Հա

Քաղաքական

26/05/2021 - 18:30

ՀՀ նախագահն ու Իրանի արտգործնախարարն քննարկել են հայ-իրանական երկկողմ օրակարգը

Հայաստանի Հանրապետութեան նախագահ Արմէն Սարգսեանն հիւրընկալել է Իրանի Իսլամական Հանրապետութեան արտաքին գործերի նախարար Մոհամմադ Ջաւադ Զարիֆին եւ նրա գլխաւորած պատւիրակութեանը:

«alikonline.ir» - Հայաստանի Հանրապետութեան նախագահ Արմէն Սարգսեանն հիւրընկալել է Իրանի Իսլամական Հանրապետութեան արտաքին գործերի նախարար Մոհամմադ Ջաւադ Զարիֆին եւ նրա գլխաւորած պատւիրակութեանը: «Արմէնպրես»-ին այս մասին յայտնեցին ՀՀ նախագահի աշխատակազմի հասարակայնութեան հետ կապերի վարչութիւնից:

ՀՀ նախագահ Արմէն Սարգսեանը ողջունել է բարեկամ Իրանի արտգործնախարարի այցը եւ ընդգծել, որ Հայաստանն Իրանին համարում է վստահելի գործընկեր ու բարեկամ հարեւան: Նրա խօսքով՝ տարածաշրջանում ստեղծւած բարդ իրավիճակի պայմաններում չափազանց կարեւոր են դարձել Հայաստանի եւ Իրանի միջեւ յարաբերութիւնների առաւել զարգացումն ու խորացումը:

ՀՀ նախագահ Սարգսեանն անդրադարձել է նաեւ ադրբեջանական զինուժի կողմից Հայաստանի տարածք ներխուժելու փաստին եւ սահմանային իրավիճակին՝ նշելով, որ Ադրբեջանն իր սադրիչ գործողութիւններով նոր սպառնալիք է ստեղծում ողջ տարածաշրջանի համար:

Մոհամմադ Ջաւադ Զարիֆը շնորհակալութիւն յայտնելով ընդունելութեան համար՝ ՀՀ նախագահ Սարգսեանին է փոխանցել Իրանի Իսլամական Հանրապետութեան նախագահ Հասան Ռոհանիի ջերմ ողջոյնները: Նա նշել է, որ Հայաստանը միշտ էլ Իրանի լաւ բարեկամն է եղել, եւ երկու երկրների ժողովուրդների յարաբերութիւնները գալիս են դարերի խորքից: Արտգործնախարար Մոհամմադ Ջաւադ Զարիֆը շեշտել է, որ Իրանը կողմնակից է տարածաշրջանում խաղաղութեան հաստատմանն ու կայունութեան ապահովմանը եւ պատրաստ է հնարաւոր ջանքերը ներդնել այդ ուղղութեամբ: Նա միեւնոյն ժամանակ շեշտել է իր երկրի շահագրգռւածութիւնը՝ Հայաստանի տարածքային ամբողջականութեան լիարժէք պահպանման ու ապահովման հարցում՝ նշելով, որ Իրանի Իսլամական Հանրապետութիւնը կարեւորում է յարգանքը միջազգային իրաւունքի նորմերի նկատմամբ:

Հայաստանի Հանրապետութեան նախագահն ու Իրանի արտգործնախարարն անդրադարձել են նաեւ հայ-իրանական երկկողմ օրակարգին: Զրուցակիցները համակարծիք են եղել, որ տարածաշրջանի առջեւ ծառացած նոր մարտահրաւէրները պարտադրում են աշխատել երկկողմ քաղաքական եւ տնտեսական յարաբերութիւնների օրակարգն ընդլայնելու ուղղութեամբ: Նշելով, որ Իրանը եւ Հայաստանը համագործակցութեան շատ աւելի մեծ ներուժ ունեն, քան իրականում օգտագործում են, նրանք կարեւորել են համատեղ տարբեր ծրագրերի շրջանակում փոխշահաւէտ համագործակցութեան շարունակական զարգացումը:

