Հա

Քաղաքական

10/03/2021 - 11:00

ՀՀ նախագահը դիմել է ՍԴ` «Զինւորական ծառայութեան եւ զինծառայողի կարգավիճակի մասին» օրէնքի՝ Սահմանադրութեանը համապատասխանելու հարցը որոշելու խնդրանքով

Հայաստանի Հանրապետութեան նախագահը, առաջնորդւելով Սահմանադրութեան 169-րդ յօդւածի 1-ին մասի 4-րդ կէտով, դիմում է ներկայացրել Սահմանադրական դատարան «Զինւորական ծառայութեան եւ զինծառայողի կարգավիճակի մասին» 2017թ. նոյեմբերի 15-ի օրէնքի՝ Սահմանադրութեանը համապատասխանելու հարցը որոշելու խնդրանքով:

«alikonline.ir» - Հայաստանի Հանրապետութեան նախագահը, առաջնորդւելով Սահմանադրութեան 169-րդ յօդւածի 1-ին մասի 4-րդ կէտով, դիմում է ներկայացրել Սահմանադրական դատարան «Զինւորական ծառայութեան եւ զինծառայողի կարգավիճակի մասին» 2017թ. նոյեմբերի 15-ի օրէնքի՝ Սահմանադրութեանը համապատասխանելու հարցը որոշելու խնդրանքով: Այս մասին յայտնում են ՀՀ նախագահի աշխատակազմից։

Դիմումի ներկայացումը պայմանաւորւած է նաեւ նշւած օրէնքի իրաւակիրառ պրակտիկայում առկայ խնդիրներով, որոնք առաւել ակնյայտ դարձան Հայաստանի Հանրապետութեան զինւած ուժերի գլխաւոր շտաբի պետ Օնիկ Գասպարեանին պաշտօնից ազատելու վարչապետի նախաձեռնութեան եւ դրան յաջորդած սահմանադրական իրաւական գործընթացների արդիւնքում:

Սահմանադրական դատարանը օրէնքով իրեն վերապահւած լիազօրութիւնների շրջանակում հնարաւորութիւն ունի՝ համակողմանիօրէն եւ համակարգային առումով փոխկապակցւած քննութիւն իրականացնել եւ որոշում կայացնել:

Ներկայացւած դիմումով Սահմանադրական դատարանի որոշումները եւ ձեռնարկւող հնարաւոր միջոցները կարող են լրջագոյն ազդեցութիւն ունենալ մինչեւ այժմ ընդունւած որոշումների, ստեղծւած իրավիճակին առնչւող ներկայիս եւ հետագայ գործընթացների վրայ՝ վերը նշւած օրէնքի մեկնաբանման եւ կիրառման համատեքստում:

Հայաստանի Հանրապետութեան նախագահը յոյս է յայտնում, որ հնարաւորինս արագ համապատասխան որոշման կայացումը իրաւական որոշակիութիւն կը բերի եւ կը նպաստի ներկայիս ճգնաժամի հանգուցալուծմանը:

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։