Հա

Քաղաքական

23/12/2020 - 13:40

«Պարանոյիկ նիկոլով դուք ընդունակ էք մի բանի՝ կործանել երկիրը, որն անում էք մինչ այժմ». Բ. Եսայեանը՝ «Իմ քայլին»

«Քանի որ դաւաճանն ու իր տգէտ խմբակը փորձում են ընդդիմութեան առաջարկը՝ Վազգէն Մանուկեանի Անցումային ժամանակաւոր կառավարութեան ձեւաւորման վերաբերեալ «վարկաբեկել» մի քանի անյօդաբաշխ հաստատումներով, փորձեմ ներկայացնել թէ՛ միջազգային փորձը, եւ թէ՛, մանաւանդ, հէնց հայաստանեան ոչ վաղ անցեալը։

«alikonline.ir» - ՀՅԴ անդամ, ԿԳ նախկին փոխնախարար Բագրատ Եսայեանը գրում է.

«Քանի որ դաւաճանն ու իր տգէտ խմբակը փորձում են ընդդիմութեան առաջարկը՝ Վազգէն Մանուկեանի Անցումային ժամանակաւոր կառավարութեան ձեւաւորման վերաբերեալ «վարկաբեկել» մի քանի անյօդաբաշխ հաստատումներով, փորձեմ ներկայացնել թէ՛ միջազգային փորձը, եւ թէ՛, մանաւանդ, հէնց հայաստանեան ոչ վաղ անցեալը։

1. Վազգէն Մանուկեանը «օդից վերցրած» վարչապետի թեկնածու է։

Նախ, Վազգէն Մանուկեանի թեկնածութիւնն առաջադրելու նախաձեռնութեամբ հանդէս են եկել ընդդիմադիր 17 կուսակցութիւնները, այդ թւում ԱԺ-ում երկրորդ քաղաքական ուժը ՝ ԲՀԿ-ն, որը նախորդ ընտրութիւններին ստացել է 8.26% ձայներ եւ Սահմանադրութեան համաձայն իրաւունք ունի առաջադրել վարչապետի իր թեկնածուին։ Յիշեցնեմ ընդամենը, որ 2018-ի մայիսին նիկոլ փաշինեանի թեկնածութիւնն առաջադրեց ԵԼՔ դաշինքը, որը երրորդ քաղաքական ուժն էր ԱԺ-ում՝ 7.78% ձայներով։ Այն ժամանակ փողոցի հիմնաւորումը մէկն էր՝ իրավիճակ է փոխւել։ Իրավիճակի փոփոխութիւնն այն ժամանակ արտայայտւում էր մի քանի հոգու՝ Գիւմրիից Երեւան քայլելով, եւ բազմամարդ միտինգներով։ Այսօր իրավիճակի փոփոխութիւնն առաւել քան ակնյայտ է՝ երկիրը պարտւել է պատերազմում, Հայրենիքի 25%-ը յանձնւած է, կան դաւաճանութեան հիմնաւոր կասկածներ, պետական համակարգը գտնւում է կաթւածահար վիճակում, հասարակութեան ճնշող մեծամասնութիւնը պահանջում է փոփոխութիւններ։ Ուրեմն ի՞նչն է խանգարում գնալ նոյն լուծմանը, ինչ որ 2018-ին։

2. 2018-ին քաղաքական ճգնաժամը հանգուցալուծւեց «փոքրամասնութեան կառավարութեան» կազմաւորումով։ Խորհրդարանական կառավարմամբ երկրներում սա շատ ընդունւած գործելակերպ է եւ բազմիցս կիրառւել է տարբեր երկրներում (Իսպանիա, Իտալիա, Մեծ Բրիտանիա): Այս համակարգում, տարբեր հիմնաւորումներով, խորհրդարանում մեծամասնութեան կառավարութիւն չձեւաւորւելու, կամ ձեւաւորման աննպատակայարմարութեան հիմքով փոքրամասնութեան առաջարկած կառավարութիւնը ստանում է վստահութեան քւէ մեծամասնութեան կողմից, մինչեւ արտահերթ կամ հերթական ընտրութիւնների համար պայմանների ձեւաւորումը։ Այս նոյն սցենարը աշխատեց Հայաստանում 2018-ին։ Իհարկէ, այն ժամանակ եւս ստախոս նիկոլը խախտեց պայմանաւորւածութիւնը եւ արտահերթ ընտրութիւններ կազմակերպեց ոչ թէ 1 տարի, այլ 6 ամիս յետոյ։

