Հա

Քաղաքական

03/10/2021 - 10:30

Արցախն ապրում է

44-օրեայ պատերազմի տարելիցին Արցախում, Հայաստանում եւ Սփիւռքում իրականացւեցին յիշատակի եւ բողոքի մի շարք միջոցառումներ:

Ի յիշատակ Արցախեան 44-օրեայ պատերազմում նահատակւած նւիրեալների՝ սեպտեմբերի 26-ին Ստեփանակերտում տեղի է ունեցել «Արցախն ապրում է» խորագիրը կրող ջահերթ, որին մասնակցել են հազարաւոր արցախցիներ:

44-օրեայ պատերազմի տարելիցին Արցախում, Հայաստանում եւ Սփիւռքում իրականացւեցին յիշատակի եւ բողոքի մի շարք միջոցառումներ:

Ի յիշատակ Արցախեան 44-օրեայ պատերազմում նահատակւած նւիրեալների՝ սեպտեմբերի 26-ին Ստեփանակերտում տեղի է ունեցել «Արցախն ապրում է» խորագիրը կրող ջահերթ, որին մասնակցել են հազարաւոր արցախցիներ:

Երթին են միացել «Հայաստան», «Սփիւռք», «Հադրութ», «Շուշի», «Քաշաթաղ», «Շահումեան», «Քարվաճառ» թեւերը։ Երթն ամփոփւել է Ստեփանակերտի յուշահամալիրում, որտեղ մասնակիցներին դիմաւորել են քահանան, զինւորը եւ յղի կինը, ովքեր խորհրդանշում են հաւատը, ուժը եւ կեանքը։ Նրանք էլ միացել են երթին:

Սեպտեմբերի 26-ին Երեւանի Գարեգին Նժդեհի հրապարակից Սուրբ խաչի եւ պետականութիւնը խորհրդանշող դրօշների առաջնորդութեամբ մեկնարկեց «Հայաստան» դաշինքի կազմակերպած ջահերով երթը դէպի Եռաբլուր զինւորական պանթէոն՝ ի յիշատակ 44-օրեայ պատերազմի նահատակների։

Երթին մասնակցում էր ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարեանը, «Հայաստան» խմբակցութեան ղեկավար Սէյրան Օհանեանը, ՀՅԴ Հայաստանի ԳՄ ներկայացուցիչ, ԱԺ փոխնախագահ Իշխան Սաղաթելեանը, խմբակցութեան պատգամաւորները, ԱԺ ընդդիմադիր խմբակցութիւնների անդամներ, քաղաքական ուժերի ներկայացուցիչներ, հասարակական գործիչներ: Երթին միացել էին բազմահազար քաղաքացիներ։

Սեպտեմբերի 27-ին ի յիշատակ 44-օրեայ պատերազմի զոհերի՝ Ստեփանակերտի Սուրբ Աստւածածնի Հովանու Մայր տաճարում կատարւել է հոգեհանգստեան արարողութիւն, ժամը 11-ին Հայաստանում եւ Արցախում յայտարարւել էր լռութեան րոպէ, որից յետոյ կայացել է քայլերթ դէպի Ստեփանակերտի քաղաքային յուշահամալիր:

Յիշատակի միջոցառումներ եւ բողոքի ցոյցեր են անցկացւել նաեւ Սփիւռքի մի շարք գաղթօջախներում՝ ՀՅԴ երիտասարդական եւ ուսանողական միութիւնների կողմից:
Սեպտեմբերի 26-ին Փարիզում հայ համայնքի ներկայացուցիչները բողոքի ակցիա են կազմակերպել Ադրբեջանի դեսպանատան դիմաց՝ պահանջելով անյապաղ ազատ արձակել բոլոր հայ գերիներին:

ՀՅԴ Լիբանանի երիտասարդական եւ Զաւարեան ուսանողական միութիւնների նախաձեռնութեամբ՝ սեպտեմբերի 26-ին Անթիլիասի մայրավանքի մօտ տեղի է ունեցել Արցախեան պատերազմի նահատակների յիշատակին նւիրւած «Միշտ ձեր կողքին» խորագիրը կրող առցանց ձեռնարկ:

Սեպտեմբերի 27-ին Լիբանանում Ադրբեջանի դեսպանատան դիմաց տեղի է ունեցել բողոքի խաղաղ ցոյց` լիբանանահայ երիտասարդների եւ ուսանողների նախաձեռնութեամբ:

Ցոյցի ընթացքում դատապարտող կարգախօսներ են ուղղւել Ադրբեջանի եւ իր հովանաւոր Թուրքիայի գործած պատերազմական ոճիրների եւ մարդկային իրաւունքների ոտնահարման դէմ:

Սեպտեմբերի 27-ին Վաշինգտոնի հայ համայնքը բողոքի ցոյց է կազմակերպել Ադրբեջանի դեսպանատան դիմաց եւ պահանջել հայ գերիներին անյապաղ ազատ արձակել, պատժել Թուրքիային եւ Ադրբեջանին ռազմական յանցագործութիւնների համար։

