Հա

Քաղաքական

02/10/2021 - 11:20

«Խօսելն աւելորդ է՝ Արցախը որեւէ ձեւով չի կարող լինել Ադրբեջանի կազմում». Լեռնիկ Յովհաննիսեան

Այդ մասին խօսելն աւելորդ է՝ Արցախը որեւէ ձեւով չի կարող լինել Ադրբեջանի Հանրապետութեան կազմում՝ Yerkir.am-ի հետ հարցազրոյցում ասաց Արցախի Հանրապետութեան մշակոյթի նախկին նախարար, ՀՅԴ Արցախի ԿԿ անդամ Լեռնիկ Յովհաննիսեանը՝ անդրադառնալով Ալիեւի յայտարարութեանը, թէ «Լեռնային Ղարաբաղի հայերը նախկինում ձգտում էին անկախութեան, իսկ հիմա սկսել են խօսել Ադրբեջանի կազմում ինքնավարութեան մասին», ինչն իր համար անընդունելի է։

«alikonline.ir» - Այդ մասին խօսելն աւելորդ է՝ Արցախը որեւէ ձեւով չի կարող լինել Ադրբեջանի Հանրապետութեան կազմում՝ Yerkir.am-ի հետ հարցազրոյցում ասաց Արցախի Հանրապետութեան մշակոյթի նախկին նախարար, ՀՅԴ Արցախի ԿԿ անդամ Լեռնիկ Յովհաննիսեանը՝ անդրադառնալով Ալիեւի յայտարարութեանը, թէ «Լեռնային Ղարաբաղի հայերը նախկինում ձգտում էին անկախութեան, իսկ հիմա սկսել են խօսել Ադրբեջանի կազմում ինքնավարութեան մասին», ինչն իր համար անընդունելի է։

Արցախի ժողովրդի մօտ այդպիսի տրամադրութիւններ չկան, ասաց Լեռնիկ Յովհաննիսեանը, աւելին, Արցախի ԱԳՆ Դաւիթ Բաբայեանը եւս յայտարարեց, որ Արցախը որեւէ ձեւով չի կարող լինել Ադրբեջանի կազմում։ Այսինքն, գոնէ այս հարցում, թէ՛ ժողովուրդը եւ թէ՛ իշխանութիւններն՝ ի դէմս արտգործնախարարի, յայտարարեցին, որ համակարծիք են։

ԵԱՀԿ Մինսկի խմբի համանախագահներն ի՞նչ անելիք ունեն՝ Արցախի կարգավիճակի հարցն առաջ տանելու համար․ Լեռնիկ Յովհաննիսեանը կարծում է՝ առաջին հերթին պէտք է Արցախի օկուպացւած տարածքներում գտնւող մեր պատմամշակութային ժառանգութեան ճակատագրրով զբաղւեն, որովհետեւ Ադրբեջանն, ինչպէս գիտենք, սկսել է մշակութային էթնոցիդի քաղաքականութիւնը, եւ տարբեր եկեղեցիներ ձեւախեղելով, մի մասը ոչնչացնելով՝ ոչնչացնում է ոչ միայն մեր միջնադարեան պատմամշակութային ժառանգութիւնը, այլ նաեւ համեմատաբար նոր յուշարձանները թէ՛ Հայրենական մեծ պատերազմի, թէ՛ Արցախեան ազատամարտի զոհերին նւիրւած եւ թէ՛ նոր կառուցւած եկեղեցիները, բոլորը, ինչ այսօր մնացել է թշնամու կողմից վերահսկւող տարածքում։

«Սա շատ կարեւոր է եւ ԵԱՀԿ Մինսկի խումբն այստեղ անելիք ունի։ Արցախում մարդու իրաւունքների պաշտպանութեան տեսանկիւնից ՀՀ եւ Արցախի Հանրապետութեան Մարդու իրաւունքների գրասենեակները շատ արդիւնաւէտ են աշխատում այդ ուղղութեամբ՝ ի տարբերութիւն ՀՀ իշխանութիւնների թէ՛ Արցախի օկուպացւած տարածքների եւ թէ՛ ՀՀ այն սահմանամերձ գօտիների մասով, որոնք ապօրինաբար գրաււած են այսօր ադրբեջանական ուժերի կողմից։ ԵԱՀԿ Մինսկի խումբը պէտք է անպայման անդրադառնայ սրան, եւ կարգավիճակի հետ կապւած հարցերում էլ անպայման հաշւի առնի»,- ասաց Լեռնիկ Յովհաննիսեանը։

