Հա

Քաղաքական

15/04/2021 - 11:15

«Զանգեզուրի միջանցքը չի կարող բացւել առանց Թուրքիայի համաձայնութեան եւ մասնակցութեան». արեւելագէտը մեկնաբանել է Ալիեւի վերջին ելոյթը

Արեւելագէտ Վարուժան Գեղամեանն իր ֆէյսբուքեան էջում գրում է. «Ադրբեջանի նախագահի տխրահռչակ վերջին ելոյթը պարունակում էր մի շարք կարեւոր պնդումներ ու յայտարարութիւններ, որոնք դուրս մնացին ուշադրութիւնից, սակայն խիստ կարեւոր են՝ հասկանալու համար մեր շուրջ տեղի ունեցողը։

«alikonline.ir» - Արեւելագէտ Վարուժան Գեղամեանն իր ֆէյսբուքեան էջում գրում է. «Ադրբեջանի նախագահի տխրահռչակ վերջին ելոյթը պարունակում էր մի շարք կարեւոր պնդումներ ու յայտարարութիւններ, որոնք դուրս մնացին ուշադրութիւնից, սակայն խիստ կարեւոր են՝ հասկանալու համար մեր շուրջ տեղի ունեցողը։

Այսպէս, Ի. Ալիեւը, անդրադառնալով Սիւնիքով անցնելիք միջանցքին, նշում է. «Ինչպէս գիտէք, այսօր մենք բանակցում ենք ապաշրջափակման եւ յատկապէս Զանգեզուրի միջանցքի բացման համար։ Զանգեզուրի միջանցքը չի կարող բացւել առանց Թուրքիայի համաձայնութեան եւ մասնակցութեան։ Թէեւ Թուրքիան եռակողմ աշխատանքային խմբի անդամ չէ (նկատի ունի ՀՀ, ՌԴ եւ Ադրբեջանի փոխվարչապետերի խումբը), սակայն մենք տեղեկութիւններ ենք տրամադրում այն հարցերի շուրջ, որոնք բանակցում ենք»։

Քաղաքական լեզւից թարգմանելով՝ այս խօսքերի հիման վրայ կարող ենք եւս մէկ անգամ արձանագրել հետեւել իրողութիւնը.

Սիւնիքով անցնելիք միջանցքի փաստացի շահառուն Թուրքիան է։ Հէնց Թուրքիան է պնդել այս կէտը մտցնել նոյեմբերի 9-ի կապիտուլիացիոն յայտարարութեան մէջ, թէեւ այն որեւէ կապ չունի Արցախեան խնդրի հետ։ Ուստի պատահական չեն Ալիեւի խօսքերն առ այն, որ միջանցքը առանց Թուրքիայի համաձայնութեան ու մասնակցութեան չի կարող բացւել եւ որ այդ մասին փաստացի մշտապէս զեկուցւում է նախագծի իրական շահառու Թուրքիայի իշխանութիւններին։

Այս հանգամանքը հաշւի առնելով՝ դժւար չէ պնդել, որ Հայաստանի դէ ֆակտօ իշխանութիւնները կատարում են Թուրքիայի առաջադրած նախապայմանները եւ համաձայնութիւն են տւել Հայաստանի համար կործանարար միջանցքի բացմանը, որին այդքան ձգտում է Թուրքիան արդէն աւելի քան 100 տարի։ 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։