Հա

Քաղաքական

28/09/2021 - 11:50

«ՀՀ-ի կողմից ընդդէմ Ադրբեջանի ընդամէնը երկու հայց է ներկայացւել». «Ժողովուրդ»

«Ժողովուրդ» օրաթերթը գրում է. «44-օրեայ պատերազմից մէկ տարի անց միջազգային դատարաններում Հայաստանի Հանրապետութիւնն ընդդէմ Ադրբեջանի ընդամէնը երկու միջպետական հայց է ներկայացրել: 

«alikonline.ir» - «Ժողովուրդ» օրաթերթը գրում է. «44-օրեայ պատերազմից մէկ տարի անց միջազգային դատարաններում Հայաստանի Հանրապետութիւնն ընդդէմ Ադրբեջանի ընդամէնը երկու միջպետական հայց է ներկայացրել: «Ժողովուրդ» օրաթերթը տեղեկացաւ, որ դրանցից առաջինը, որ Մարդու իրաւունքների եւրոպական դատարանին 2021թ.-ի փետրւարի 1-ին է հասցէագրւել, պատերազմի հետեւանքով «Մարդու իրաւունքների եւրոպական կոնւենցիաների» խախտումներին է վերաբերում:

Վերոնշեալ կոնւենցիան երաշխաւորում է կեանքի, անձնական եւ ընտանեկան կեանքը յարգելու, խօսքի ազատութեան, մտքի, խղճի եւ կրօնի ազատութեան, սեփականութեան պաշտպանութեան իրաւունքները: Այն արգելում է, խոշտանգումները, անմարդկային կամ նւաստացնող վերաբերմունքը կամ պատիժը, հարկադիր աշխատանքը, կամայական ու ապօրինի ազատազրկումը եւ այլն:

«Երկրորդը հայցադիմումը բոլորովին վերջերս՝ սեպտեմբերի 9-ին, Արդարադատութեան միջազգային դատարան (ՄԱԿ-ի միջազգային դատարան) է ներկայացւել: Այն ռասսայական խտրականութեան ու մարդկանց՝ պատերազմի հետեւանքով կրած զրկանքներին է վերաբերում»,- «Ժողովուրդ» օրաթերթի հետ զրոյցում ասաց ՄԻԵԴ-ում Հայաստանի ներկայացուցիչ Եղիշէ Կիրակոսեանը:

Նրա փոխանցմամբ՝ երկու հայցով էլ վարոյթներ են ընթանում: Ի տարբերութիւն պետութեան կողմից ՄԻԵԴ-ին հասէագրւած դիմումների՝ բաւականին մեծ թիւ են կազմում հասարակական տարբեր կազմակերպութիւնների կողմից Եւրոդատարանին ուղղւած նամակները:

Հոկտեմբերի 1-ին Արցախի Մարտունի քաղաքում ադրբեջանական կրակից վիրաւորում ստացած լրագրողների դէպքի առթիւ, օրինակ, ՄԻԵԴ բրիտանական «Մեդիա դիֆենս» իրաւապաշտպան կազմակերպութիւնն է դիմում ներկայացրել՝ «Ինֆորմացիայի ազատութեան կենտրոնի» հետ համատեղ։ Այլ կերպ ասած, պատերազմական յանցագործութիւնները կը քննւեն միջազգային ատեաններում»:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։