Հա

Քաղաքական

02/05/2021 - 11:35

Գաղտնիութեան շղարշ. ինչի՞ համար էին Հիւսիսն ու Արեւմուտքը իշխանութեան բերում Փաշինեանին

Քաղաքագէտ Ստեփան Դանիէլեանը Sputnik Արմենիայի եթերում անդրադարձել է ՀՀ երկրորդ եւ երրորդ նախագահներ Ռոբերտ Քոչարեանի ու Սերժ Սարգսեանի վերջին շրջանի հարցազրոյցներին, դրանց նպատակայնութեանը եւ դրանցում առկայ հիմնական ուղերձներին։

«alikonline.ir» - Քաղաքագէտ Ստեփան Դանիէլեանը Sputnik Արմենիայի եթերում անդրադարձել է ՀՀ երկրորդ եւ երրորդ նախագահներ Ռոբերտ Քոչարեանի ու Սերժ Սարգսեանի վերջին շրջանի հարցազրոյցներին, դրանց նպատակայնութեանը եւ դրանցում առկայ հիմնական ուղերձներին։

Ստեփան Դանիէլեանի դիտարկմամբ` երկրորդ եւ երրորդ նախագահների հարցազրոյցների համար կայ երկու հիմնական պատճառ, առաջինը բնականաբար ընտրութիւններն են եւ պայմանաւորւած են նախընտրական շրջանով, իսկ երկրորդ պատճառն առնչւում է արցախեան 44-օրեայ պատերազմում կրած պարտութեանը, քանի որ գործող իշխանութիւնը փորձում է մեղքն իր վրայից թօթափել ու բարդել նախկինների վրայ` պատասխանատւութիւնը դնենլով նրանց ուսերին։

«Ստեղծւած իրավիճակում բնական է, որ նախկիններն էլ իրենց հերթին պէտք է արձագանքէին, ուստի նշւած երկու պատճառների համադրութիւնը երկրորդ եւ երրորդ նախագահներին դրդում է ակտիւութեան։ Արցախեան պատերազմում կրած պարտութիւնն ըստ էութեան մնացել է անտէր, ամբողջ նախկին պրոցեսը ջնջւել է եւ հիմա, երբ Նիկոլ Փաշինեանը մեղադրում է նրանց, նրանք էլ իրենց հերթին անկեղծանում են ու բացում ինչ-ինչ փակագծեր, թէեւ փակագծերն ամբողջութեամբ չեն բացում»,- նշեց քաղաքագէտը։

Դանիէլեանի կարծիքով` հիմնական խնդիրը Փաշինեան-Սարգսեան միջակայքում է, քանի որ 2018 թւականին մէկը միւսին յանձնեց իշխանութիւնը կամ էլ ստիպւած էր յանձնել, հետեւաբար կան շատ հարցեր, որոնց պատասխանները հանրութիւնը դեռ չի ստացել։

Ըստ նրա`շատերն իշխանափոխութիւնը կապում են արցախեան խնդրի շուրջ ստեղծւած իրավիճակի հետ, ուստի հնարաւոր բացայայտումները կարող են էական ազդեցութիւն թողնել ընտրութիւնների վրայ։

«Սարգսեանը նշեց, որ պարտւել է ոչ թէ Փաշինեանին, այլ աւելի լուրջ ուժերին, որոնք գտնւում են ե՛ւ հիւսիսում, ե՛ւ արեւմուտքում, կապւած չեն իշխանութեան հետ, թէեւ ներկայ աշխարհում իշխանութիւններն ուղղակիօրէն չեն գործում նման դէպքերի ժամանակ, այլ գործընթացը տանում են միջնորդաւորւած, պրոկսի ուժերը։ Բայց այստեղ հարցեր են առաջանում` Հիւսիսն ու Արեւմուտքը միասին կամ առանձին ի՞նչ խնդիրներ էին ցանկանում լուծել, ինչի՞ համար էին իշխանութեան բերում Փաշինեանին, կապւա՞ծ էր այդ ամէնը արցախեան խնդրի հետ, նշւած պրոկսի ուժերը առանձի՞ն էին գործում, թէ՞ միասնաբար, ահա այս հարցերի պատասխանները չեն տրւում»,- ասաց քաղաքագէտը։

Դանիէլեանի գնահատմամբ` յստակ պատասխանների բացակայութեան պարագայում ամէն ինչ պարուրւում է գաղտնիութեան շղարշով եւ որեւէ պարզութիւն չի մտնում ստեղծւած իրավիճակի մէջ։ Ըստ նրա` եթէ ինչ-որ փակագծեր բացւեն, դրան զուգահեռ կը լինի շատ ուժեղ դեզինֆորմացիա եւ ատելութեան ալիք, ուստի բացւած փակագծերը կարող են խեղդւել դեզինֆորմացիոն ագիտացիայի ծովում ու մարդիկ ոչ թէ ինչ-որ բան են հասկանալու, այլ աւելի շատ են խճճւելու։

Յիշեցնենք, որ դեռ ապրիլի 6-ին «Պոզնէր» հաղորդման եթերում ՀՀ երկրորդ նախագահ Ռոբերտ Քոչարեանը յայտարարել էր, որ Ազգային ժողովի արտահերթ ընտրութիւններին մասնակցելու է դաշինքով, որն ամենայն հաւանականութեամբ բաղկացած կը լինի 2 կուսակցութիւնից։ Թէ որոնք են այդ քաղաքական ուժերը, առայժմ չի յայտարարւում։ Բայց մամուլում լուրեր են շրջանառւում, որ դրանցից մէկը կարող է լինել ՀՅԴ-ն։

