւններու եւ միջխորհրդարանական կապերու յանձնախումբի նախագահ Սամետ Սէյիտովի գլխաւորութեամբ, պատուիրակութիւն մը` թրքական բանակի Կիպրոս ներխուժման 47-ամեակի ոգեկոչման մասնակցելու համար, 16 յուլիսին առաջին անգամ ըլլալով այցելեց Թուրքիոյ կողմէ բռնագրաւուած հիւսիսային Կիպրոս:

  • Ռիատը` Փարիզի վերջին յոյսը
    Ռիատը` Փարիզի վերջին յոյսը

    Միացեալ Նահանգներու նախագահ Ճօ Պայտըն 24 յունուարին հեռաձայնեց Ֆրանսայի նախագահ Էմանուէլ Մաքրոնին, որպէսզի, ինչպէս Սպիտակ տունը նշեց, «արտայայտէ մեր հնագոյն դաշնակիցին հետ երկկողմանի կապերը ամրապնդելու ցանկութիւնը»: Երկու ղեկավարները համաձայնեցան սերտ համագործակցութեան կարիքին շուրջ, ինչպէս նաեւ` միասնաբար աշխատիլ արտաքին քաղաքականութեան հասարակաց առաջնահերթութիւններու, որոնց շարքին` Ռուսիոյ եւ Միջին Արեւելքի շուրջ:

  • Մենատիրութեան «Պողպատեայ լիազօրագիր»-ը
    Մենատիրութեան «Պողպատեայ լիազօրագիր»-ը

    Նախորդ յօդուածիս մէջ գրած էի. «Լիբանանի չափ տարածքի մը, 5000 կեանքերու, 30-ամեայ պատմական ձեռքբերումի մը կորուստին պատճառ դարձած, սակայն վերընտրութեամբ «վարձատրուած» քաղաքագէտէ մը, մանաւանդ Փաշինեանի հոգեբարոյական խառնուածքի տէր անձէ մը, կարելի չէ ընթացքի փոփոխութիւն կամ բարելաւում ակնկալել: Այդ «շնորհակալագիր»-ը միայն կ՛ամրապնդէ, կը խորացնէ եւ առաւել եւս կ՛աճեցնէ անոր ամենաթողութեան զգացումը, մեծամտութիւնն ու նկարագրի բոլոր յոռի գիծերը, ինչպէս նաեւ` անցնող 3 տարուան քաղաքական էութիւնը, մենատիրութեան ձգտումը»:

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։