Հա

Քաղաքական

18/11/2021 - 12:20

«Եթէ ցանկանում ենք արժանապատիւ խաղաղութեան հասնել, պէտք է վերանւաճենք դրա իրաւունքը». Չալաբեան

Հասարակական, քաղաքական գործիչ Աւետիք Չալաբեանը ֆէյսբուքեան իր էջում գրում է.

«Անցած մի քանի օրերի իրադարձութիւնները, եւ մանաւանդ նոյեմբերի 16-ի դաժան մարտերը Սիսիանի արեւելքում, սառը ցնցուղ էին մեր հասարակութեան համար, որը Արցախում արիւնալի պատերազմից մէկ տարի անց, յոյս էր փայփայում, որ վերջապէս յարաբերական խաղաղութիւն է հաստատւել մեր երկրի սահմաններում, եւ կարելի է վերադառնալ առօրեայ կեանքին։

«alikonline.ir» - Հասարակական, քաղաքական գործիչ Աւետիք Չալաբեանը ֆէյսբուքեան իր էջում գրում է.

«Անցած մի քանի օրերի իրադարձութիւնները, եւ մանաւանդ նոյեմբերի 16-ի դաժան մարտերը Սիսիանի արեւելքում, սառը ցնցուղ էին մեր հասարակութեան համար, որը Արցախում արիւնալի պատերազմից մէկ տարի անց, յոյս էր փայփայում, որ վերջապէս յարաբերական խաղաղութիւն է հաստատւել մեր երկրի սահմաններում, եւ կարելի է վերադառնալ առօրեայ կեանքին։

Կարելի է երկար վերլուծել տեղի ունեցածի խորքային պատճառները, բայց մեծ հաշւով այն յանգում է մի քանի պարզ գործօնի, որոնք անցած մէկ տարւայ ընթացքում որեւէ էական փոփոխութիւն չեն կրել՝

ա) Թուրքիան եւ Ադրբեջանը, անսպասելի մեծ յաջողութեան հասնելով Արցախեան պատերազմում, ամէն գնով փորձում են զարգացնել այն, եւ առաւելագոյնը պոկել ընկճւած եւ թուլացած Հայաստանից,

բ) Հայաստանի հիմնական ռազմավարական գործընկերը՝ Ռուսաստանը, միաժամանակ Թուրքիայի եւ Ադրբեջանի գործընկերն է, եւ ամէն գնով խուսափել եւ խուսափելու է բացայայտ կողմ ստանձնել այս հակամարտութեան մէջ, ելնելով իր իսկ պետական եւ ներքին խմբային շահերից,

գ) մնացած տէրութիւնները, թերեւս բացառութեամբ Իրանի, պատրաստ չեն անմիջականօրէն ներգրաււել հայ-թուրքական հակամարտութեան մէջ, եւ սահմանափակւելու են «մտահոգութիւն յայտնելով», իսկ հնարաւոր աջակցութիւնն էլ լինելու է ուշացած եւ փաստացի անօգուտ,

դ) Հայաստանի գործող իշխանութիւնը, ձախողելով Արցախեան պատերազմը, շարունակում է ձախողել արդէն Սիւնիքի պաշտպանութիւնը, իր գործողութիւններով եւ անգործութեամբ այն աւելի եւ աւելի խոցելի դարձնելով թշնամու առաջ։

Այս ամենի արդիւնքում. վերջին մի քանի ամիսների ընթացքում, Սիւնիքում անվտանգային իրավիճակը կտրուկ վատացել է, թշնամու սողացող էքսպանսիայի, եւ Հայաստանի գործող իշխանութեան շարունակական թողտւութեան պատճառով։ Այն պայմաններում, երբ Սոդքից մինչեւ Մեղրի թշնամու հետ շփման գիծը փաստացի անպաշտպան է, առաջնագծում ամրաշինութեան, զօրամասերի ամրապնդման, բանակի բարոյական ոգին վերականգնելու փոխարէն իշխանութիւնը զբաղւած է Երեւանի կենտրոնում շների համար զբօսայգի սարքելով, մայթերի սալայատակը փոխելով, եւ խաղաղութեան մասին անվերջանալի բարոյալքող քարոզով։

Պատահական չի, որ թշնամին, որն իր տարբերութիւն մեզ, զբաղւած է նոր պատերազմի պատրաստւելով, զօրավարժութիւններով, ամրաշինութեամբ, եւ նաեւ հայերի նկատմամբ ատելութեան անթաքոյց քարոզով, այս ընթացքում պարբերաբար օգտւում է առիթից՝ հնարաւոր բոլոր կէտերում առաջ գալու, իր դիրքերը (եւ տարածքային եւ բանակցային) ամրապնդելու, եւ մեզ ի վերջոյ բացարձակ անընդունելի զիջումներ պարտադրելու համար։

