Հա

Քաղաքական

02/03/2021 - 10:10

«Սա այլեւս զուտ ներքաղաքական գործընթաց չէ. գործ ունենք պետութեան անվտանգութեան եւ պաշտպանութեան հետ». «Փաստ»

«Փաստ» օրաթերթը գրում է. «Իշխանութիւնները, քափուքրտինք մտած, ԶՈՒ ԳՇ յայտնի յայտարարութիւնը որակում են որպէս բանակի միջամտութիւն ներքաղաքական գործընթացներին

«alikonline.ir» - «Փաստ» օրաթերթը գրում է. «Իշխանութիւնները, քափուքրտինք մտած, ԶՈՒ ԳՇ յայտնի յայտարարութիւնը որակում են որպէս բանակի միջամտութիւն ներքաղաքական գործընթացներին: Բայց քաղաքագէտների ու իրաւաբանների գերակշիռ մեծամասնութիւնը վստահ է, որ իշխանութիւններն ու նրանց ձայնակցող սորոսականները պարզապէս մանիպուլեացիա են անում: Բանն այն է, որ ներկայումս այլեւս չի կարող խօսք լինել զուտ ներքաղաքական գործընթացների մասին: Տեսէք, բանակի հրամկազմը փաստացի արձանագրում է, որ գործ ունենք իշխանութիւնների «ՀԱԿԱՊԵՏԱԿԱՆ քայլերի» հետ: Դրա հետ մէկտեղ, յայտարարութեան մէջ նշւած է, որ «գործող իշխանութիւնների անարդիւնաւէտ կառավարումը եւ արտաքին քաղաքականութիւնում ցուցաբերած լրջագոյն սխալները երկիրը հասցրել են կործանման եզրին»:

Այսինքն, փաստացի արձանագրւում է, որ առաջին հերթին գործ ունենք պետութեան պաշտպանութեան եւ անվտանգութեան հետ: Իսկ ո՞վ է Սահմանադրութեամբ ապահովում պետութեան պաշտպանութիւնը եւ անվտանգութիւնը: Ճիշտ է, Զինւած ուժերը: Այնպէս որ, փաստացի հրաժարականի պահանջով բանակը կատարել է Սահմանադրութեամբ իրեն վերապահւած լիազօրութիւնները: «Բանակը մեր երկրի անվտանգութեան հիմնական երաշխաւորն է, իսկ հիմա այդ անվտանգութիւնը, եւ, ընդհանրապէս, երկրի ինքնուրոյնութիւնը, ըստ էութեան զրոյական մակարդակի վրայ է»,- «Փաստի» հետ զրոյցում ասած քաղտեխնոլոգ Վիգէն Յակոբեանը՝ յաւելելով, որ այս պայմաններում բանակի յայտարարութիւնն ու դիրքորոշումը բնական է: «Աւելին ասեմ՝ կարծում եմ՝ ինչ-որ տեղ ուշացած է, թէպէտ, ամէն դէպքում, լաւ է, որ բանակն իր ֆունկցիոնալ առաքելութիւնն արտայայտել է»,- ընդգծեց մեր զրուցակիցը»:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։