Հա

Քաղաքական

17/06/2021 - 14:10

«Չսխալւել ամենակարեւոր պահին»․ Արմէն Գէորգեան

Այսօր մենք չափազանց կարեւոր ընտրութեան առաջ ենք։ Ես չէի ուզի անել այս արտայայտութիւնը, բայց այո, մենք այն իրավիճակում ենք, երբ վաղը կարող է իրօք ուշ լինել։ Մեր վաղւայ ափսոսանքն ու զղջումը կարող են որեւէ արժէք չունենալ, քանի որ այլեւս չեն փոխի մեր պատմութեան հետագայ ընթացքը։ Այդ ընթացքը մեր օգտին շրջել կարող ենք միայն յունիսի 20-ի ճիշտ ընտրութեամբ, իսկ պարզապէս բարի ցանկութիւնները մեզ ոչնչից չեն ապահովագրելու։ Այս ընտրութիւնը որքան բարդ, նոյնքան էլ պարզ է. ընտրութիւնը Հայաստանի լինել կամ չլինելու մէջ է, մեր՝ չդադարող ստորացման կամ արժանապատիւ խաղաղութեան մէջ է։

Դիմում եմ Հայաստանի բոլոր համայնքների ղեկավարներին։

Սիրելի համայնքապետեր.

Դիմում եմ ձեզ, որովհետեւ վստահ եմ ձեր հայրենասիրութեան ու պետական գիտակցութեան վրայ։

Դիմում եմ ձեզ որպէս մի մարդ, որը երկար տարիներ աշխատել է Տարածքային կառավարման նախարարի պաշտօնում ու քաջածանօթ է Հայաստանի համայնքների խնդիրներին։ Դիմում եմ ձեզ այն համոզմամբ, որ ձեզնից շատերը գիտեն իմ մօտեցումները արդարութեան եւ սկզբունքայնութեան մասին: Դրանք չեն փոխւել:

Այսօր մենք չափազանց կարեւոր ընտրութեան առաջ ենք։ Ես չէի ուզի անել այս արտայայտութիւնը, բայց այո, մենք այն իրավիճակում ենք, երբ վաղը կարող է իրօք ուշ լինել։ Մեր վաղւայ ափսոսանքն ու զղջումը կարող են որեւէ արժէք չունենալ, քանի որ այլեւս չեն փոխի մեր պատմութեան հետագայ ընթացքը։ Այդ ընթացքը մեր օգտին շրջել կարող ենք միայն յունիսի 20-ի ճիշտ ընտրութեամբ, իսկ պարզապէս բարի ցանկութիւնները մեզ ոչնչից չեն ապահովագրելու։ Այս ընտրութիւնը որքան բարդ, նոյնքան էլ պարզ է. ընտրութիւնը Հայաստանի լինել կամ չլինելու մէջ է, մեր՝ չդադարող ստորացման կամ արժանապատիւ խաղաղութեան մէջ է։

Խնդրում եմ՝ դիմանալ եւ չտրւել գործող իշխանութեան ճնշումներին։

Ընդամէնը մի քանի օր կարելի է դիմանալ իր վերջին օրերն ապրող իշխանութեան անօրինական ճնշումներին։ Նրանք ձեզ կը սպառնան, կը փորձեն սիրաշահել, խաբել, ի՜նչ ասես կանեն, բայց նժարին մեր պետութիւնն է։ Իմ յորդորն է՝ չանել որեւէ անօրինական հրահանգ. հրաժարւէ´ք կիրառել վարչական լծակները, չստիպէք մարդկանց՝ քւէարկել իրենց խղճին դէմ, ու դուք ինքներդ նոյնպէս այդպէս չանէք։

Մենք իրար հետ մեծ աշխատանք ունենք անելու, մեր երկիրը վիրաւոր է, մեր ժողովրդին ուզում են ստորացնել։ Եկէք միասի´ն դա թոյլ չտանք, եկէք միասին ոտքի կանգնեցնենք մեր երկիրը։ Եթէ մենք այսօր սխալւենք, եթէ այսօր զիջենք, եթէ այսօր կոտրւենք, վաղը կարող է ուշ լինել։

Եկէք միասին շրջենք պարտութեան էջը։

Եկէք միասին նոր էջ բացենք մեր պետութեան եւ մեր բոլորիս կեանքում։

Եկէք միասին յաղթենք։

 