3. Ո՞ւմ է հաշւետու լինելու կառավարութիւնը։ Այս արհեստական հարցը քայլածների «գաղափարախօսները» փորձում են նետել որպէս անհերքելի «փաստարկ», փորձելով ներկայացնել, թէ Ժամանակաւոր կառավարութիւնը Սահմանադրութեան խախտմամբ է աշխատելու։ Շտապեմ հանգստացնել այդ «բորբողւած ուղեղները»՝ ցանկացած կառավարութիւն աշխատելու է ԱԺ վերահսկողութեան ներքոյ եւ ենթակայ է լինելու բոլոր կարգաւորումներին, որոնք նախատեսւած են գլխաւոր օրէնքով։ Ճիշտ նոյն կերպ, ինչ որ աշխատեց նիկոլ փաշինեանի՝ 2018 մայիսին ձեւաւորած կառավարութիւնը մինչեւ 2018-ի Արտահերթ ընտրութեամբ ձեւաւորւած ԱԺ-ի կողմից մեծամասնութեան կառավարութեան ձեւաւորումը։

4. Վերջապէս, դաւաճանի նետած այն թեզը, թէ փորձ է արւում «ժողովրդից» վերցնել իշխանութիւն ձեւաւորելու իրաւունքը։ նիկոլն իրականում փորձում է մէկ անգամ եւս խաղարկել այն քարտը, որ Հայաստանի վարչապետ կը լինի կամ ինքը, կամ Հայաստանը չի ունենայ վարչապետ՝ այն է, կը կորցնի պետականութիւնը։ Պէտք է ուղղակի սանձել այդ հիւանդ երեւակայութիւնը՝ Հայաստանի պատմութիւնը քեզնով չի սկսւել եւ, հաստատապէս քեզնով էլ չի աւարտւելու։ Ընդամենը մէկ տարում, Սահմանադրութեան բոլոր պահանջների պահպանմամբ, այս անցումային փուլն աւարտւելու է եւ Արտահերթ ընտրութիւններով ժողովուրդը հանգիստ, թշնամական մթնոլորտը յաղթահարած ընտրելու է այն ուժերին, որոնք էլ կը ձեւաւորեն յաջորդ կառավարութիւնը։

Այնպէս որ, խորհուրդս դաւաճանական ճանապարհով գնացող այս խմբակին, ձերբազատւէք ձեր խելագար «առաջնորդից» հնարաւորինս արագ, դուրս բերէք երկիրը այս աննորմալ շրջապտոյտից, որի մէջ ներքաշելուց յետոյ փորձում է այն պահել նիկոլն ամէն գնով, եւ հնարաւորութիւն տւէք կարող բոլոր ուժերին իրենց ներդրումն ունենալ վիճակը յաղթահարելու գործում։ Միայնակ, պարանոյիկ նիկոլով դուք ընդունակ էք մի բանի՝ կործանել երկիրը, որն էլ անում էք մինչ այժմ։ Պատմութիւնն ու ազգը ձեզ չեն ների»։

Յարակից լուրեր

  • Ո՛չ ամբոխայինին, այո՛ առարկայական տրամաբանութեան
    Ո՛չ ամբոխայինին, այո՛ առարկայական տրամաբանութեան