Այս ամենի ֆոնին, նոյեմբերի 16-ի ռազմական գործողութիւնները անսպասելի անակընկալ էին բոլորի համար։ Թշնամին, որը արդէն կարծես սովոր էր նրան, որ կարելի է անարգել առաջ գալ եւ անարիւն վերցնել հայկական դիրքերը, բախւել է Ծիծեռնաքարի հատւածում մեր բանակի յամառ դիմադրութեանը, եւ մեծ կորուստներ կրել՝ արդիւնքում մեր զինւած ուժերը կարողացել են երկրորդ գծում կանգնեցնել նրա յարձակումը։ Թէեւ մեր կողմից կորուստները եւս զգալի են, այս արիւնալի միջադէպը մի պարզ հետեւութեան է բերում՝ թշնամու սողացող էքսպանսիան հնարաւոր է կանգնեցնել միայն ուժով, նրա լկտիութեանը եւ սանձարձակութեանը հայկական միասնական բռունցք հակադրելով։

Այսօր, աւելի քան երբեւէ, մենք պէտք է գիտակցենք, որ գործող իշխանութիւնների «խաղաղութեան» քարոզը եւ կրաւորական կեցւածքը թշնամու նկատմամբ բերել եւ բերելու է շարունակական կորուստների, մինչեւ մենք կորցնենք մեր ողջ երկիրը, եւ ստիպւած լինենք հեռանալ այնտեղից՝ նորից թուրքի լծի տակ չապրելու համար։ Եթէ մենք ցանկանում ենք իրական եւ արժանապատիւ խաղաղութեան հասնել, մենք պէտք է վերանւաճենք դրա իրաւունքը, վերանւաճենք յարգանքը մեր նկատմամբ, թշնամին նորից պէտք է վախենայ հայի ուժից։ Մեր բանակը նոյեմբերի 16-ին ցոյց տւեց, որ դա հնարաւոր է՝ մեր զինւորները զոհւել, բայց չեն նահանջել, կռւով ջարդ են տւել թշնամուն, եւ իրենց պաշտպանած հատւածում, վերանւաճել են մեր արժանապատիւ եւ խաղաղ ապրելու իրաւունքը։

Իրենց սխրանքի եւ անմար յիշատակի առաջ, մենք պարտաւոր են թօթափել այս պարտւողական թմբիրը, եւ ազգովի լծւել մեր երկրի պաշտպանութեան գործին։ Կը լինի դա զինւորագրւել բանակին կամ աշխարհազօրին, ամրապնդել մեր պաշտպանական բնագծերը, նոր սպառազինութիւն ստեղծել, հոգ տանել տուժածների մասին, թէ ցանկացած այլ գործ, որը կամրապնդի մեր ռազմական կարողութիւնները եւ մարտական ոգին, այսօր դրա ժամանակն է։ Եթէ մենք նորից դառնանք մէկ բռունցք, միասնական պայքարենք մեր բնական իրաւունքերի համար՝ մեր երկրի, մեր հող ու ջրի, մեր ազատութեան, թէ թշնամին, թէ դաշնակիցը ստիպւած կը լինեն հաշւի նստել դրա հետ, եւ մեր հետ այլեւս չեն կարող խօսել՝ ինչպէս պարտւածի եւ խեղճի։

Մենք «Արար» հիմնադրամով դա անում ենք շարունակաբար, առանց ուշադրութիւն դարձնելու «խաղաղասիրական» կեղծ քարոզին, եւ այսօրւանից ի վեր, ոգեւորւած մեր զինւորների մարտական սխրանքով, կանենք էլ աւելին՝ հնարաւորն ու անհնարինը, վերականգնելու մեր մարտական ոգին, մեր նկատմամբ յարգանքը, եւ մեր արժանապատիւ կեանքի իրաւունքը։ Դուք էլ իւրաքանչիւրդ ձեզ հարց տւէք՝ ինչ էք դուք անձամբ անում, որպէսզի մենք միասին ոտքի կանգնենք այս խեղճացած վիճակից, նորից արժանի դառնանք մեր հող ու ջրին, մեր սուրբ հայրենիքին՝ եւ մի վարանէք ձեր կատարած իրական գործով նւաճել խաղաղ ու արժանապատիւ կեանքով հարազատ երկրում ապրելու իրաւունքը։ Մինչ այդ, խոնարհում եմ գլուխս մեր հերոս նահատակների առաջ՝ փառք նրանց եւ յաւերժ յիշատակ»։

 

Յարակից լուրեր

  • Ամէն փոփոխութիւն անպայման աւելի լաւին չ՛առաջնորդեր
    Ամէն փոփոխութիւն անպայման աւելի լաւին չ՛առաջնորդեր