ԱՐՄԷՆ ԳԷՈՐԳԵԱՆ

ՀՀ նախկին փոխվարչապետ, Տարածքային կառավարման նախկին նախարար

 

Յարակից լուրեր

  • «Նոր թէժ փուլ Հայաստանի համար». Արմէն Գէորգեան
    «Նոր թէժ փուլ Հայաստանի համար». Արմէն Գէորգեան

    ՀՀ ԱԺ Տարածաշրջանային եւ Եւրասիական ինտեգրման հարցերի յանձնաժողովի նախագահ Արմէն Գէորգեանն իր յօդւածում գրում է.

  • «Ե՞րբ է վերանում պետութիւնը». Արմէն Գէորգեան
    «Ե՞րբ է վերանում պետութիւնը». Արմէն Գէորգեան

    Ցանկացած ժամանակակից քաղաքակիրթ պետութիւն գոյութիւն ունի իր քաղաքացիների կեանքը եւ նրանց միջեւ յարաբերութիւնները որոշակի օրէնքներով կազմակերպելու համար։ Ցանկացած պետութեան համար ամենաբարձր արժէքը քաղաքացին է, ու եթէ չկայ նման ըմբռնում, ուրեմն չկայ քաղաքակիրթ պետութիւն։ Պետութիւնը, որը հրաժարւում է պաշտպանել իր քաղաքացուն, թերի է։ Պետութիւնը, որը հրաժարւում է իր քաղաքացուց, ըստ էութեան մեռած է։

  • «Սոչիով Բրիւսէլ տանող դժւար ճանապարհը. որտե՞ղ կը լինի վերջին կանգառը». Արմէն Գէորգեան
    «Սոչիով Բրիւսէլ տանող դժւար ճանապարհը. որտե՞ղ կը լինի վերջին կանգառը». Արմէն Գէորգեան

    «Այլընտրանքային նախագծեր» խումբը ներկայացնում է ՀՀ ԱԺ Տարածաշրջանային եւ Եւրասիական ինտեգրման հարցերի յանձնաժողովի նախագահ Արմէն Գէորգեանի յօդւածը.

  • Աշխարհքաղաքական նոր բանաձեւերի իմաստն ու գործառոյթները
    Աշխարհքաղաքական նոր բանաձեւերի իմաստն ու գործառոյթները

    «Վերջերս ակտիւօրէն քննարկւում է Հարաւային Կովկասում աշխարհքաղաքական երկխօսութեան կամ համագործակցութեան նոր բանաձեւը` «3+3»: Այդ բանաձեւն իրականում նորութիւն չէ, այն միշտ եղել է տարածաշրջանի հիմնական խաղացողների ոչ պաշտօնական օրակարգում: Դրան ուղղակի չէր տրւում մեծ նշանակութիւն, քանի դեռ Ռուսաստանին յաջողւում էր զսպել բոլոր գործընթացները «3+1» բանաձեւի շրջանակներում, այսինքն՝ Հայաստանը, Վրաստանը եւ Ադրբեջանը մի կողմից, եւ Ռուսաստանը՝ միւս:

  • «Աննա Դանիբէկեանը բացառիկ աջակցութիւն ցուցաբերեց Ադրբեջանի իշխանութիւններին»․ Ագնեսա Խամոյեան
    «Աննա Դանիբէկեանը բացառիկ աջակցութիւն ցուցաբերեց Ադրբեջանի իշխանութիւններին»․ Ագնեսա Խամոյեան

    Երէկ յայտնի դարձաւ, որ Հայաստանի ԱԺ ԵԽԽՎ պատւիրակութեան անդամ, նախկին փոխվարչապետ, «Հայաստան» խմբակցութեան պատգամաւոր Արմէն Գէորգեանին դատաւոր Աննա Դանիբեկեանի կողմից չի թոյլատրւել երկիրը լքել, մասնակցելու ԵԽԽՎ լիագումար նիստին։ Այդ կապակցութեամբ News.am-ը դիմել է Ազգային Ժողովի ընդիմադիր «Հայաստան» խմբակցութեան պատգամաւոր Ագնեսա Խամոյեանին, մեկնաբանելու իրավիճակը։

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։