Հա

Քաղաքական

12/10/2021 - 13:10

«Նիկոլ Փաշինեանը երաշխիք չի տալիս, որ Քաշաթաղի եւ Շուշիի շրջանի գիւղերը որեւէ կարգավիճակով չեն յայտնւի Ադրբեջանի վերահսկողութեան տակ». Տիգրան Աբրահամեան

ԱԺ «Պատիւ ունեմ» խմբակցութեան անդամ Տիգրան Աբրահամեանը ֆէյսբուքեան էջում գրել է․

«alikonline.ir» - ԱԺ «Պատիւ ունեմ» խմբակցութեան անդամ Տիգրան Աբրահամեանը ֆէյսբուքեան էջում գրել է․

«Սեպտեմբերի 15-ին, ԱԺ-ում կառավարութեան հետ հարցուպատասխանի ժամանակ հարց էի ուղղել Նիկոլ Փաշինեանին ճշգրտելու, թէ արդեօ՞ք երաշխաւորում է, որ նոյեմբերի 9-ի եռակողմ յայտարարութեան դրոյթների իրականացման շրջանակներում՝ Արցախը Հայաստանին կապող նոր ճանապարհի այնպիսի երթուղի չի հաստատւի, որի պայմաններում Քաշաթաղի շրջանի Բերձոր քաղաքը, Սուս եւ Աղաւնոյ գիւղերը, ինչպէս նաեւ՝ Շուշիի շրջանի Լիսագոր, Եղծահող, Հին շէն, Մեծ շէն, Կանաչ Թալա, Տասը վերստ գիւղերը որեւէ կարգավիճակով չեն յայտնւի Ադրբեջանի վերահսկողութեան տակ։

Այդ օրը Փաշինեանը խուսափեց յստակ պատասխանից՝ պատճառաբանելով, թէ ձեռքի տակ քարտէզ չկայ, իսկ իմ կողմից նշւած համայնքների մասին նշումներ չի հասցրել անել։

Դրանից անմիջապէս յետոյ, սեպտեմբերի 24-ին, գրութեամբ շարադրել եմ հարցն ու ուղարկել Փաշինեանին, որտեղ յստակ ձեւակերպւած էր հարցն ու կոնկրետ բնակավայրերը։

Գրութեանս պատասխանը ստացւել է այսօր, բայց ոչ թէ Փաշինեանից, այլ ԱԳ նախարարի տեղակալ Վահէ Գէորգեանից, ով միայն նշել է, որ «նոյեմբերի 9-ի եռակողմ յայտարարութեան 6-րդ կէտի 2-րդ ենթակէտի շուրջ բանակցութիւններ չեն ընթացել»։

Ուշադրութիւն դարձրէք այն հանգամանքին, որ իմ պահանջն էր ստանալ երաշխիք, հաւաստիացում, որ եռակողմ յայտարարութեան դրոյթների իրականացման արդիւնքում՝ ՀՀ-ն Արցախի Հանրապետութեանը կապող ճանապարհի փոփոխութեան արդիւնքում թւարկածս քաղաքն ու գիւղերը որեւէ կարգավիճակով ադրբեջանական վերահսկողութեան տակ չեն անցնի, սակայն Նիկոլ Փաշինեանը նման երաշխիք չի տալիս, միայն նշում է, որ դեռ չեն բանակցել։

Ստացւում է, որ իշխանութիւնը կամ արդէն պայմանաւորւել է այդ տարածքների կամ դրա մի մասի յանձնման հետ, կա՛մ չունի վստահութիւն, որ հետագայ բանակցութիւններում կարողանալու է այդ համայնքների շուրջ արդիւնաւէտ բանակցութիւններ վարել՝ դրանք պահել հայկական վերահսկողութեան ներքոյ»։

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։