Անընդհատ խօսւում է ադրբեջանցի փախստականների վերադարձի մասին, նշեց նա, բայց հայ փախստականների մասին որեւէ խօսք չկայ, էլ չի խօսում 1988թ-ից գաղթած ամբողջ Հիւսիսային Արցախի եւ ընդհանուր ադրբեջանահայութեան՝ Բաքւից, Սումգայիթից գաղթած փախստականների հետ կապւած խնդիրների մասին։

 

Աննա Բալեան

 

Յարակից լուրեր

  • Ապրելու ձայնը
    Ապրելու ձայնը

    Երկուշաբթի, 27 յունիսէն շաբաթ, 2 յուլիս շաբթուան ընթացքին, Համազգայինի Ստեփանակերտի գրասենեակին կազմակերպութեամբ տեղի ունեցաւ մշակութային աննախընթաց փառատօն մը: Ստեփանակերտի ու Արցախի զանազան շրջաններուն մէջ, մասնաւորաբար վտանգուած սահմանամերձ գիւղերու մէջ, տեղի ունեցան գրական-գեղարուեստական հանդիպումներ, քննարկումներ, որոնց մասնակցեցան Արցախի մէջ ստեղծագործող գրողներ ու մտաւորականներ, ինչպէս նաեւ Հայաստանէն ու արտասահմանէն հրաւիրուած գրողներ ու արուեստագէտներ: Փառատօնը կը կրէր «Ապրելու ձայն» անունը եւ նուիրուած էր Արցախի մէջ գրական ստեղծագործութեան քաջալերանքին:

  • Ամերիկայի Հայ Դատի յանձնախումբը մանրամասներ է ներկայացրել Արցախում փաստահաւաք առաքելութիւնից
    Ամերիկայի Հայ Դատի յանձնախումբը մանրամասներ է ներկայացրել Արցախում փաստահաւաք առաքելութիւնից

    Ամերիկայի Հայ Դատի յանձնախմբի (ANCA) կառավարութեան հետ կապերի հարցերով տնօրէն Թերեզա Երիմեանը մանրամասներ է ներկայացրել Արցախում իր վերջին փաստահաւաք առաքելութիւնից: 

  • «Փորձ է արւում վերացնել արցախահայութեան ստեղծած պետականութիւնը». Վահրամ Բալայեան
    «Փորձ է արւում վերացնել արցախահայութեան ստեղծած պետականութիւնը». Վահրամ Բալայեան

    Արցախի Հանրապետութեան Ազգային Ժողովի արտաքին յարաբերութիւնների յանձնաժողովի նախագահ, ՀՅԴ խմբակցութեան անդամ Վահրամ Բալայեանի հետ «Ապառաժ»-ը զրուցել է յանձնաժողովի գործունէութեան, Արցախի հարցով ընթացող բանակցութիւնների ձեւաչափի, ընթացքի մասին:

  • Ալիեւը կը տապալի՞ Միշէլի միջնորդութիւնը. որտե՞ղ եւ ո՞ւմ միջնորդութեամբ են շարունակւելու Փաշինեան-Ալիեւ բանակցութիւնները
    Ալիեւը կը տապալի՞ Միշէլի միջնորդութիւնը. որտե՞ղ եւ ո՞ւմ միջնորդութեամբ են շարունակւելու Փաշինեան-Ալիեւ բանակցութիւնները

    Գնահատելով ռուս-ադրբեջանական շփումների մակարդակն ու որակը, բովանդակութիւնը, դրանց հնարաւոր ազդեցութիւնը ԼՂ հակամարտութեան կարգաւորման գործընթացի վրայ, 168.am-ի հետ զրոյցում ռուս քաղաքական վերլուծաբան Ալեքսանդր Սկակովն ասաց, որ ականատես ենք տարածաշրջանում աշխարհաքաղաքականութեամբ պայմանաւորւած բարդ եւ ճկուն դիւանագիտական խաղի:

  • Պատերազմի շեփոր` խաղաղութեան նոտաներով
    Պատերազմի շեփոր` խաղաղութեան նոտաներով

    Այո՛, խաղաղութիւնը ցանկալի կացութիւն է յատկապէս յետպատերազմեան ժամանակաշրջանում: Պատերազմի հետեւանքով յատկապէս պարտւած կողմը կրում է ծանր կորուստներ, իսկ հանրութիւնը հոգեբանօրէն եւ ֆիզիկապէս պատրաստ չէ կրկին ապրել այդ ծանրութիւնը եւ ամէն կերպով փորձում է կառչել խաղաղութիւնից: Անառարկելի փաստ է, որ խաղաղութիւնը կարող է նպաստել երկրի բարեկեցութեանը, զարգացմանը եւ բարգաւաճմանը: Խաղաղութեան եւ համերաշխութեան են ձգտում համամարդկային գաղափարներն ու բոլոր ազգային համախմբումները: 

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։