Հա

Քաղաքական

06/03/2021 - 09:35

«Թշնամական յորդա՞ն է ներխուժել Հայաստան». «Հրապարակ»

«Հրապարակ»-ը գրում է. «Երբ հետեւում ես այս իշխանութիւնների քայլերին՝ սկսած 2018 թւականից, տպաւորութիւն է ստեղծւում, թէ թշնամին գրաւել է մեր երկիրը եւ զբաղւած է ամէն ինչ կազմալուծե­լու, ոչնչացնելու, պարալիզացնելու գործով:

«alikonline.ir» - «Հրապարակ»-ը գրում է. «Երբ հետեւում ես այս իշխանութիւնների քայլերին՝ սկսած 2018 թւականից, տպաւորութիւն է ստեղծւում, թէ թշնամին գրաւել է մեր երկիրը եւ զբաղւած է ամէն ինչ կազմալուծե­լու, ոչնչացնելու, պարալիզացնելու գործով:

Գրեթէ բոլոր ոլորտներում բա­նիմաց ու փորձառու կադրերն ազատւեցին աշխատանքից եւ փոխարինւեցին քայլած, անփորձ, անգրագէտ կադրերով: Եթէ ուսումնասիրենք այս 3 տարում պաշտօնի նշանակւածների ցանկը՝ նրանց կրթական ցենզը, կենսագրութիւնը, անցած ճա­նապարհը, ապա շատ զաւեշտալի սուբիեկտներ կը յայտնաբերենք այնտեղ, եւ ԱՄՆ-ում ու Էջմիածնում տաքսու վարորդ աշխատածներ, եւ տասնաւարտներ, որոնք իրենց կենսագրականի՝ սեռի սիւնակում «արու» են գրում, եւ ուսանողական նստարանից միանգամից պատգա­մաւորի մանդատ ստացածներ, եւ ռուսաստաններում 10 տարի աշխատած խոպանչիներ, որոնց հրաւիրել են յեղափոխութիւնից յետոյ բարձր պաշտօն ստանձնելու, եւ հագուստի խանութի մենեջեր, որ հիմա սոցապփոխնախարար է աշխատում եւ իր ընկերուհինե­րին համակարգի հիմնարկներում տնօրէններ կարգում: Ամբողջա­կան ցանկի հրապարակումն ու վերլուծութիւնը կարող է ուսանելի ձեռնարկ լինել բոլոր նրանց համար, ովքեր կարծում են, թէ փողոցում յեղափոխութիւն անելով՝ կարելի է երկիրը զարգացնել։

Բայց կադրերն էլ չեն խնդիրը՝ խելացի կառավարման, ճիշտ հրա­հանգաւորման դէպքում անգամ 10-ամեայ կրթութեամբ անգրագէտ ու անփորձ մարդիկ կը կարողանա­յին կարճ ժամանակում իւրացնել աշխատանքի հմտութիւնները եւ քիչ թէ շատ աշխատունակ դառնալ: Բայց դրա համար յարկաւոր է, որ պարագլուխը՝ երկրի ղեկին յայտնւած մարդը, աշխատանքա­յին մթնոլորտ ստեղծի, ոչ թէ քանդի, այլ կառուցի եւ ստիպի, որ ներքեւի օղակներում աշխատեն, այլ ոչ թէ անաշխատ պարգեւավճարներ ստանան: Մեր բախտն այդ հարցում ակնյայտօրէն չբերեց: Երկրի ղեկին յայտնւած անձը, պարզւեց՝ շատ աւելի անփորձ ու ապակառուցո­ղական է, քան կարելի էր սպա­սել խմբագրի եւ պատգամաւորի փորձառութիւն ունեցող մէկից:

