Հա

Քաղաքական

26/12/2021 - 11:50

«Այս թուրքական նախաձեռնութիւնը գրեթէ ոչ մի հնարաւորութիւն չունի կենսունակ եւ արդիւնաւէտ լինելու». Վարդան Ոսկանեան

Իրանագէտ Վարդան Ոսկանեանը ֆէյսբուքեան իր էջում գրում է.

«alikonline.ir» - Իրանագէտ Վարդան Ոսկանեանը ֆէյսբուքեան իր էջում գրում է.

«Հայաստանի Մեղրիի տարածաշրջանով «մայրցամաքային» Ադրբեջանը Նախիջեւանին ու Թուրքիային կապող երկաթուղու եւ այլ կապուղիների կառուցման ու գործարկման ծրագիրը, որն, ըստ էութեան, միտւած է նաեւ կեանքի կոչելու էրդողանական վարչակարգի համաթուրանական նկրտումները, յաճախ փորձ է կատարւում ներկայացնելու Արեւելք-Արեւմուտք տրանսպորտային հանգոյցի մաս դառնալու հրապուրիչ քողի տակ։

Իրականում այդ հանգոյցը ենթադրում է թուրքական կողմից նախաձեռնւած Չինաստանը Եւրոպային կապող Անդրկասպեան «Միջին միջանցքի» գաղափարը, որը հանդէս է գալիս որպէս այլընտրանք, համապատասխանաբար, Ռուսատանի եւ Իրանի տարածքներով անցնող «Հիւսիսային» եւ «Հարաւային միջանցքների»։

Խնդիրն այն է, որ առանց չինական ներգրաււածութեան եւ աշխարհաքաղաքական ու տնտեսական աջակցութեան, այս թուրքական նախաձեռնութիւնը գրեթէ ոչ մի հնարաւորութիւն չունի կենսունակ եւ արդիւնաւէտ լինելու, ուստի էրդողանական վարչախումբը փորձում է դրա գրաւչութիւնը բարձրացնել՝ ամէն ջանք գործադրելով այն տեղափոխելու Հայաստանի տարածք, որը ոչ միայն կը կրճատի դրա երկարութիւնը, այլ նաեւ Վրաստանի լեռնային հատւածից այն կը փոխադրի աւելի ցածրադիր աշխարհագրական գօտի՝ Արաքսի հովիտ։

Ակնյայտ է, որ ծրագրին դէմ են Ռուսաստանը, Իրանը եւ Վրաստանը, իսկ չինական կողմը դրան դեռեւս չի մասնակցում՝ նաեւ հաշւի առնելով հէնց Թուրքիայի համաթուրքական յաւակնութիւնները, հետեւաբար «Միջին միջանցքը», դեռեւս մնում է գրեթէ բացառապէս թուրքական աշխարհաքաղաքական եւ տնտեսական շահերը սպասարկելուն միտւած նախաձեռնութիւն եւ տեսլական»։

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակութիւն © 2011-2022 «ԱԼԻՔ» Օրաթերթ։ Բոլոր իրավունքները պահպանւած են։