Հա

Քաղաքական

25/02/2021 - 18:10

Վարչապետի աթոռը դեռեւս զբաղեցնող անձն այսօր բացայայտ ձեւով նենգափոխել է Վազգէն Մանուկեանի յայտարարութիւնը

Վարչապետի աթոռը դեռեւս զբաղեցնող անձն այսօր բացայայտ ձեւով նենգափոխել է Վազգէն Մանուկեանի՝ 2020 թ․ հոկտեմբերի 27-ին արւած յայտարարութեան նպատակն ու բովանդակութիւնը։ 

Վարչապետի աթոռը դեռեւս զբաղեցնող անձն այսօր բացայայտ ձեւով նենգափոխել է Վազգէն Մանուկեանի՝ 2020 թ․ հոկտեմբերի 27-ին արւած յայտարարութեան նպատակն ու բովանդակութիւնը։ Այս մասին յայտարարութիւն է տարածել «Հայրենիքի փրկութեան շարժումը»:

Յայտարարութիւնում նաեւ ասւում է.

«Կրկին հրապարակում ենք Վազգէն Մանուկեանի յայտարարութիւնը՝ վերահաստատելով, որ այն ունեցել է մեր երկրին սպառնացող խայտառակ պարտութիւնն ու սարսափելի աղէտը կանխելու նպատակ։

 

Վազգէն Մանուկեանի յայտարարութիւնը՝ արւած 2020 թ․ հոկտեմբերի 27-ին

 

Հայրենակիցնե՛ր,

Մենք այժմ, չնայած մեր ժողովրդի հերոսական պայքարին, ապրում ենք մեր պատմութեան ամօթալի եւ կործանարար էջերից մէկը։

Վտանգւած է ոչ միայն Արցախը, այլեւ Հայաստանը եւ հայութեան ապագան։

Կարելի՞ է արդեօք փոխել իրավիճակը, բեկում մտցնել։ Այո՛։ Բայց ոչ ներկայ կառավարման օրօք։

Ի՞նչ է պէտք անել։

1․ Այս կառավարութիւնը պէտք է հրաժարական տայ՝ բանակին յանձնելով ողջ իշխանութիւնը, ընդ որում դա պէտք է անի կամաւոր, առանց ցնցումների, որոնք կարող են կործանարար լինել։

2․ Բանակը, իր ձեռքը վերցնելով ողջ իշխանութիւնը, պէտք է կազմի միասնական Պաշտպանութեան կոմիտէ Արցախի հետ միասին՝ կազմակերպելով պատերազմական ներկայ իրավիճակին անհրաժեշտ միջոցառումները, ապահովելով վստահութիւն եւ գնալով բանակցութիւնների շահագրգիռ պետութիւնների, միջազգային կառոյցների հետ։

Սա միակ փրկութիւնն է, հակառակ դէպքում մենք կարող ենք կորցնել ամէն ինչ»:

Յարակից լուրեր

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։