Print this page
23/01/2021 - 10:55

«Սրանք միայն մի ուղղութեամբ են մտածում՝ ինչպէս երկարացնեն իրենց իշխանութիւնը՝ մեր երկրի ազգային շահերը ոտնահարելու եւ Հայաստանին ու Արցախին առաւելագոյն վնաս պատճառելու գնով»․ Տ․ Աբրահամեան

«Յենակէտ» վերլուծական կենտրոնի ղեկավար, Արցախի նախագահի անվտանգութեան հարցերով նախկին խորհրդական Տիգրան Աբրահամեանը ֆէյսբուքեան գրառում է արել, որում անդրադարձել է Նիկոլ Փաշինեանի եւ Արայիկ Յարութիւննեանի գլխաւորութեամբ տեղի ունեցած Անվտանգութեան խորհրդի ընդլայնւած կազմով խորհրդակցութեանը։

«alikonline.ir» - «Յենակէտ» վերլուծական կենտրոնի ղեկավար, Արցախի նախագահի անվտանգութեան հարցերով նախկին խորհրդական Տիգրան Աբրահամեանը ֆէյսբուքեան գրառում է արել, որում անդրադարձել է Նիկոլ Փաշինեանի եւ Արայիկ Յարութիւննեանի գլխաւորութեամբ տեղի ունեցած Անվտանգութեան խորհրդի ընդլայնւած կազմով խորհրդակցութեանը։ Գրառման մէջ ասւում է․

«Վարչապետ Նիկոլ Փաշինեանի եւ Արցախի նախագահ Արայիկ Յարութիւնեանի գլխաւորութեամբ այսօր Կառավարութիւնում տեղի է ունեցել Անվտանգութեան խորհրդի ընդլայնւած կազմով խորհրդակցութիւն:

Հանդիպմանն Արցախի Անվտանգութեան խորհրդի քարտուղար Վիտալի Բալասանեանը չի մասնակցել։ Եթէ չեմ սխալւում՝ սա երկրորդ դէպքն է, երբ նման ձեւաչափով հանդիպմանը Արցախի ԱԽ քարտուղարը չի մասնակցում։

Արցախում անվտանգութեան հետ առնչւող բոլոր հարցերը համակարգող պաշտօնեան՝ ԱԽ քարտուղարը չի մասնակցում հանդիպմանը, բայց դրան մասնակցում է Արսէն Թորոսեանը, Սուրէն Պապիկեանը, Աւինեանը, Արարատ Միրզոյեանը։

Սա այն ամէնն է ինչը պէտք է իմանալ ԱԽ ընդլայնւած խորհրդակցութիւնների լրջութեան եւ դրանում քննարկւող հարցերի կարեւորութեան մասին։

Մեծ առումով, մասնակիցների կազմն էլ տեսնելիս արդէն պարզ է, թէ դրանք ուր, երկրի սպառնալիքներն ու անվտանգութեան լուծումներն ուր։

Սրանք միայն մի ուղղութեամբ են մտածում՝ ինչպէս երկարացնեն իրենց իշխանութիւնը՝ մեր երկրի ազգային շահերը ոտնահարելու եւ Հայաստանին ու Արցախին առաւելագոյն վնաս պատճառելու գնով»։

Յարակից լուրեր