Հա

Քաղաքական

24/07/2021 - 11:40

«Հայրենադարձւողի մասին անարգական է ասել, որ Covid-ի պատճառով չեկաւ Հայաստան»․ Բեոջէկեանը՝ Սինանեանին

Պիտի շնորհաւորէի պրն․ Սինանեանին, որ իրենց այս ձախողման համար նախկիններին յանցաւոր չի համարում, այլ այս անգամ գտել է մի նոր պատճառաբանութիւն՝ Covid եւ պատերազմ՝ Yerkir.am-ի հետ հարցազրոյցում ասաց Հայրենադարձների խորհրդատւութեան գրասենեակի պատասխանատու, ՀՅԴ Երեւանի քաղաքային կոմիտէի նախագահ Ժիրայր Բեոջէկեանը՝ ի պատասխան ՀՀ սփիւռքի հարցերի յանձնակատար Զարեհ Սինանեանի այն յայտարարութեան, որ իշխանութիւնների ասած՝ հայրենադարձութեան բումը չեղաւ Covid-ի եւ պատերազմի պատճառով։

«alikonline.ir» - Պիտի շնորհաւորէի պրն․ Սինանեանին, որ իրենց այս ձախողման համար նախկիններին յանցաւոր չի համարում, այլ այս անգամ գտել է մի նոր պատճառաբանութիւն՝ Covid եւ պատերազմ՝ Yerkir.am-ի հետ հարցազրոյցում ասաց Հայրենադարձների խորհրդատւութեան գրասենեակի պատասխանատու, ՀՅԴ Երեւանի քաղաքային կոմիտէի նախագահ Ժիրայր Բեոջէկեանը՝ ի պատասխան ՀՀ սփիւռքի հարցերի յանձնակատար Զարեհ Սինանեանի այն յայտարարութեան, որ իշխանութիւնների ասած՝ հայրենադարձութեան բումը չեղաւ Covid-ի եւ պատերազմի պատճառով։

«Հայրենադարձութեան բումը ոչ թէ Covid-ի կամ պատերազմի պատճառով չստացւեց, այլ մարդիկ, որոնք ե՛ւ Սիրիայի տագնապային տարիներից յետոյ եկել էին Հայաստան, ե՛ւ մարդիկ, որոնք Լիբանանի նաւահանգստի աղէտալի պայթիւնից յետոյ, հաւատալով պրն․ Սինանեանի՝ Լիբանանում տւած խոստումներին, ելան եւ եկան Հայաստան, Հայաստանի՝ օժանդակութիւն տարած օդանաւով պրն․ Սինանեանը ուղեկցել էր նրանց, այդ մարդկանց մեծ մասը, տեսնելով, որ Հայաստանում ոչ իրենց կարիքներով իսկապէս հետաքրքրւող եւ իրենց կարիքները հոգացող պետական ապարատ կայ, նաեւ որ պետութիւնը ընդհանրապէս ոչ մի պատկերացում չունի հայրենադարձութեան հայեցակարգի մասին, թէ հայրենադարձութիւնը ինչպէս է կազմակերպւելու, ինչ է անելու, որ՝ հայրենադարձութեամբ ոչ միայն մարդիկ եկան Հայաստան, ուրախացանք ու մոռացանք նրանց մասին, այդպէս չէ, այս բոլորը ոչ չարեցին, բնականաբար, մարդիկ իրենց ֆինանսական խնդիրները հաշւի առնելով, իրենց առողջական, իրենց երեխաների կրթութեան հետ կապւած հարցերը հաշւի առնելով, թողեցին ու յետ դարձան, անկախ նրանից, որ որոշները մնացին»,- ասաց Ժիրայր Բեոջէկեանը։

Նա նաեւ նկատեց, որ հայրենադարձութեան ուղղութեամբ քայլ անող մարդու մասին անարգական է ասել, որ Covid-ի պատճառով չեկաւ Հայաստան, երբ Covid-ը ամբողջ աշխարհում էր, կամ պատերազմի պատճառով չեկաւ Հայաստան, երբ մենք գիտենք, որ նոյնիսկ Արցախեան 44-օրեայ պատերազմի ժամանակ բազմաթիւ սփիւռքահայեր զոհւեցին պատերազմում։

«Այնքան ժամանակ, որ պետական յստակ հայեցակարգ չկայ հայրենադարձութեան մասին, կազմակերպւած աշխատանք չկայ հայրենադարձութիւնը խթանելու, հայրենադարձ մարդկանց այստեղ կեանքի ռիթմի մէջ տեղաւորելու՝ ե՛ւ աշխատանքի, ե՛ւ կրթութեան, ե՛ւ առողջապահութեան, ե՛ւ տարբեր, տարբեր՝ էլ չեմ խօսում տուն յատկացնելու մասին, պարզապէս այս ամէնը ընթացքի մէջ դնելու, դիւրացնելու նրանց առօրեան՝ պետական թղթերից, վարորդական իրաւունքից մինչեւ բուժոլորտ եւ այլ մանրամասներ, այսօր հայրենադարձութիւնը շատ աւելի զգացական, գաղափարական քայլ է մարդկանց համար»,- ասաց Ժիրայր Բեոջէկեանը։

Նա նշեց, որ մարդիկ միշտ էլ հայրենադարձւել են եւ շարունակում են նաեւ հայրենադարձւել այս իշխանութեան օրօք, բայց այս ամէնը ոչ մէկի արժանիքը չէ, այլ հայրենադարձւած մարդկանց՝ իրենց հայրենիքի հանդէպ ունեցած հաւատքի շնորհիւ է։

Զարեհ Սինանեանին որպէս անձ որեւէ գնահատական Բեոջէկեանը չի տալիս, իսկ որպէս պաշտօնեայ, ասում է, Սինանեանը այսօրւայ վարչապետի աթոռը զբաղեցնող եւ Հայաստանի իշխանութեաունը զաւթած մարդու մանկլաւիկն է։ Որպէս այդպիսին, ինքը եւ միւս բոլոր իշխանութիւնը պահող, պահպանող, քաջալերող, Սինանեանի պարագայում նաեւ Սփիւռքում փաշինեանական կեղծ իշխանութեան քարոզչութիւնը անող մարդ է։ Այնպէս որ, ասաց նա, Սինանեանի աշխատանքը այդ պրիզմայով պէտք է դիտել եւ ոչ թէ արժեւորել որպէս պետական կիսայաջողած կամ յաջողած կամ ձախողած գործիչ։

 

Աննա Բալեան

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։