    Հայաստան այսօր պաշտօնապէս կը մտնէ նախընտրական ժամանակաշրջանի մէջ: Արդարեւ, ձեւական քուէարկութեամբ մը Ազգային ժողովը պիտի «չյաջողի» ընտրել վարչապետ երկրորդ անգամ ըլլալով ու օրէնքի ուժով պիտի լուծուի: Անցնող երկու շաբաթներուն ընթացքին, հակառակ կառավարութեան հրաժարականին, խորհրդարան ու կառավարութիւն շարունակեցին գործել բնականոն ձեւով, կարծէք ոչինչ պատահած է: 

  • Մայիսի 9-ի դաժան սիմւոլիզմը
    Մայիսի 9-ի դաժան սիմւոլիզմը

    Պատմութիւնը դաժան է նաեւ խորհրդանիշներով, որոնք, որպէս կանոն, լինում են ոչ պատահական։ Ուղիղ երեք տարի առաջ այս օրը՝ մայիսի 9-ին, պսեւդոզինւորական շապիկը վարչապետի փողկապով փոխարինած Նիկոլ Փաշինեանը Ստեփանակերտում յայտարարեց, որ Արցախը պէտք է վերադառնայ բանակցային գործընթաց, որ առանց Արցախի մասնակցութեան՝ բանակցութիւններ չեն կարող լինել։

  • «Դրօշակ»-ի առաջնորդող. Մեր լինելիութեան ընտրութիւնը
    «Դրօշակ»-ի առաջնորդող. Մեր լինելիութեան ընտրութիւնը

    ՀՀ վարչապետի պաշտօնից հրաժարականի մասին սոյն թւականի ապրիլի 25-ի տեսաուղերձով Նիկոլ Փաշինեանը կարծես թէ վերջ դրեց խորհրդարանական առաջիկայ ընտրութիւնների կայանալ-չկայանալու վերաբերեալ խօսակցութիւններին:

    Չբացառելով քաղաքականութեան անկանխատեսելիութիւնը, մանաւանդ մեզանում եւ մեր օրերում, այնուամենայնիւ ցանկանում ենք հաւատալ, որ ընտրութիւնների անցկացման որոշումը որեւէ պատճառով կամ պատճառաբանութեամբ չի բեկանւի, եւ մեր ասելիքը բխեցնում ենք այս իրողութիւնից:

  • Ի՞նչ նպատակ էր հետապնդում լտպ այս ձախողւած նախաձեռնութիւնը
    Ի՞նչ նպատակ էր հետապնդում լտպ այս ձախողւած նախաձեռնութիւնը

    Երէկ առաջին նախագահը, խախտելով էթիկայի նորմերը, առանց կողմերի համաձայնութեան, հրապարակեց Հայաստանի նախկին Նախագահների հանդիպման ժամանակ արաց իր առաջարկը, «ձեռի հետ» խեղաթիւրելով Ռոբերտ Քոչարեանի պատասխանը։ Եւ նորից յայտնւեցին «իմաստուն պապիի սազանդարները», որոնք սկսեցին գովել նրա քաղաքական հեռատեսութիւնն ու խորաթափանցութիւնը։

  • «Փաշինեանն Ադրբեջանի պաշտօնական քաղաքականութեանը համահունչ, ներդաշնակեցնում է իր մօտեցումներն այն ամենին, ինչը տարբեր առիթներով, ուղղակի կամ անուղղակի հնչեցնում են Ադրբեջանից». Տիգրան Աբրահամեան
    «Փաշինեանն Ադրբեջանի պաշտօնական քաղաքականութեանը համահունչ, ներդաշնակեցնում է իր մօտեցումներն այն ամենին, ինչը տարբեր առիթներով, ուղղակի կամ անուղղակի հնչեցնում են Ադրբեջանից». Տիգրան Աբրահամեան

    «Յենակէտ» վերլուծական կենտրոնի ղեկավար, Արցախի նախագահի նախկին խորհրդական Տիգրան Աբրահամեանն իր ֆէյսբուքեան էջում գրում է.

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։