    Երկար ժամանակէ ի վեր չենք խօսած Լիբանանի մէջ տիրող կացութեան մասին: Ի՞նչ խօսէինք. անվերջ արժեզրկուող դրամանիշի, անոր հետեւանք` գիներու յարատեւ բարձրացման, աղքատութեան շատացման, յոռետեսութեան ու անելանելիութեան զգացումին տարածման պայմաններուն մէջ դժուար էր կատարուածը հասկնալ ու վերլուծումի փորձ կատարել: Պետական ղեկավարներու կողմէ կացութիւնը հակակշռելու նախաձեռնութիւններ ալ չկային, ու բոլորս անկարող ականատեսներ դարձած էինք պետական մեքենային ամլացման:

  • Ակնարկ. Համահայկակա՛ն ցունամիի մը հրամայականը
    Ակնարկ. Համահայկակա՛ն ցունամիի մը հրամայականը

    Աշխարհի մեծ իրադարձութիւններէն մեկուսի ինկած արշիպեղագոսի մը մէջ, որ կը կոչուի Թոնկա, 14 եւ 15 յունուարին տեղի ունեցաւ բնական աղէտ մը, որ ահազանգի ալիքներ տարածեց մինչեւ հազարաւոր քիլոմեթ» հեռուները գտնուող ծովափերուն: Ընդծովեայ հրաբուխ մը, որ յաճախ «մանր» բորբոքումներ ունեցած է անցեալ տարիներուն, պայթեցաւ այնպիսի ուժգնութեամբ մը, որուն պատճառով ստեղծուած ցունամիի ալիքները հասան մէկ կողմէ մինչեւ Ճափոն ու Չինաստան, իսկ դէպի արեւելք` Միացեալ Նահանգներու ու Խաղաղականը եզերող երկիրներու ափերը:

  • «Թուրքիան կը դառնա՞յ Հայաստանի «մեծ եղբայրը»». Regnum
    «Թուրքիան կը դառնա՞յ Հայաստանի «մեծ եղբայրը»». Regnum

    Հետեւելով Հայ Կաթողիկէ պատրիարք Ռաֆայէլ Պետրոս 21-րդին օրինակին, որն անցեալ տարւայ դեկտեմբերի կէսերին մեկնաբանել է Հայաստանի եւ Թուրքիայի միջեւ յարաբերութիւնները վերականգնելու նախաձեռնութիւնը, օրերս իրենց խօսքն են ասել Կոստանդնուպոլսի Հայ Առաքելական Եկեղեցու պատրիարք Սահակ Մաշալեանը եւ համայնքի ներկայացուցիչները։

  • ՀԴԲ-ն խուզարկել է Ադրբեջանի հետ կապւած կոնգրեսականի տունը, Ադրբեջանի դեսպանը «մէկ քայլ առաջ» լքել է Վաշինգտոնը
    ՀԴԲ-ն խուզարկել է Ադրբեջանի հետ կապւած կոնգրեսականի տունը, Ադրբեջանի դեսպանը «մէկ քայլ առաջ» լքել է Վաշինգտոնը

    ԱՄՆ Հետաքննութիւնների դաշնային բիւրոն (ՀԴԲ-FBI) խուզարկել է դեմոկրատ կոնգրեսական Հենրի Կուէլարի՝ Տեխաս նահանգում գտնւող բնակարանը դաշնային լայնածաւալ հետաքննութեան մի գործով, որի հետքերը տանում են դէպի Ադրբեջան եւ կապված են նաեւ ամերիկացի որոշ գործարարների հետ: «Արմենպրես»-ի հաղորդմամբ՝ այդ մասին յայտնում է ամերիկեան ABC News-ը՝ յղում անելով իր աղբիւրներին:
    Ըստ ABC News-ի՝ գործը հետաքննում է Վաշինգտոնի բարձրաստիճան դատախազը, բայց պարզ չէ՝ արդեօք հէնց Կուէլարն է Ադրբեջանի եւ ամերիկացի գործարար շրջանակների հետ առնչւող դաշնային հետաքննութեան հիմնական թիրախը:

  • «Հայաստան-Թուրքիա յարաբերութիւնների կարգաւորումը ՀՀ իշխանութեան մենաշնորհը չէ». ՀՅԴ Շւեդիայի կոմիտեութիւն
    «Հայաստան-Թուրքիա յարաբերութիւնների կարգաւորումը ՀՀ իշխանութեան մենաշնորհը չէ». ՀՅԴ Շւեդիայի կոմիտեութիւն

    Ականատես ենք ՀՀ կառավարութեան ներքին եւ արտաքին պետականակործան քաղաքականութեանը եւ դրանից բխող Արցախի Հանրապետութեան ինքնիշխանութեան ու ապագային սպառնացող վտանգներին ու մարտահրաւէրներին: Այս մասին յայտարարութիւն է տարածել ՀՅԴ Շւեդիայի կոմիտէն:

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։