Հա

Քաղաքական

31/01/2021 - 09:55

Փաշինեանի հրէշաւոր ինքնախոստովանութիւնը Շուշին յանձնելու մասին

Շուշիի` հայկական լինել-չլինելու մասին Փաշինեանի վերջին «մեկնաբանութիւնը» կամ «պատասխանը» ոչ միայն չտւեց Yerkir.am-ի լրագրող Լիա Սարգսեանի եւ ողջ հասարակութեանը հետաքրքրող հարցի պատասխանը (7:38 րոպէ տեւած տւայտանքների ժամանակ նա այդպէս էլ չարտասանեց մի բառակապացութիւն. «Շուշին հայկական է, եւ վե՛րջ»), այլեւ ջրի երես հանեց արդէն ապացուցման կարիք չունեցող հրէշաւոր դաւաճանութեան եւս մի քանի կարեւոր դրւագներ:

ՎԱՀԷ ՍԱՐԳՍԵԱՆ

 

Շուշիի` հայկական լինել-չլինելու մասին Փաշինեանի վերջին «մեկնաբանութիւնը» կամ «պատասխանը» ոչ միայն չտւեց Yerkir.am-ի լրագրող Լիա Սարգսեանի եւ ողջ հասարակութեանը հետաքրքրող հարցի պատասխանը (7:38 րոպէ տեւած տւայտանքների ժամանակ նա այդպէս էլ չարտասանեց մի բառակապացութիւն. «Շուշին հայկական է, եւ վե՛րջ»), այլեւ ջրի երես հանեց արդէն ապացուցման կարիք չունեցող հրէշաւոր դաւաճանութեան եւս մի քանի կարեւոր դրւագներ:

Շուշիի խնդրի մասին Փաշինեանի` վերջին այս ցնցող մեկնաբանութիւնը եւ դիրքորոշումներն ուղղակի բացայայտեցին հետեւեալ երկու տարբերակները`

1. Շուշին մնում է Արցախի կազմում, եւ բերդաքաղաք են վերադառնում մինչ 1992 թ. այնտեղ բնակւած ադրբեջանցիները,

2. Շուշին յանձնւում է Ադրբեջանին, քանի որ բերդաքաղաք են վերադառնում մինչ 1992 թ. այնտեղ բնակւած ադրբեջանցիները:

Ուշադրութիւն` Փաշինեանն ընտրել է երկրորդ տարբերակը: Ե՞րբ է ընտրել այդ տարբերակը: Կրկին ուշադրութիւն` հոկտեմբերի 19-ին:

Եզրակացութիւն. Փաշինեանի վերջին մեկնաբանութիւնն ապացուցում է, որ առնւազն հոկտեմբերի 19-ից (դաւաճանութեան փաստերը կարող են այդ ամսաթիւը շատ աւելի յետ տանել) Փաշինեանն ունեցել է քաղաքական որոշում, դիրքորոշում առ այն, որ Շուշին պէտք է յանձնել Ադրբեջանին, քանի որ բերդաքաղաք էին վերադառնալու մինչ 1992 թ. այնտեղ բնակւած ադրբեջանցիները:

Կրկին ուշադրութիւն` քանի որ այդ քաղաքական որոշումը հասարակութեան շրջանում միանշանակ եւ արդարացիօրէն ընկալւելու էր որպէս դաւաճանութիւն, եւ որի արդիւնքում կարող էր բացայայտւել Փաշինեանի նենգ ծրագրի ողջ էութիւնն ու փլուզւել դաւաճանութեան ողջ բուրգը, Փաշինեանին հարկաւոր էր մի «թեթեւ» պատերազմ Շուշիի համար:

Եւ ահա ադրբեջանական զօրքերը ծայրաստիճան խորհրդաւոր ու կասկածելի պայմաններում, ոլոր-մոլոր ճանապարհներով մօտեցան Շուշի բերդաքաղաքին:

Եւսկսւեց արցախեան վերջին գոյապայքարում Շուշիի համար մղւած մարտերի իմիտացիան: Բնականաբար, այդ մարտերում հայկական զօրքերը «պարտւեցին», իսկ հարիւրաւոր հայորդիներ նահատակւեցին ոչ թէ Շուշիի պաշտպանութեան, այլ Փաշինեանի՝ աւելի վաղ կայացրած քաղաքական հրէշաւոր որոշումն անցնցում կերպով ի կատար ածելու համար:

Շուշիի համար «մղւող մարտերի» նպատակը ոչ թէ Շուշին փրկելն էր, այլ այն յանձնելը:

Իսկ Շուշիի պատերի տակ հերոսաբար մարտնչող ու կեանքով յատուցող հայ զինւորն ու կամաւորականը հազիւ թէ իմանային, որ իրենք իրականում փրկում են ոչ թէ Շուշին (որն առնւազն օրեր առաջ յանձնւած էր դաւադիր որոշմամբ), այլ Փաշինեանի դէմքը, նրա քաղաքական-դաւաճանական որոշումը:

Յ.Գ. Երեւի թէ այլեւս Փաշինեանին ստիպելու կարիք էլ չկայ, որ կոնկրետ պատասխան տայ Շուշիի` հայկական լինել-չլինելու վերաբերեալ. ամէն ինչ պարզ է:

 

Yerkir.am

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։