Իսկ Սերժ Սարգսեանը «Արմնիւզ» հեռուստաընկերութեանը տւած հարցազրոյցում յիշեցրել է, որ 2018 թ.-ի մայիսի 8-ին Հայաստանի Հանրապետական կուսակցութիւնը լրացրեց ձայների այն մինիմալ քանակը, որը բաւարար էր Նիկոլ Փաշինեանի ՀՀ վարչապետ ընտրւելու համար` բացայայտելով, թէ ինչ պայմաններ են այդ ձայների դիմաց դրւել Նիկոլ Փաշինեանի առաջ։

Յարակից լուրեր

  • «Նրանց ոչ թէ ճանապարհն է հետաքրքրում, այլ միջանցքը». տնտեսագէտը՝ Ադրբեջանին ճանապարհ տալու եւ Հայաստանի շահի մասին
    «Նրանց ոչ թէ ճանապարհն է հետաքրքրում, այլ միջանցքը». տնտեսագէտը՝ Ադրբեջանին ճանապարհ տալու եւ Հայաստանի շահի մասին

    «Ինչո՞ւ պիտի Հայաստանը Ադրբեջանին ճանապարհ չտայ։ Դա ձեռնտու է նաեւ Հայաստանի համար»։ Այսպէս էր ասել Նիկոլ Փաշինեանն իր ֆէյսբուքեան ասուլիսի ժամանակ, որից յետոյ այց էր կատարել ՌԴ եռակողմ հանդիպմանը մասնակցելու համար։

    Ի՞նչ շահի մասին էր խօսում Նիկոլ Փաշինեանը, ինչո՞վ է Ադրբեջանին ճանապարհ տալը ձեռնտու Հայաստանի համար։ Այս հարցերին անդրադարձել է ՀՅԴ Բիւրոյի տնտեսական հետազօտութիւնների գրասենեակի պատասխանատու, տնտեսագէտ Սուրէն Պարսեանը։

  • «Ազատագրական շարժում»-ը պահանջում է Նիկոլ Փաշինեանի եւ Արմէն Սարգսեանի հրաժարականը
    «Ազատագրական շարժում»-ը պահանջում է Նիկոլ Փաշինեանի եւ Արմէն Սարգսեանի հրաժարականը

    ՀՀ Հանրապետութեան հրապարակում տեղի է ունեցել «Ազատագրական շարժման» հանրահաւաքը։

  • Խաբէութիւն ․․․ ե՛ւ ինքնախաբէութիւն
    Խաբէութիւն ․․․ ե՛ւ ինքնախաբէութիւն

    Աւելի քան երկու ժամ տեւեց Հ․Հ․ վարչապետին պատկերասփռուած հարցազրոյցը՝ Նոյեմբեր 23-ին, երբ մէկ առ մէկ կարդացուեցան լրատուամիջոցներու եւ հասարակական կազմակերպութիւններու ներկայացուցիչներու յղած հարցումները. գլխաւոր կիզակէտն էր սահմանազատման եւ սահմանագծման խորհրդաւոր ու մինչ այդ գաղտնի պահուած փաստաթուղթին բովանդակութիւնը։ Հիմնաւորեալ մեկնակէտը այն էր, որ վարչապետը քանի մը օր առաջ հաստատած էր, թէ փաստաթուղթ մը ունի սեղանին վրայ եւ պատրաստ է զայն ստորագրելու:

  • «Նիկոլ Փաշինեանը «ցաւտ զիջումներին» պատրաստւում է արդէն մի քանի ամիս». «Հրապարակ»
    «Նիկոլ Փաշինեանը «ցաւտ զիջումներին» պատրաստւում է արդէն մի քանի ամիս». «Հրապարակ»

    «Հրապարակ» թերթը գրում է. «Սիւնիքում այսօր տեղի ունեցող իրադարձութիւնները ոմանց համար տհաճ անակնկալ էին, եւ ոմանք նոյնիսկ ամենավատ երազում չէին կարող պատկերացնել, որ թուրքը կը հաստատւի Գորիս-Կապան ճանապարհին, սակայն Նիկոլ Փաշինեանի յետպատերազմական քայլերը յստակ ուղղւածութիւն եւ տրամաբանութիւն ունեն։ Եթէ դրանք դնում ես կողք-կողքի, ապա պարզ է դառնում, որ ամէն ինչ արւել է, որպէսզի «ցաւոտ զիջումների» ճանապարհին մեծ խոչընդոտներ չլինեն։

  • Հրապարակւել է Պուտին-Փաշինեան-Ալիեւ եռակողմ հանդիպման արդիւնքներով ընդունւած յայտարարութիւնը
    Հրապարակւել է Պուտին-Փաշինեան-Ալիեւ եռակողմ հանդիպման արդիւնքներով ընդունւած յայտարարութիւնը

    Հայաստանի Հանրապետութեան վարչապետ Նիկոլ Փաշինեանը, Ռուսաստանի Դաշնութեան նախագահ Վլադիմիր Պուտինը եւ Ադրբեջանի նախագահ Իլհամ Ալիեւը եռակողմ հանդիպման արդիւնքներով ընդունել են համատեղ յայտարարութիւն: Այս մասին յայտնում է ՀՀ վարչապետի աշխատակազմը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։