Հա

Քաղաքական

22/11/2021 - 13:10

Արթուր Խաչատրեանն ու Գեղամ Մանուկեանն այցելել են ոստիկանութեան բաժիններ

ՀՀ ԱԺ «Հայաստան» խմբակցութեան պատգամաւորներն այցելել են ՀՀ ոստիկանութեան Երեւան քաղաքի վարչութեան բաժիններ՝ աջակցելու այսօր՝ առաւօտեան բերման ենթարկւած քաղաքացիների:

«alikonline.ir» - ՀՀ ԱԺ «Հայաստան» խմբակցութեան պատգամաւորներն այցելել են ՀՀ ոստիկանութեան Երեւան քաղաքի վարչութեան բաժիններ՝ աջակցելու այսօր՝ առաւօտեան բերման ենթարկւած քաղաքացիների. հաղորդում է Yerkir.am-ը:

Յիշեցնենք՝ քաղաքացիները վաղ առաւօտեան փակել են Երեւանի մի շարք գլխաւոր փողոցներ։ Նրանք վարչապետ Փաշինեանին են ներկայացրել կարեւոր պահանջներ, որոնք չկատարելու դէպքում խոստանում են շարունակել եւ առաւել զանգւածային անհնազանդութեան վերածել իշխանութիւնների դէմ ուղղւած իրենց գործողութիւնները։

Բողոքի ակցիայի վայր ժամանած ոստիկանութեան յատուկ նշանակութեան գումարտակի (կարմիր բերետաւորների) ներկայացուցիչները բիրտ ուժի կիրառմամբ ոստիկանութեան տարբեր բաժիններ են տարել 18 քաղաքացու, այդ թւում՝ նախկին պատգամաւոր Սոֆիա Յովսէփեանին, աշխարհահռչակ բռնցքամարտի Իսրայէլ Յակոբկոխեանին եւ այլոց:

Աւելի ուշ, Արթուր Խաչատրեանն իր ֆէյսբուքեան էջում գրել է. «Հէնց նոր դուրս եկայ ոստիկանութեան Նոր Նորքի բաժնից, ուր բերել էին այսօր Մյեասնիկեան պողոտայի վրայ հայրենիքի կործանման դէմ ցոյց անող մեր վեց հայրենակիցների:

Ձերբակալւածներից մէկին ազատ էին արձակել, չորսը բողոք չունէին, մէկի նկատմամբ կարմիր բերետաւորները բռնի, անհամաչափ ուժ էին կիրառել:

Ռեժիմը պէտք է հասկանայ, որ ոստիկանական բռնաճմշումներով հայ ժողովրդի պայքարի ոգին կոտրել հնարաւոր չէ»:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։