Հա

Քաղաքական

01/09/2021 - 12:10

««Հայաստան» խմբակցութիւնը 11 հոգով մասնակցելու է Արցախի անկախութեան միջոցառումներին». Արծւիկ Մինասեան

30 տարւայ մեր պատմութեան մէջ առաջին անգամ Արցախի Հանրապետութեան անկախութեան տօնակատարութիւններին մասնակցելու համար Արցախ մեկնող ՀՀ պաշտօնական բարձրաստիճան պատւիրակութիւն չկայ, բայց ԱԺ «Հայաստան» խմբակցութիւնը 11 հոգով մասնակցելու է միջոցառումներին՝ Yerkir.am-ի հետ հարցազրոյցում ասաց ՀՅԴ Հայաստանի ԳՄ անդամ, ԱԺ «Հայաստան» խմբակցութեան քարտուղար Արծւիկ Մինասեանը։

«alikonline.ir» - 30 տարւայ մեր պատմութեան մէջ առաջին անգամ Արցախի Հանրապետութեան անկախութեան տօնակատարութիւններին մասնակցելու համար Արցախ մեկնող ՀՀ պաշտօնական բարձրաստիճան պատւիրակութիւն չկայ, բայց ԱԺ «Հայաստան» խմբակցութիւնը 11 հոգով մասնակցելու է միջոցառումներին՝ Yerkir.am-ի հետ հարցազրոյցում ասաց ՀՅԴ Հայաստանի ԳՄ անդամ, ԱԺ «Հայաստան» խմբակցութեան քարտուղար Արծւիկ Մինասեանը։

«Այո, մենք ինքնակազմակերպւել ենք, չնայած կարող են նախատեսւել առանձին հանդիպումներ երկու պառլամենտների ներկայացուցիչների մասնակցութեամբ, նոյնիսկ որոշակի հանդիսաւոր նիստ, բայց դա էական չէ, էականն այն է, որ «Հայաստան» խմբակցութիւնն իր 11 անձանցով մասնացելու է այդ միջոցառումներին։ Երկրորդ, մեր գերխնդիրը շարունակում է մնալ սպասարկել Հայաստանի եւ Արցախի շահերը։ Եւ մեր կազմի մասնակցութիւնը, որը ներառում է քաղաքական մի քանի միաւորումներ նոյնիսկ մեր դաշինքում, արձանագրումն է այն բանի, որ մեր օրակարգը շարունակում է մնալ նոյնը՝ Արցախի եւ Հայաստանի ինքնիշխանութեան վերահաստատում»,- ասաց Արծւիկ Մինասեանը։

Թէեւ Արցախից պաշտօնական հրաւէրներ ուղարկւել են ՀՀ բարձրաստիճան պաշտօնեաներին, որպէսզի մասնակցեն տօնակատարութիւններին, բայց ՀՀ վարչապետ Նիկոլ Փաշինեանը մինչեւ սեպտեմբերի 3-ը արձակուրդ է գնացել, ՀՀ նախագահ Արմէն Սարգսեանը չի յայտարարել մասնակցութեան մասին, իսկ ԱԺ նախագահ Ալէն Սիմոնեանը հրաժարւել է մեկնել Արցախ։

ԱԺ «Հայաստան» խմբակցութեան 11 անդամներից բացի Արցախ կը մեկնեն նաեւ «Պատիւ ունեմ» խմբակցութեան անդամները․ թէեւ մեկնելու են առանձին, բայց, Արծւիկ Մինասեանն ասաց, Արցախում տեղի կունենայ հանդիպում։ Սա, իհարկէ, չի կարելի համարել ՀՀ Ազգային Ժողովի պաշտօնական պատւիրակութիւն, ինչն, անկասկած, վերաբերմունքի դրսեւորում է։

«Այս իշխանութիւնը, ինչպէս աղէտ բերեց Հայաստանի ու Արցախի գլխին, այնպէս էլ շարունակում է նոյն վիճակում մնալ. սրանք վախեցած, Արցախը յանձնած, Արցախի անկախութիւնը ոտնատակ տւած, Հայաստանի ինքնիշխանութիւնը ոտնատակ տւած մարդկանց մի խումբ են, որոնք, ակնյայտ է, որ շարունակում են իրենց ազգադաւ կեցւածքը։ Ընդ որում, դա կարող է լինել թէ՛ յատուկ, թէ՛ ոչ յատուկ, թէ՛ վախի ազդեցութեան, թէ՛ անձեռնահասութեան դրսեւորում, բայց որ այս իշխանութիւնը ի վիճակի չէ մեր երկրի շահերը պաշտպանել՝ դա փաստ է»,- ասաց ԱԺ «Հայաստան» խմբակցութեան քարտուղար Արծւիկ Մինասեանը։

 

Աննա Բալեան

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։