Հա

Քաղաքական

19/01/2021 - 11:50

Միրզոյեանի վարչապետութեան թեման փակւեց. «Հրապարակ»

Արարատ Միրզոյեանի՝ ԱԱԾ գործակալ լինելու մասին տեղեկութիւնները հրապարակւելուց յետոյ քաղաքական կուլիսներում քննարկում են, որ Միքայէլ Մինասեանը «փչացնում» է Փաշինեանի հաւանական «իրաւայաջորդին»՝ վարչապետի պաշտօնում Միրզոյեանի նշանակումն արդէն կարելի է բացառել։ Աւելին, հանրութեան ուշադրութիւնը սեւեռում են Մինասեանի թղթապանակի հաստութեան վրայ՝ ակնարկելով, որ հերթում միւսներն են։ Նպատակն անցումային վարչապետի պաշտօնին Էդմոն Մարուքեանին կարգելն է, որը մէկ տարի անց՝ ընտրութիւններում, իշխանութիւնը կը փոխանցի Մինասեանին։ Ի դէպ, իմքայլականները չեն թաքցնում, որ վախենում են այդ սցենարից։

«alikonline.ir»- Արարատ Միրզոյեանի՝ ԱԱԾ գործակալ լինելու մասին տեղեկութիւնները հրապարակւելուց յետոյ քաղաքական կուլիսներում քննարկում են, որ Միքայէլ Մինասեանը «փչացնում» է Փաշինեանի հաւանական «իրաւայաջորդին»՝ վարչապետի պաշտօնում Միրզոյեանի նշանակումն արդէն կարելի է բացառել։ Աւելին, հանրութեան ուշադրութիւնը սեւեռում են Մինասեանի թղթապանակի հաստութեան վրայ՝ ակնարկելով, որ հերթում միւսներն են։ Նպատակն անցումային վարչապետի պաշտօնին Էդմոն Մարուքեանին կարգելն է, որը մէկ տարի անց՝ ընտրութիւններում, իշխանութիւնը կը փոխանցի Մինասեանին։ Ի դէպ, իմքայլականները չեն թաքցնում, որ վախենում են այդ սցենարից։

Երէկ, երբ Մարուքեանն իր ելոյթում ասաց, որ Նիկոլ Փաշինեանը պէտք է հրաժարական տայ, Յովիկ Աղազարեանը տեղից նետեց․ «Հա, կը տայ, բայց պիտի խոստանաս, որ դու վարչապետի թեկնածութիւն չես առաջադրելու»։

Մեզ հետ զրոյցում իմքայլական պատգամաւոր Արմէն Խաչատրեանը յորդորեց լուրջ չընդունել Միրզոյեանի ձեռքով գրւած դիմումը՝ ԱԱԾ-ի հետ համագործակցելու պատրաստակամութեան մասին․ «Հերթական սեւացնելու գործընթացն է գնում։ ԱԱԾ-ն փակեց այդ հարցը՝ հերքելով յայտարարութիւնը»։ Բայց 10 րոպէում հնարաւո՞ր էր ձեռագրաբանական փորձաքննութիւն իրականացնել։ «Ես չգիտեմ՝ իրականացրե՞լ է, թէ՞ ոչ։ Ես հաւատում եմ ԱԱԾ-ի յայտնած տեղեկատւութեանը, քանի որ այն պաշտօնական է եւ որեւէ քաղաքական գործչի յայտարարութիւն չէ»։ Ա՞յն ԱԱԾ-ին, որը, օրինակ, յորդորում է գերի ընկնելու դէպքում զանգահարել իքս համարի։ «Բոլոր ժամանակների ԱԱԾ-ները շատ լուրջ կառոյցներ են, եւ պէտք է կառոյցի յայտնած տեղեկատւութիւնը հիմք ընդունել»։ 

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։