Հա

Քաղաքական

05/12/2021 - 12:50

«Այլընտրանքային ճանապարհը լուծում չէ, քանի որ ապահովւած չէ մարդկանց անվտանգութիւնը». Արման Թաթոյեան

Այլընտրանքային ճանապարհը լուծում չէ, քանի որ ապահովւած չէ մարդկանց անվտանգութիւնը. ադրբեջանական զինւած ծառայողները շարունակում են դիտարկման ներքոյ պահել քաղաքացիական բնակիչներին, տները: Այս մասին ասւում է ՀՀ ՄԻՊ յայտարարութիւնում:

«alikonline.ir» - Այլընտրանքային ճանապարհը լուծում չէ, քանի որ ապահովւած չէ մարդկանց անվտանգութիւնը. ադրբեջանական զինւած ծառայողները շարունակում են դիտարկման ներքոյ պահել քաղաքացիական բնակիչներին, տները: Այս մասին ասւում է ՀՀ ՄԻՊ յայտարարութիւնում:

«Այլընտրանքային ճանապարհը լուծում չէ, քանի որ ապահովւած չէ մարդկանց անվտանգութիւնը. ադրբեջանական զինւած ծառայողները շարունակում են դիտարկման ներքոյ պահել քաղաքացիական բնակիչներին, տները: Դիտաւորութեամբ զրկանքներ են պատճառում մարդկանց:

Պէտք է ճիշտ ախտորոշել խնդիր առաջացնող պատճառը, որպէսզի արդիւնաւէտ պայքարենք խնդիրների դէմ:

Ադրբեջանական զինւած ծառայողները յանցաւոր պահւածքով ամէն օր ոտնահարւում են մեր երկրի սահմանային բնակավայրերում ապրող պարզ, սովորական մարդկանց իրաւունքները:

Ուստի, նրանք պէտք է հեռանան մեր գիւղերի, շատ դէպքերում մարդկանց տների մօտից ու ճանապարհերից, պէտք է լինի ապառազմականացւած անվտանգութեան գօտի:

Սա չի նշանակում, թէ այդ կերպ միանգամից որոշում ենք ի՞նչ կամ ո՞ւմ տարածքն է: Դա կորոշւի հետագայում՝ դելիմատացիայի ու դեմարկացիայի արդիւնքում:

Պարզապէս պէտք է հրատապ վերականգնենք մարդկանց բնականոն, նորմալ կեանքը՝ առանց այդ կեանքը խաթարող տեխնիկայի ու զինւած ծառայողների, որ թոյլ չտանք ադրբեջանական հիմքեր չունեցող արարքների պատճառով մարդիկ շարունակեն զրկանքներ կրել: Ընդ որում, սա վերաբերում է նրանց բոլոր տեղակայումներին ու ոչ միայն մայիսեան ներխուժումներին:

Առաւել եւս՝ սա ամբողջութեամբ բխում է միջազգային (ԵԱՀԿ, ՄԱԿ եւ այլն) պահանջներից:

Հարկ ենք համարում յատուկ նշել, որ Պաշտպանի աշխատակազմն անձամբ է տեսել, թէ ինչպէս են համայնքային, մարզպետարանի մարմինները, ՀՀ ԱԱԾ Սահմանապահ զօրքերը, Ոստիկանութեան ծառայողները կամ պարզապէս յարակից համայնքների բնակիչներ ջանք ու եռանդ ներդնում՝ ճանապարհներն անցանելի դարձնելու, մարդկանց օգնելու համար:

Մարդկանց չարչարանքը միմիայն գնահատելի է, բայց, ինչպէս արդէն ասել եմ, հարցն այստեղ բոլորովին այլ է:

Յ.Գ.- Արձանագրւած ամէն անհատական գործով կաշխատենք պետական մարմինների հետ ու նաեւ միջազգային կառոյցներին ուղղւած յատուկ զեկոյցներով կը շարունակենք հիմնաւորել՝ ապառազմականացւած գօտու անհրաժեշտութիւնը»:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։