Հա

Քաղաքական

04/03/2021 - 11:20

«Պետութեան բովանդակութիւնն ու հակապետականութեան ձեւը․ կա՛մ Հայաստան, կա՛մ Նիկոլ Փաշինեան»․ «168 ժամ»

«168 ժամ» թերթը գրում է. «Հայաստանը՝ որպէս պետութիւն ու պետականութիւն, այսօր ապրում է նորանկախ շրջանի ամենակենսական փորձութիւնը, որը ոչ թէ ընթացիկ, սովորական, այլ լինելիութեան աստիճանի փորձութիւն է։ 44-օրեայ պատերազմն այդ փորձութեան խտացւած արտայայտութիւնն էր, բայց, ցաւօք, ոչ վերջինը։

«alikonline.ir» - «168 ժամ» թերթը գրում է. «Հայաստանը՝ որպէս պետութիւն ու պետականութիւն, այսօր ապրում է նորանկախ շրջանի ամենակենսական փորձութիւնը, որը ոչ թէ ընթացիկ, սովորական, այլ լինելիութեան աստիճանի փորձութիւն է։ 44-օրեայ պատերազմն այդ փորձութեան խտացւած արտայայտութիւնն էր, բայց, ցաւօք, ոչ վերջինը։

Յաջորդած ամիսները ցոյց տւեցին, որ նոր փորձութիւնները դեռ առջեւում են, մենք դրանցում ապրում ենք հիմա, հէնց այս օրերին։ Պետութիւնը՝ որպէս ինստիտուցիա, գրեթէ ամբողջութեամբ կազմաքանդւած է։ Այն պահպանելու, ըստ էութեան, վերջին փորձն արել են Զինւած ուժերը, որոնք, փաստօրէն, պետութիւնն ու պետականութիւնը պաշտպանում են գործող իշխանութիւնից։ Սա, իհարկէ, նոնսենս է, բայց որեւէ տեղ գրւած չէ, որ Հայաստանը պէտք է զերծ լինէր պատմական ու քաղաքական նոնսենսներից։

Այո, Հայաստանում այսօր գործում է իշխանութիւն, որից, բառի ուղիղ եւ փոխաբերական իմաստներով, պէտք է պաշտպանել պետութիւնն ու պետականութիւնը։ Իշխանութիւնը՝ Նիկոլ Փաշինեանի գլխաւորութեամբ, պատերազմ է յայտարարել պետութեանը, եւ հիմա մենք ականատեսն ենք դիրքային պայքարի՝ կա՛մ կը յաղթի Նիկոլ Փաշինեանը, կա՛մ պետութիւնը։

Իրավիճակի ողբերգականութիւնն այն է, որ պետութեանը պատերազմ յայտարարած խմբակն իր պայքարը կառուցում է իրաւական ու սահմանադրական ֆորմալիզմի վրայ՝ յղում անելով Սահմանադրութեան այսինչ յօդւածին ու այնինչ օրէնքի այնինչ պարբերութեանը։

Շատերն ընկնում են Նիկոլ Փաշինեանի հիւսած այդ սարդոստայնը՝ մտնելով իրաւական ու սահմանադրական բանավէճերի մէջ՝ այն, ինչ անհրաժեշտ է իշխանութեանը։ Զոհասեղանին դրւած է պետութեան լինելիութեան հարցը, բայց շատերն այսօր քննարկում են, թէ Սահմանադրութեան յատկապէս որ պարագրաֆի համաձայն կարձանագրւի պետութեան վախճանը։ Այսինքն՝ կայ բովանդակութեան ու ձեւի հակադրութիւն, մի կողմում՝ պետականութեան բովանդակութիւնն է, միւս կողմում՝ դրա դէմ մղւող պատերազմի «սահմանադրականութիւնը»։

Բովանդակութիւնը՝ անկախ բոլոր թերութիւններից ու արատներից, այդուհանդերձ հայկական է ու հայկականութիւնն է, ձեւը՝ ֆորմալիզմը, ստորակէտի ճշտութեամբ համընկնում է թուրքական հետախուզութեան իմպերատիւներին ու նպատակներին, որովհետեւ ֆորմալիզմի քողի տակ կատարւողի վերջնարդիւնքը լինելու է հայկական պետականութեան կորուստը։

Այդ գործընթացը սկսւել է վաղուց, այսօր խաղարկւում է սոսկ վերջին արարը։ Պետութեան գոյութեան ամենակարեւոր երաշխիքներից մէկը՝ քաղաքացիականութիւնը, վերացւել է շատ աւելի վաղ, այսօր մնացել են այն քիչ թւով ինստիտուտները, որոնք դեռեւս պայքարում են պետութեան պահպանման համար։

Եթէ Նիկոլ Փաշինեանին յաջողւի յաղթանակած դուրս գալ նաեւ բանակի դէմ պայքարում, ապա պետութեան քայքայումն աւելի արագանալու է։ Շատերի համար, սակայն, կարեւոր է ոչ թէ՝ այդ փաստն ինքնին, այլ այն, որ դա տեղի ունենայ բացառապէս «օրէնքի ու սահմանադրականութեան շրջանակներում»։ Յիրաւի բացառիկ իրաւական պետութիւն է Հայաստանը։ Առայժմ պետութիւն է»:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։