Հա

Քաղաքական

21/06/2021 - 13:30

«Քաղաքացիական պայմանագիր»-ը ԱԺ-ում կունենայ 71 մանդատ, «Հայաստան» դաշինքը` 27 մանդատ, «Պատիւ ունեմ»-ը խորհրդարանում կը լինի իրաւունքի ուժով ու կունենայ 7 մանդատ

Կենտրոնական ընտրական յանձնաժողովը հրապարակել է բոլոր 2008 ընտրական տեղամասերում ամփոփւած նախնական արդիւնքները, համաձայն որի՝ առաջատարը Նիկոլ Փաշինեանի գլխաւորած «Քաղաքացիական պայմանագիր» կուսակցութիւնն է՝ քւէների մօտ 53,92 տոկոսով: 

«alikonline.ir» - Կենտրոնական ընտրական յանձնաժողովը հրապարակել է բոլոր 2008 ընտրական տեղամասերում ամփոփւած նախնական արդիւնքները, համաձայն որի՝ առաջատարը Նիկոլ Փաշինեանի գլխաւորած «Քաղաքացիական պայմանագիր» կուսակցութիւնն է՝ քւէների մօտ 53,92 տոկոսով: Տեղեկացնում է Tert.am-ը:

ՀՀ Ազգային ժողովի արտահերթ ընտրութիւնների արդիւնքներով նոր խորհրդարանում կը լինեն երեք քաղաքական ուժ՝ «Քաղաքացիական պայմանագիր»-ը, «Հայաստան» դաշինքը եւ «Պատիւ ունեմ» դաշինքը: «Պատիւ ունեմ» դաշինքը չի յաղթահարել անցողիկ շեմը, եւ խորհրդարանում կը լինի իրաւունքի ուժով:

Մանդատները կը բաշխւեն հետեւեալ կերպ՝

«Քաղաքացիական պայմանագիր»՝ 71 մանդատ,

«Հայաստան» դաշինք՝ 29 մանդատ,

«Պատիւ ունեմ» դաշինք՝ 7 մանդատ:

4 ամենամեծ ազգային փոքրամասնութիւնների 4 մանդատներից երեքը բաժին են հասնում «Քաղաքացիական պայմանագրին», մէկը՝ «Հայաստան» դաշինքին: Ըստ այդմ՝ «Հայաստան» դաշիքնի մանդատները դառնում են 27:

Բացի այդ, «Հայաստան» դաշինքը ստանում է լրացուցիչ 2 մանդատ, որպէսզի խորհրդարանում ապահովի սահմանադրութեան պահանջը. Ընդդիմութեան կազմը խորհրդարանում պէտք է 1/3-ից պակաս չլինի:

 

Յարակից լուրեր

  • «Հայաստան» դաշինքի ուղերձը ՀՀ անկախութեան օրւայ առթիւ
    «Հայաստան» դաշինքի ուղերձը ՀՀ անկախութեան օրւայ առթիւ

    Անկախութիւն նւաճած ու յաղթանակներ պարտադրած ժողովուրդն ընկրկելու իրաւունք չունի։

    Հայոց պետականութեան ապագան կասկածի տակ դնող այս իրականութիւնը հնարաւոր է յաղթահարել միայն համազգային նպատակներ բանաձեւելով, միասնականութեամբ եւ ազգային պետական մտածողութիւն կրող իշխանութեամբ։

  • Նոր նստաշրջան ու նորոգուած մարտավարութիւն
    Նոր նստաշրջան ու նորոգուած մարտավարութիւն

    Երկուշաբթի, 12 սեպտեմբեր 2022-ին, Հայաստանի Հանրապետութեան Ազգային ժողովը կը վերադառնայ արձակուրդէն եւ կը գումարէ աշնանային նստաշրջանի առաջին եռօրեան: Ընդդիմութեան մաս կազմող երկու խմբաւորումները` «Հայաստան» եւ «Պատիւ ունեմ» դաշինքները յայտարարեցին, որ պիտի շարունակեն չմասնակցիլ նստաշրջանի ժողովներուն: Պատճառաբանութիւնը միեւնոյնն է. Ազգային ժողովը կը շարունակէ անտեսել Հայաստանի եւ Արցախի համար կենսական նշանակութիւն ունեցող օրակարգերը եւ կը զբաղի նուազ կարեւոր, ընթացիկ հարցերով: 

  • «Դիրքորոշումն անփոփոխ է». Ագնեսա Խամոյեանը` «Հայաստան» խմբակցութեան ԱԺ գնալ-չգնալու մասին
    «Դիրքորոշումն անփոփոխ է». Ագնեսա Խամոյեանը` «Հայաստան» խմբակցութեան ԱԺ գնալ-չգնալու մասին

    ՀՀ ԱԺ «Հայաստան» խմբակցութեան պատգամաւոր Ագնեսա Խամոյեանը Sputnik Արմենիայի եթերում խօսել է առաջիկայ նստաշրջանին իրենց խմբակցութեան խորհրդարան չվերադառնալու պատճառների մասին։

  • «Հայաստան» դաշինքի ուղերձը ԼՂՀ հռչակման օրւայ առթիւ
    «Հայաստան» դաշինքի ուղերձը ԼՂՀ հռչակման օրւայ առթիւ

    Աւաղ, Հայաստանի գործող իշխանութիւնների կողմից վարւող արկածախնդիր, կարճատես եւ ապազգային քաղաքականութիւնը կորստաբեր եւ աղէտալի հարւած հասցրեց Հայաստան-Արցախ անքակտելի միասնականութեանը, անվտանգային լրջագոյն սպառնալիքների առջեւ կանգնեցնելով մեր զոյգ պետութիւններին։

    Եւ, այնուամենայնիւ, որքան էլ ծանր լինեն մեզ պարտադրւած 44-օրեայ պատերազմի հետեւանքները, Արցախի ճակատագիրը մեր բոլորի ձեռքում է։

    Պարտութիւնը դեռ դատավճիռ չէ։

  • «Վշտակցում ենք, սգում եւ կիսում այս աղէտի զոհ դարձած մեր անմեղ հայրենակիցների կորստի ցաւը»․ «Հայաստան» դաշինք
    «Վշտակցում ենք, սգում եւ կիսում այս աղէտի զոհ դարձած մեր անմեղ հայրենակիցների կորստի ցաւը»․ «Հայաստան» դաշինք

    «Հայաստան» դաշինքն իր ցաւակցութիւնն է յայտնում «Սուրմալու» առեւտրի կենտրոնում տեղի ունեցած ահարկու հրդեհի եւ պայթիւնի զոհերի ընտանիքներին, հարազատներին։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։