Հա

Քաղաքական

09/01/2021 - 12:10

Հայաստանի Գրողների միութիւնը պահանջում է ՀՀ վարչապետի եւ կառավարութեան հրաժարականը

Հայաստանի Գրողների միութիւնը յայտարարութիւն է տարածել, որով պահանջում է ՀՀ վարչապետի եւ կառավարութեան հրաժարականը։

«alikonline.ir» - Հայաստանի Գրողների միութիւնը յայտարարութիւն է տարածել, որով պահանջում է ՀՀ վարչապետի եւ կառավարութեան հրաժարականը։

Յայտարարութիւնը ներկայացնում ենք ստորեւ:

«Սիրելի հայրենակիցներ,

Ցաւով պէտք է արձանագրենք, որ 2020 թւականը փակում ենք մեր ժողովրդի ու Հայրենիքի համար չափազանց տագնապալի իրավիճակում։ Տնտեսական ու սոցիալական զարգացման իրական հեռանկարների բացակայութիւնը, կորոնավիրուսի համաճարակի դէմ անբաւարար պայքարը, ազգային արժէքների ոտնահարմամբ՝ կրթական, գիտական, մշակութային զարգացման կասկածելի քաղաքականութեան որդեգրումն ու համառօրէն գործադրումը, վերջապէս՝ ձախողւած ներքին ու արտաքին քաղաքականութեան արդիւնքում, Արցախեան երկրորդ տեւական պատերազմում կրած նւաստացուցիչ պարտութիւնը՝ տասնեակ հազարաւոր զոհերի, վիրաւորների, գերեվարւածների եւ անհետ կորածների ցաւալի հետեւանքներով, Արցախի Հանրապետութեան եւ Հայաստանի Հանրապետութեան տարածքային զգալի կորուստներով եւ անվտանգութեան մակարդակի նւազման աղէտալի իրողութիւններով… Իրողութիւններ, որոնց պատճառներն ու հետեւանքները՝ առանց զգացմունքային դրսեւորումների, ենթակայ են խորքային ու համապարփակ քննութեան։

Այս ամէնով հանդերձ, մենք, սակայն, գտնում ենք, որ դեռեւս ամէն բան կորած չէ, դեռ կան իրաւական, դիւանագիտական լծակներ, միջազգային ձեւաչափեր ու հարթակներ, որոնցում կարելի է եւ պէ՛տք է լրջագոյն, փորձառու մասնագիտական ուժերի ու ռեսուրսների ներգրաւմամբ պայքարել հայանպաստ լուծումներ գտնելու եւ որոշումներ կայացնելու համար։

Բայց դա այլեւս չի կարող անել ներկայ իշխանութիւնը։

Ահա թէ ինչու, համազգային շահերից, մեր ժողովրդի ապագայի տեսլականից բխող նպատակների իրագործման համար ակնկալում ենք ՀՀ գործող վարչապետի եւ կառավարութեան հրաժարականն ու ազգային համաձայնութեան անցումային կառավարութեան ձեւաւորումը։

Եւ Աստւած պահապան բոլորիս։

ՀԳՄ նախագահութիւն»:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։