«Ուր էլ գնան, գտնել-բերելու ենք․ այդ առումով հանգիստ եղէք»։ Այս մասին Երեւանի Մալաթիա-Սեբաստիա եւ Շենգաւիթ վարչական շրջանների քաղաքացիների ու «Հայաստան» դաշինքի շտաբների ներկայացուցիչներ հետ հանդիպման ժամանակ նշեց ՀՀ երկրորդ նախագահ, «Հայաստան» դաշինքը գլխաւորող Ռոբերտ Քոչարեանը՝ պատասխանելով հարցին, թէ ի՞նչ էք անելու, որպէսզի դաւաճանների ելքը երկրից արգելւի:
«alikonline.ir» - «Ուր էլ գնան, գտնել-բերելու ենք․ այդ առումով հանգիստ եղէք»։ Այս մասին Երեւանի Մալաթիա-Սեբաստիա եւ Շենգաւիթ վարչական շրջանների քաղաքացիների ու «Հայաստան» դաշինքի շտաբների ներկայացուցիչներ հետ հանդիպման ժամանակ նշեց ՀՀ երկրորդ նախագահ, «Հայաստան» դաշինքը գլխաւորող Ռոբերտ Քոչարեանը՝ պատասխանելով հարցին, թէ ի՞նչ էք անելու, որպէսզի դաւաճանների ելքը երկրից արգելւի:
«Այս պատահածի համար մարդիկ պէտք է պատասխան տան եւ այդ պատասխանը պէտք է լինի արդարադատութեան միջոցով՝ հէնց Հայաստանի Հանրապետութիւնում։ Ով ուր փախչի՝ փէշերից բռնած բերելու ենք։ Երբ երկար ժամանակ զբաղեցնում ես երկրի ամենաբարձր պաշտօնը, պէտք է էմոցիաներդ եւ զգացմունքներդ միշտ համադրես օրէնքի գերակայութեան հետ։
Նման դէպքերում միշտ պայքար է գնում քաղաքականութեան եւ օրինականութեան միջեւ։ Մենք մեզ չպէտք է այս իշխանութիւնների պէս պահենք, եւ այս քաղաքականութեան եւ օրինականութեան պայքարի մէջ պէտք է յաղթի օրինականութիւնը։ Դրանից կը շահի ե՛ւ պետութիւնը, ե՛ւ ժողովուրդը»,- ասաց նա:
