Հա

Քաղաքական

15/12/2021 - 12:40

«Մեր երկրներին կապում է սերտ բարեկամութիւնը, որի հիմքում պատմական եւ քաղաքակրթական ընդհանուր արժէքներն են».​ ՀՀ նախագահ Արմէն Սարգսեանը շնորհաւորական ուղերձ է յղել Իրանի նախագահ Էբրահիմ Ռէյիսիին

Հայաստանի Հանրապետութեան նախագահ Արմէն Սարգսեանը ծննդեան օրւայ առթիւ շնորհաւորական ուղերձ է յղել Իրանի Իսլամական Հանրապետութեան նախագահ Սէյէդ Էբրահիմ Ռէյիսիին:

«alikonline.ir» - Հայաստանի Հանրապետութեան նախագահ Արմէն Սարգսեանը ծննդեան օրւայ առթիւ շնորհաւորական ուղերձ է յղել Իրանի Իսլամական Հանրապետութեան նախագահ Սէյէդ Էբրահիմ Ռէյիսիին:

ՀՀ նախագահ Սարգսեանի ուղերձում մասնաւորապէս ասւում է.

«Ձերդ Գերազանցութիւն, Ջերմօրէն շնորհաւորում եւ լաւագոյն բարեմաղթանքներս եմ յղում Ձեզ ծննդեան օրւայ առթիւ:

Համոզւած եմ, որ Ձեր փորձառութեան եւ հմուտ կառավարման շնորհիւ մեր հարեւան եւ բարեկամ Իրանի Իսլամական Հանրապետութիւնը զգալի յաջողութիւններ կարձանագրի տնտեսութեան առաջընթացի եւ բարեկեցութեան ապահովման գործում:

Գոհունակութեամբ պէտք է նշեմ, որ Հայաստանն ու Իրանը հետեւողական են ձեւաւորւած միջպետական բազմաշերտ յարաբերութիւնների զարգացման հարցում:

Մեր երկրներին կապում է սերտ բարեկամութիւնը, որի հիմքում պատմական եւ քաղաքակրթական ընդհանուր արժէքներն են: Ողջունելի է, որ երկկողմ յարաբերութիւններն ընդլայնւում են տարբեր ոլորտներում` ի նպաստ մեր ժողովուրդների բարօրութեան:

Հայ-իրանական բարիդրացիական կապերն այսօր էլ առանձնանում են մեր ժողովուրդներին բնորոշ իւրայատուկ ջերմութեամբ, փոխադարձ վստահութեամբ եւ յարգանքով:

Հայաստանը կարեւորում է Իրանի հետ երկկողմ եւ բազմակողմ ձեւաչափերով համագործակցութիւնը, որը կարեւորագոյն պայման է մեր պետութիւնների բարգաւաճման ու տարածաշրջանի անվտանգութեան եւ կայունութեան ապահովման համար:

Լիայոյս եմ, որ մօտ ապագայում հնարաւորութիւն կունենանք հանդիպելու եւ զրուցելու տարածաշրջանային, միջազգային եւ երկկողմ գործակցութեանն առնչւող տարբեր հարցերի շուրջ, ինչը, անտարակոյս, կը նպաստի յարաբերութիւնների զարգացման դրական դինամիկային»:

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։