Պարզւեց՝ նա այս երկիրը չի սի­րում եւ այն դիտում է որպէս ռազմա­ւար, որը ստացել է կայծակնային յե­ղաշրջման եւ հանրութեանը փողոց հանելու շնորհքի դիմաց: Պարզւեց, որ ատում է բոլոր աշխատող մարդկանց եւ գործող համակարգե­րը ու իր խնդիրն է համարում դրանք բոլորը կազմալուծելն ու կաթւա­ծահար անելը: Այդ մտայնութեամբ էլ նախ ազատեց բոլոր պրոֆեսիո­նալներին՝ իբրեւ թէ կոռուպցիայի դէմ պայքարելու մտայնութեամբ: Սկսեց պայքարել անորոշ «նախկիններ» հասկացութեան դէմ՝ նախկիններից որոշ թալանչիների ու վարկաբեկւածների պահելով իր կողքին, իսկ միւսներին՝ ազատե­լով: Սկսեց քանդել համակարգերը՝ կառավարութեան կառուցւածքը փոխելով, նախարարութիւններ վերացնելով, միաւորելով ու ինչ-որ կառոյցներ մի ոլորտից միւսը տե­ղափոխելով: Սկսեց իրականացնել սորոսական շրջանակների տարի­ների ծրագիրը՝ կրթութեան համակարգի, ոստիկանութեան, ԱԱԾ-ի, դատական համակարգի բարեփո­խումների մէջ անթաքոյց ներգրա­ւելով ամենաակնառու սորոսական գործիչներին ու հասարակական կազմակերպութիւններին: Սկսեց փոխել կրթական համակարգը եւ նրա ղեկավար կազմը՝ ռեկտորներ, տնօրէններ: Ձեռնամուխ եղաւ գի­տութեան համակարգը փոխելուն եւ Գիտութիւնների ազգային ակա­դեմիան վերացնելուն: Փոխեցին յայտնի բուժհիմնարկների ղեկա­վարներին: Մեծ եռանդով անցան համայնքապետեր փոխելուն, մա­նաւանդ նրանց, ովքեր իրենց թրի տակով չանցան: Եւ այդ գործն իրա­կանացնելու համար անգամ քրէա­կան լծակներ գործի դրւեցին՝ ամօթալի ու փլւող քրէական գործեր յարուցելով այն համայնքապետերի նկատմամբ, որոնք յօժարակամ չեն հեռանում կամ չեն ենթարկւում:

Մի հսկայ շրջան Նիկոլ Փաշինեանը խաչակրաց արշաւանք իրակա­նացրեց Սահմանադրական դա­տարանի դէմ՝ այն կիսով չափ իրեն ենթարկեցնելով: Հիմա ձեռնամուխ է եղել դատարաններին: Թէեւ 3 տարում նման փորձեր էլի են եղել՝ ձախողւած վեթինգի ծրագիրը, օրի­նակ, որը միջազգային կառոյցների միջամտութեամբ չիրականացւեց: Դատարանները շրջափակելու, դա­տաւորներին վիրաւորելու, իսկ օրերս էլ ԲԴԽ նախագահին հրապարակաւ նսեմացնելու ամօթալի ակցիաներից իւրաքանչիւրը բա­ւարար կը լինէր, որ հայ հասարա­կութիւնը հասկանար՝ վտանգա­ւոր է, աղէտաբեր է այս իշխա­նութիւնների պաշտօնավարման իւրաքանչիւր օրը: Սրանք անգամ չեն հասկանում, որ իրենք պոզիտիւ պարտաւորութիւն ունեն դատա­կան համակարգը գոնէ ֆիզիկապէս համալրելու եւ ԲԴԽ նախագահին հեռացնելու, վարկաբեկելու համար բոյկոտում են իրենց տարրական պարտականութիւնները՝ վճռաբեկ դատարանի դատաւորներ ընտրելու գործընթացը: Եւ հպարտօրէն՝ «Իմ քայլը» խմբակցութեան ղեկավարի շուրթերով յայտարարում են, որ դատաւորների թեկնածուների հետ խնդիր չունեն, բայց չեն մասնակցե­լու նրանց ընտրութեանը՝ Ռուբէն Վարդազարեանի ինադու:

Աշխարհը նման անգրագէտ, անգործունակ, երկիրը միտումնաւոր կաթւածահար անող իշխա­նութիւններ, հաւանաբար, դեռ չէր տեսել:

Սրանք երկրի ու հասարա­կութեան հետ վարւում են ինչպէս թշնամին, որը պատերազմում յաղթել եւ գրաւել է հակառակորդի երկիրը ու գիտի, որ վաղ թէ ուշ պէտք է հեռանայ, ուստի ամէն ինչ անում է այն հիմնահատակ աւերելու, քանդելու, վառելու, մոխրացնե­լու համար, որպէսզի իր հեռանալուց յետոյ տասնամեակներով չկարողա­նան այդ երկրի բնակիչները վերա­կանգնել այն»:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։