 

Յարակից լուրեր

  • Արցախը վիրաւոր վիճակում է, բայց ոգին ընկճւած չէ
    Արցախը վիրաւոր վիճակում է, բայց ոգին ընկճւած չէ

    ԱՀ նախագահի՝ կրթութեան գծով խորհրդական, ԱրՊՀ աւագ դասախօս Արմէն Սարգսեանի հետ «Ապառաժ»-ը զրուցել է Արցախում կրթական հիմնախնդիրների, դրանց լուծման ուղիների, մշակոյթի բնագաւառի զարգացման, բռնազաւթւած տարածքների մշակութային ժառանգութեան պաշտպանութեան եւ այլ հարցերի շուրջ:

  • «Գանձակից են տանկային շարասիւն բերել դէպի սահման». Արմէն Սարգսեանը՝ Արցախում իրավիճակի մասին
    «Գանձակից են տանկային շարասիւն բերել դէպի սահման». Արմէն Սարգսեանը՝ Արցախում իրավիճակի մասին

    Տարբեր տեղերում ադրբեջանցիները տանկեր են մօտեցրել Արցախի սահմանին. Գանձակից են տանկային շարասիւնը դէպի սահմանը բերել, բայց կէսից, ինֆորմացիայի համարձայն, յետ են քաշել՝ Yerkir.am-ի հետ հարցազրոյցում ասաց Արցախի Հանրապետութեան նախագահի խորհրդական, ՀՅԴ անդամ Արմէն Սարգսեանը։

  • Արմէն Սարգսեանն այսօրւանից ՀՀ նախագահը չէ․ Ալէն Սիմոնեանը ստանձնել է նախագահի լիազօրութիւնները
    Արմէն Սարգսեանն այսօրւանից ՀՀ նախագահը չէ․ Ալէն Սիմոնեանը ստանձնել է նախագահի լիազօրութիւնները

    ՀՀ ԱԺ նախագահը ստորագրել է Հանրապետութեան նախագահ Արմէն Սարգսեանի՝ նախագահի լիազօրութիւնները դադարած համարելու մասին արձանագրութիւնը։

  • Դէպի աւելի կեդրոնացեալ կառավարում
    Դէպի աւելի կեդրոնացեալ կառավարում

    Հայաստանի Հանրապետութեան նախագահ պրն. Արմէն Սարգսեան հրաժարականի դիմում ներկայացուց 23 յունուարին: Հրաժարականը վերջնական կը դառնայ, եթէ դիմումին յաջորդող ԵՕԹԸ օրերուն ընթացքին նախագահը իր հրաժարականը ետ չվերցնէ: Սպասելի է ուրեմն, որ Ազգային ժողովի նախագահը յայտարարութեամբ հաստատէ հրաժարականը, որմէ ետք ան ժամանակաւորապէս կը ստանձնէ հանրապետութեան նախագահի լիազօրութիւնները, մինչեւ նորընտիր նախագահի պաշտօնի ստանձնումը: Նոր նախագահ պիտի ընտրուի հրաժարականի ընդունումէն նուազագոյն 25 եւ առաւելագոյն 35 օրերու ժամանակամիջոցին: 

  • «Արմէն Սարգսեանի աշխատակազմն էլ է տարակուսած». «Հրապարակ»
    «Արմէն Սարգսեանի աշխատակազմն էլ է տարակուսած». «Հրապարակ»

    «Հրապարակ»-ը գրում է. «Նախագահ Արմէն Սարգսեանի հրաժարականը շարունակում են քննարկել տարբեր շրջանակներում, եւ մարդիկ արձանագրում են, որ հրաժարականի յայտարարութիւնից յետոյ էլ նա չի պասիւացել։ Երկու կամ երեք յայտարարութիւն է տարածել իր աշխատակազմը, իսկ երէկ ՀՀ նախագահը հանդէս եկաւ Բանակի օրւան նւիրւած ուղերձով։ 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։