Սեպտեմբերի 27-ին ՀՅԴ Յու­նաս­տա­նի ե­րի­տա­սար­դա­կան միու­թեան կազմա­կեր­պու­թեամբ Ա­թեն­քում եւ ­Թե­սա­ղո­նի­կէում յու­նա­հա­յու­թիւ­նը իր բո­ղո­քի ար­դար ձայ­նն է բարձ­րա­ցրել ընդ­դէմ թուր­ք-ադր­բեջա­նա­կան յարձակո­ղա­կա­նու­թեան, ի­րա­գոր­ծե­լ բո­ղո­քի ցոյց Ա­թեն­քում՝ Ադրբեջանի դես­պա­նա­տան դիմաց եւ յար­գան­քի հա­ւաք ­Թե­սա­ղո­նի­կէում՝ «Ս. Աստւածածին» ե­կե­ղեց­ու դիմաց։

Սեպտեմբերի 27-ին Ուրուգւայի մայրաքաղաք Մոնտէվիդէոյում հայ համայնքի ներկայացուցիչները բողոքի ցոյց են կազմակերպել «ժողովրդավարութեան» հրապարակում՝ ընդդէմ Թուրքիայի եւ Ադրբեջանի յարձակողական գործողութիւնների, հայկական մշակութային կոթողների ոչնչացման, ինչպէս նաեւ՝ պահանջել ազատ արձակել հայ ռազմագերիներին:

Աւստրալահայ մի խումբ դաշնակցական երիտասարդներ տարբեր շրջաններով քայլել են հայ ռազմագերիների նկարներով եւ դրանք փակցրել հանրային վայրերում, ինչպէս նաեւ տեղադրել QR-կոդով ինֆորմացիոն պաստառներ:

Աշխարհի 12 երկրներից ՀՅԴ երիտասարդական եւ ուսանողական շուրջ 16 միութիւններ իրենց աջակցութիւնն են յայտնել Արցախին:

 

«Ապառաժ»

 

Յարակից լուրեր

  • Մոսկւա՞, թէ՞ Բրիւսէլ
    Մոսկւա՞, թէ՞ Բրիւսէլ

    Արցախեան հակամարտութեան կարգավորման գործընթացը կարեւոր հանգրւանի է մօտեցել, եւ կայ իրական վտանգ, որ խնդիրը կարող է լուծւել ամբողջութեամբ յօգուտ Ադրբեջանի։ Այս մասին է վկայում թէկուզ միայն այն փաստը, որ ՀՀ իշխանութիւններն անընդունելի ոչինչ չեն տեսնում Ադրբեջանի առաջ քաշած յայտնի հինգ առաջարկներում, որոնք պէտք է ընկած լինեն բանակցային գործընթացի հիմքում։

  • Որպէսզի չկրկնուի «ՄԵ՜ՂՔ» աւաղումը
    Որպէսզի չկրկնուի «ՄԵ՜ՂՔ» աւաղումը

    Ինչ որ ալ ըլլան պայմանները եւ ինչպէս որ ալ դիտուին, վերլուծուին, քննադատուին կամ գնահատուին Շուշիի ազատագրման 30-ամեակի ձեռնարկներն ու հաւաքները, պարզապէս կարելի է ամենայն ցասումով, ընդվզումով եւ սրտի խորքէն բխած վրդովումով՝ մէկ բառով եզրակացնել. ՄԵ՜ՂՔ…։

  • «Դրօշակ»-ի առաջնորդող. Խաղաղութիւնը մուրալ, թէ՞ նւաճել
    «Դրօշակ»-ի առաջնորդող. Խաղաղութիւնը մուրալ, թէ՞ նւաճել

    Հայոց պետականութեան վերականգնման՝ մայիսի 28-ով թւագրւող տօնը այս օրերին մղում է խորհելու պետութեան ու պետականութեան գաղափարի շուրջ։ Ընդհանուր հասկացողութեամբ պետութիւնը որոշակի տարածքի վրայ ապրող ժողովրդի վարչաքաղաքական կազմակերպութիւնն է, նրա բանակն ու ոստիկանութիւնը, պետականութեան խորհրդանիշները եւ այլն։

  • Ա.Մ.Ն. Արեւելեան Շրջանը կանգնած է Արցախի կողքին
    Ա.Մ.Ն. Արեւելեան Շրջանը կանգնած է Արցախի կողքին

    Մայիս 5-ին, Ա.Մ.Ն. Արեւելեան Թեմի Առաջնորդարանը, Հայ Յեղափոխական Դաշնակցութեան Արեւելեան Ա.Մ.Ն. -ի Կեդրոնական Կոմիտէն, Հայ Երիտասարդական Դաշնակցութիւնը, Հայ Դատի յանձնախումբը, Հայ Օգնութեան Միութեան, Հայ Մարմնակրթական Ընդհանուր Միութեան եւ Համազգայինի Հայ Կրթական-Մշակութային Միութեան շրջանային վարչութիւնները միասնաբար յայտարարութիւն մը լոյս ընծայեցին անգլերէն լեզուով, տեղեկացնելով, թէ շարունակ թիկունք կը կանգնին Արցախին:

  • «Նիկոլ Փաշինեանի պոպուլիզմը չէր կարող չկործանել Արցախը»․ Հրանտ Բագրատեան
    «Նիկոլ Փաշինեանի պոպուլիզմը չէր կարող չկործանել Արցախը»․ Հրանտ Բագրատեան

    Նիկոլ Փաշինեանի պոպուլիզմը չէր կարող չկործանել Արցախը: Այս մասին ֆէյսբուքեան իր էջում գրում է Հայաստանի նախկին վարչապետ Հրանտ Բագրատեանը:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։