Հա

Քաղաքական

03/08/2021 - 09:45

Արտաքին քաղաքականութիւնը՝ անվտանգութեան գործօն

Հայաստանի Հանրապետութիւնում իշխող ապիկար վարչախումբը շարունակում է կազմաքանդել հայկական պետականութեան անվտանգային համակարգը:

Հայաստանի Հանրապետութիւնում իշխող ապիկար վարչախումբը շարունակում է կազմաքանդել հայկական պետականութեան անվտանգային համակարգը:

Անվտանգային համակարգը լայն հասկացողութիւն է, որն իր մէջ պարունակում է ոչ միայն Պաշտպանութեան նախարարութիւնը, Զինւած ուժերը եւ անվտանգութեան ծառայութիւնները, այլ նաեւ արտաքին գործերի նախարարութիւնն ու դիւանագիտական աշխատանքները: Հանրաճանաչ ասոյթ է. «Երբ ձախողւում են դիւանագէտները՝ հնչում է թնդանոթների ձայնը»:

Գաղտնիք չէ, որ Հայաստանի վերջին 30 տարւայ դիւանագիտական գործունէութեան գլխաւոր թիրախը, կարեւորագոյն առանցքը Արցախի հիմնահարցի կարգաւորումն էր:

Հայաստանում իշխանական լծակներն ամէն գնով իրենց ձեռքում պահող վարչախումբը իր արտաքին ապաշնորհ քաղաքականութեան հետեւանքով Արցախը համարում է իր ուսերին բարձւած բեռ, որից՝ օր առաջ ազատւելը դարձել է Հայաստանի արտաքին քաղաքականութեան ուղղութիւններից մէկը:

Այդ դաւաճանական կեցւածքի արդիւնքները աղէտալի են եղել Արցախի համար, իսկ Արցախի Հանրապետութիւնը, եթէ հանդուրժի նման բարձիթողի վիճակ, գահավիժումը օրէցօր աւելի թափ կը ստանայ: Այս ծանր օրերին հայ ժողովրդի ազգային ազատագրական պայքարի դրօշակակիր դառնալու առաքելութիւնը մէկ անգամ եւս վերապահւած է Արցախի Հանրապետութեանը:

Այդ ասպարէզում Արցախի արտաքին քաղաքականութիւնը պէտք է ամրապնդի Արցախի հայկական պետականութեան առարկայական ներկայութիւնը թէ՛ հայ իրականութեան մէջ, թէ՛ տարածաշրջանում եւ թէ՛ միջազգային բեմահարթակում:

44-օրեայ պատերազմից յետոյ ստեղծւած իրավիճակում Արցախի արտաքին քաղաքականութեան առանցքային ուղղութիւնը շարունակում է մնալ Արցախի միջազգային ճանաչումը: Այդ գործում Հայ Յեղափոխական Դաշնակցութիւնը անվերապահօրէն Արցախի կողքին է: Հայ Դատի յանձնախմբերի գործունէութեան շնորհիւ վերջին ականատես եղանք հայանպաստ դիւանագիտական յաջողութիւնների թէ՛ Ամերիկայում եւ թէ՛ Եւրոպայում:

Որպէս օրակարգային թիրախ՝ միջազգային բեմահարթակում Արցախի հայկական պետութիւնը պէտք է ներկայացւի որպէս տարածաշրջանային հաւասարակշռութեան պահպանման եւ յարատեւ խաղաղութեան պահպանման շարժիչ գործօն: Իսկ հայկական իրականութեան մէջ՝ Արցախը պէտք է վերականգնի իր ազգային գաղափարախօսական ազդեցութիւնը համահայկական արժեհամակարգում:

Ազգային գաղափարախօսութիւնը մեր օրերում միս ու արիւն է դարձել Արցախով: Իսկ ազգային գաղափարախօսութիւնը հայ ժողովրդի յարատեւման եւ զարգացման երաշխիքն է:

 

«Ապառաժ»-ի խմբագրական

31 յուլիսի, 2021թ.

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։