Հա

Քաղաքական

11/09/2021 - 09:50

«Երբ Եռաբլուրում դեռ փոսեր են փորւում, արգահատելի է խօսել գունագեղ տօնակատարութեան մասին». Լիլիթ Գալստեան

Վարչապետ Նիկոլ Փաշինեանն օրերս կառավարութեան նիստում յայտարարել է, որ Սեպտեմբերի 21-ը՝ Անկախութեան օրը մասշատաբային եւ գունագեղ միջոցառումներ են կազմակերպւելու, ինչի շուրջ հնչում են իրարամերժ կարծիքներ: Factor.am-ի հետ զրոյցում «Հայաստան» խմբակցութեան պատգամաւոր Լիլիթ Գալստեանը նշեց, որ «Հայաստան» դաշինքը հանդէս է եկել յայտարարութեամբ:

«alikonline.ir» - Վարչապետ Նիկոլ Փաշինեանն օրերս կառավարութեան նիստում յայտարարել է, որ Սեպտեմբերի 21-ը՝ Անկախութեան օրը մասշատաբային եւ գունագեղ միջոցառումներ են կազմակերպւելու, ինչի շուրջ հնչում են իրարամերժ կարծիքներ: Factor.am-ի հետ զրոյցում «Հայաստան» խմբակցութեան պատգամաւոր Լիլիթ Գալստեանը նշեց, որ «Հայաստան» դաշինքը հանդէս է եկել յայտարարութեամբ:

«Ըստ էութեան, նոյնիսկ գունագեղ եւ տօնակատարութիւն բառերը բացարձակապէս համապատասխան չեն նրան, ինչի մէջ ապրում է Հայաստանը, նոյնիսկ առնչութիւն չունեն:

Անշուշտ, ՀՀ անկախութեան 30-ամեակը պէտք է նշւի եւ արժեւորւի, որովհետեւ անկախ պետականութիւնը պետութեան կազմակերպւածութեան բարձրագոյն ձեւն է, մենք պէտք է արժեւորենք մեր թէ՛ ձեռքբերումները, թէ՛ կորուստները: Բայց այսօր, երբ Հայաստանի ինքնիշխանութիւնը սասանւած է եւ ադրբեջանցին թրատում է Հայաստանի քարտէզը, երբ որ Եռաբլուրում դեռ փոսեր են փորւում, երբ որ մեր վէրքը դեռ արնածոր է, այս անորոշութիւնների, ցաւի, ողբերգութեան միջավայրում գունագեղ տօնակատարութեան մասին խօսելը ոչ համարժէք հոգեվիճակով մարդու արտայայտութիւն է:

Միւս կողմից՝ պէտք է գնահել, արժեւորել, եւ գնահատական տալ անցեալին եւ ապագայի մասին խօսել, բայց դրա համար պէտք է ստեղծւէր պետական յանձնաժողով եւ քննարկւէր ՀՀ անկախութեան 30-ամեակը գնահատելու ձեւաչափը: Վերջին 3 տարիներին մենք համոզւեցինք, որ ՀՀ-ն կախւած է մէկ մարդու կամքից, քաղաքական քիմքից ու ճաշակից…

Անվտանգութեան սպառնալիքների, սեւացւած անցեալի, վտանգւած ներկայի եւ անորոշ ապագայի միջավայրում, որի մէջ ապրում ենք, գունագեղ տօնակատարութեան մասին խօսելն ուղղակի արգահատելի է եւ անարգանք է թէ՛ զոհերի յիշատակին ու նրանց ընտանիքների, եւ թէ՛ հասարակութեան ողջամիտ շրջանակների նկատմամբ»:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։