Հա

Քաղաքական

27/10/2021 - 13:20

«Փրկել մեր Հայրենիքը արտաքին եւ ներքին թշնամու յարձակումներից». Սէյրան Օհանեան

22 տարի է անցել 1999թ. հոկտեմբերի 27-ին Հայաստանի Ազգային ժողովում տեղի ունեցած ոճրագործութիւնից: Այս մասին ֆէյսբուքեան իր էջում գրել է ԱԺ «Հայաստան» խմբակցութեան պատգամաւոր, պաշտպանութեան նախկին նախարար Սէյրան Օհանեանը:

«alikonline.ir» - 22 տարի է անցել 1999թ. հոկտեմբերի 27-ին Հայաստանի Ազգային ժողովում տեղի ունեցած ոճրագործութիւնից: Այս մասին ֆէյսբուքեան իր էջում գրել է ԱԺ «Հայաստան» խմբակցութեան պատգամաւոր, պաշտպանութեան նախկին նախարար Սէյրան Օհանեանը:

Նա, մասնաւորապէս, նշել է. «Այդ ահաբեկչական գործողութիւնն ընդհատեց Հայաստանի նորագոյն պատմութեան ամենաազդեցիկ, հեղինակաւոր ռազմաքաղաքական գործիչների կեանքն ու ազգանւէր գործունէութիւնը եւ ուղղւած էր ոչ միայն անձնապէս նրանց դէմ, այլեւ հարւած էր մեր պետութեան կայունութեանն ու հեղինակութեանը եւ նպատակ ունէր փոխելու քաղաքական ուժերի յարաբերութիւնը:

Սակայն մեր ժողովուրդը, որ ընդամէնը տարիներ առաջ կարողացել էր փառահեղ յաղթանակ տոնել՝ բանակ եւ պետութիւն կառուցելով, խաղաղութիւն պարտադրելով հակառակորդին, այդ մարտահրաւէրը դիմակայեց նոյնքան իմաստուն եւ ուժեղ՝ շտկելով իր մէջքը եւ թոյլ չտալով, որ այդ ողբերգութիւնը խարխլի մեր անկախութեան, ինքնիշխանութեան հիմքերը:

Այսօր մենք կանգնած ենք ոչ պակաս վտանգաւոր մարտահրաւէրների առջեւ: «Թուրքական» բացայայտ նկրտումները Արցախի եւ Հայաստանի ինքնիշխան տարածքի նկատմամբ նորից սպառնալիք են դարձել մեր պետութեան դէմ:

Եւ մէկ ճանապարհ, ընտրութիւն ունենք. մեր գէնի զօրութեանը հաւատալով, մեր բազկի ուժին ապաւինելով՝ Ազգային դիմադրութիւն ձեւաւորել եւ վերականգնելով արժանապատիւ յարաբերութիւնները ռազմավարական դաշնակիցների հետ՝ փրկել մեր Հայրենիքը արտաքին եւ ներքին թշնամու յարձակումներից»։

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։