Հա

Քաղաքական

08/01/2022 - 12:00

«Այն, ինչ կատարւում է Ղազախստանի փողոցներում ժողովրդավարական գործընթացների հետ աղերս չունի». Լիլիթ Գալստեան

«Մեդիալաբ»-ի հարցերին պատասխանում է ԱԺ «Հայաստան» խմբակցութեան պատգամաւոր, Հայաստան-Ղազախստան բարեկամական խմբի անդամ Լիլիթ Գալստեանը:

«alikonline.ir» - «Մեդիալաբ»-ի հարցերին պատասխանում է ԱԺ «Հայաստան» խմբակցութեան պատգամաւոր, Հայաստան-Ղազախստան բարեկամական խմբի անդամ Լիլիթ Գալստեանը:

 

- Տիկին Գալստեան, Ղազախստանում քաղաքակն ճգնաժամ է, եւ այդ երկրի նախագահի դիմումի հիման վրայ ՀԱՊԿ-ն արագ արձագանքեց՝ խաղաղապահ ուժեր տեղափոխելով այնտեղ: Ինչպէ՞ս էք ընդհանուր առմամբ գնահատում իրավիճակը եւ դրան ՀԱՊԿ ու մասնաւորաէս, Հայաստանի արձագանքը:

- Նախ, միանշանակ չէ․ ներքաղաքական ճգնաժամ է՞, թէ՝ նաեւ արտաքին եւ ահաբեկչական միջամտութեան։ Զարգացումները դեռ առջեւում են։ ՀԱՊԿ-ը՝ որպէս կոլեկտիւ անվտանգութեան ինստիտուտ լուրջ կառոյց է, կարեւոր դերակատարութեամբ, մանաւանդ աշխարհաքաղաքական ներկայ լարւած մթնոլորտում: Մեր զօրակազմը, ինչպէս յայտարարւել է, մասնակցելու է ռազմավարական նշանակութեան օբիեկտների պահպանութեանը։ Խնդիրն այն է, թէ ինչպէս ենք կապիտալիզացնելու մեր պահւածքը, մեր պետականութեան շահը ո՞րն է, ինչպէ՞ս ենք կարողանալու այս ինստիտուտը ծառայեցնել մեր երկրի անվտանգային խնդիրներն։

Իմ բազմաթիւ հարցերը վերաբերում են Հայաստանի ներքաղաքական իրողութիւններին եւ յատկապէս՝ Նիկոլ Փաշինեանի կողմից կիրառւող կրկնակի ստանդարտներին: Մեր յիշողութեան մէջ թարմ է փաշինեանի կողմից այս ինստիտուտի վարկաբեկման կիրքն ու կեցւածքը։ Հանրութիւնը պէտք է յստակ պատասխան տրւի՝ ինչ ընթացակարգով էր 44-օրեայ պատերազմի ժամանակ ՀՀ-ն դիմել ՀԱՊԿ-ին։ Հիմա, երբ շարունակւում է ադրբեջանական զօրքերի կողմից ՀՀ ինքնիշխան տարածքի օկուպացիան, կարո՞ղ ենք առաւել անաչառ վերաբերմունք եւ գնահատական ստանալ այդ ինստիտուտից: Երբ պատերազմի օրերին միջազգային տարբեր կազմակերպութիւններ եւ երկրների ղեկավարներ յայտարարեցին, որ արցախեան պատերազմում ահաբեկչական ուժեր են ներգրաււած, ինչո՞ւ ՀԱՊԿ-ը բաւարար հետեւողականութեամբ ու օպերատիւօրէն չարձագանգեց: Ի վերջոյ, ՀՀ-ն կոնսուլտացիայի խնդրանքո՞վ էր դիմել, թէ՞ միջամտութեան առաջարկով․․․

Մեր հաարակութիւնը իրաւունք ունի Նիկոլ Փաշինեանից ու նրա ղեկավարած քաղաքական ուժից պարզաբանումներ ստանալ, թէ ինչո՞ւ են նրա կողմից երկակի ստանդարտներ կիրառւում․ մի դէպքում քարկոծւում է այդ ինստիտուտը, երկրորդ պարագայում՝ առաջամարտիկի դեր է ստանձնում, Հայաստանի պարագայում նախկիններին մեղադրում է ժողովրդի դէմ զօրք ու բանակ հանելու մէջ, հիմա մի ամբողջ զօրամիաւորում է մեկնում։

Ըստ էութեան, մենք տեսնում ենք, որ Ղազախստանը կարողացաւ ՀԱՊԿ-ից՝ իր համար հնարաւոր շահեկան վերաբերմունք ստանալ, իսկ թուրքադրբեջանական ագրեսիան մնաց չճանաչւած, չդատապարտւած։ Սա, իհարկէ, մեր արտաքին քաղաքական տապալումների համատեքստում է։

Ի դէպ, չի կարելի մոռանալ նաեւ 44-օրեայ պատերազմին Ղազախստանի պաշտօնական դիրքորոշումն ու նոյեմբերի 9-ին Ադրբեջանին ողջունելը․․․

 

- Հայաստանի ԱԽ քարտուղարն այսօր յայտարարել է, որ Հայաստանը պատասխանատու է իր ստանձնած պարտաւորութիւնների նկատմամբ, որպէս նախագահող երկիր, ու ընդգծել. «պատմութեան մէջ երեւի առաջին անգամ աշխատեցրել ենք ՀԱՊԿ մեխանիզմները»:

- Իսկ ի՞նչն էր խանգարում, որ այդ մեխանիզմներն աշխատեցնէինք 44-օրեայ պատերազմի ժամանակ: Մեր երկրի, մեր ժողովրդի անվտանգութեան համար ամենաճակատագրական պահին ինչո՞ւ մենք չկարողացանք աշխատեցնել, մեզ պէտք է այդ գնահատականները տրւեն: Ինչո՞ւ այդպէս ստացւեց: Ուրեմն ոչ բաւարար գործիքակազմո՞վ էինք դիմել, ինչո՞ւ էինք միայն խորհրդակցութեան համար դիմել: Այս ամէնը խօսում է իշխող քաղաքական ուժի որակների, բանակցելու անկարողութեան, գործիքակազմերը ոչ արդիւնաւէտ կիրառելու մասին:

 

- Շատ լաւ, իսկ ինչպէ՞ս է ընդդիմութիւնը վերաբերում Ղազախստանում ստեղծւած ներքաղաքական ճգնաժամի լուծմանը ՀԱՊԿ միջամտութեանը:

- Ես ամբողջ ընդդիմութեան անունից չեմ կարող գնահատական տալ: Մենք ՀԱՊԿ անդամ երկիր ենք, կառոյցն ունի իր կանոնադրութիւնը, իսկ Հայաստանը՝ ստանձնած պարտաւորութիւններ:

Իմ հարցերը զուտ ներքաղաքական են՝ ինչո՞ւ այդ ինստիտուտը, Ղազախստանի պարագայում օպերատիւ գործեց, կոնսենսուսով որոշումներ կայացւեցին, իսկ Հայաստանի պարագայում՝ ունեցանք բոլորովին այլ պատկեր:

Պէտք է վերլուծութիւններ կատարել ու գնահատականներ տալ: Ես հակւած եմ պնդելու, որ խնդիրը նաեւ Հայաստանում իշխող ուժի քաղաքական անստոյգ կողմնորոշումների եւ քաոտիկ վարքագծի մէջ է:

 

- Տիկին Գալստեան, օրինակ քաղհասարակութիւնն ասում է, որ Հայաստանի կառավարութիւնն անհեռատես ու ոչ պատասանատու գործեց՝ Ղազախստան զօրք ուղարկելով: Դուք, որպէս ընդդիմութեան ներկայացուցիչ, ունէ՞ք գնահատական, արդեօք սա միջամտութիւն չէր այլ երկրի ներքին քաղաքական հարցերին:

- Ես անձամբ իմ անունից կարող եմ ասել, որ միջամտութիւն չեմ համարում։ Նաեւ կարևոր է, թէ ինչպէս կը կապիտալիզացնենք մեր մասնակցութիւնը եւ կարժեւորենք մեր հետագայ ակնկալիքները։

Եթէ այդ կառոյցի անդամ ես, պէտք է պահպանես այդ կառոյցի կանոնադրութիւնը, մասնակից դառնաս եւ նաեւ կարողանաս ստանալ, քո շահը հետապնդես։

 

- Դուք հայ-ղազախական բարեկամական խորհրդարանական խմբի անդամ էք, չունէ՞ք մտավախութիւն, որ այդ ամէնի հետեւանքով կարող է հակահայկական տրամադրութիւններ առաջանալ Ղազախստանում, որտեղ տասնեակ հազարաւոր հայեր են ապրում:

- Նման դատողութիւններ ու վերլուծութիւններ անելու համար տեղեկատւութեան պակաս ունենք: Նաեւ մեր դեսպանատունը Ղազախստանում պէտք է ճիշտ աշխատի՝ կապւած մեր համայնքի քաղաքական կոռեկտութեան եւ անվտանգային հարցերի հետ։ Այն, ինչ կատարւում է Ղազախստանի փողոցներում, անկեղծ ասած, ժողովրդավարութեան հետ որեւէ աղերս չունի՝ գլխատւած ոստիկաններ, հարիւրավոր զոհեր, թալանւած խանութներ ու բանկեր, երկիրը քաոսի մէջ: Մի՞թէ ներկայ պատկերը աղերս ունի ժողովրդավարութեան հետ:

Յստակ է, որ ընդւզման համար սոցիալական ֆոն կար, բայց յստակ է նաեւ, որ այն ուղորդւում է։ Երկրի կայունացումը, ներքաղաքական եւ պետական արժէքների պահպանութիւնը ղազախ ժողովրդի խնդիրն է, միանշանակ է, որեւէ երկիր միջամտելու իրաւունք չունի:

Բայց մենք իրաւունք ունենք նաեւ լրացուցիչ մտահոգւած լինել ընդհանրապէս, տարածաշրջանի գերլարւածութեան, մի շարք աշխարհաքաղաքական գործօնների ակտիւացման առնչութեամբ:

 

Յարակից լուրեր

  • Ակնարկ. Սահմանագծումը` ԵԱՀԿ-ի եւ ԱՊՀ-ի միջեւ
    Ակնարկ. Սահմանագծումը` ԵԱՀԿ-ի եւ ԱՊՀ-ի միջեւ

    Աշխարհագրական եւ քաղաքական տարբեր միջավայրերէ Հայաստան-Ազրպէյճան սահմանազատման գործընթացին առնչութեամբ կը հնչեն տարբեր տեսակէտներ: Ռուսիոյ նախագահը ազրպէյճանական վերջին յարձակումին առիթով կը հաստատէր, որ խնդրի լուծման բանալին սահմանազատումն է երկու երկիրներու միջեւ Ռուսիոյ երաշխաւորութեամբ: Ֆրանսայի արձագանգը չէր ուշանար: Նախագահ Մաքրոն կ՛ակնարկէր սահմանազատման գործընթացին ՄԱԿ-ն ու ԵԱՀԿ-ը ներառելուն մասին: Աւելի առաջ Միացեալ Նահանգները իրենց պատրաստակամութիւնը յայտնած էին սահմանազատման աշխատանքներուն իրենց թեքնիք օժանդակութիւնները բերելու:

  • «Թշնամին կտոր-կտոր վերցնում է Հայաստանը»․ Սանասարեան
    «Թշնամին կտոր-կտոր վերցնում է Հայաստանը»․ Սանասարեան

    «Թշնամին կտոր-կտոր վերցնում է Հայաստանը։ Եւ այդ զաւթողական քաղաքականութիւնը սկսւել է Նիկոլ Փաշինեանի իշխանության գալուց կէս տարի անց»,- Panorama.am-ի հետ զրոյցում ասաց կենսաբանական գիտութիւնների թեկնածու Յակոբ Սանասաարեանը։

  • «Մշտապէս ճնշւած, թոյլ, անտեսւած Փաշինեանին այսօր իշխանութիւն է տրւել, եւ նա պարպում է իր չարութիւնն ու վրէժը»․ Կարին Տօնոյեան
    «Մշտապէս ճնշւած, թոյլ, անտեսւած Փաշինեանին այսօր իշխանութիւն է տրւել, եւ նա պարպում է իր չարութիւնն ու վրէժը»․ Կարին Տօնոյեան

    Այս իշխանութիւնը հայրենիքը դարձրել է առուծախի ապրանք եւ իր տեսակով խեղճ է, թոյլ ու պարտւող, սրանք պատրաստ են ամէն ինչ զիջելու՝ ինչ-որ փշուր պահելու համար։ Գիտենք, թէ ինչպէս է դա նոյնկերպ դրսեւորւում տղայական յարաբերութիւններում։ Փաշինեանն իբրեւ տղայ միշտ եղել է ճնշւած, թոյլ, անտեսւած, հոգում կուտակել է չարութիւն ու վրէժ, իսկ դա թոյլերն են կուտակում, հիմա էլ նրան մեծ հնարաւորութիւններ են տրւել, եւ նա դրսեւորում է նոյն վարքը։

  • «Ժնեւում բարդ խօսակցութիւն է սպասւում»․ Տարասով
    «Ժնեւում բարդ խօսակցութիւն է սպասւում»․ Տարասով

    168.am-ի հետ զրոյցում ռուս քաղաքական վերլուծաբան Ստանիսլաւ Տարասովն ասաց, որ Ժնեւում սպասւող բանակցութիւնները բարդ են լինելու, քանի որ սեպտեմբերեան ռազմական բռնկմամբ խախտւեց այն դիւանագիտական տրամաբանութիւնը, որը հաստատւել էր ԵՄ խորհրդի նախագահ Շառլ Միշէլի միջնորդութեամբ։

  • «Պէտք է առկախել Թուրքիայի հետ բանակցութիւնները, նրա գիրկը գնալն իմաստ չունի»․ Ռուբէն Սաֆրաստեան
    «Պէտք է առկախել Թուրքիայի հետ բանակցութիւնները, նրա գիրկը գնալն իմաստ չունի»․ Ռուբէն Սաֆրաստեան

    «Ես կարծում եմ, որ Թուրքիայի դիրքորոշումը հայ-թուրքական գործընթացի հետ կապւած, Թուրքիայի ղեկավարութեան՝ Էրդողանի եւ Չաւուշօլուի հրապարակային յայտարարութիւնները, ապացուցում են, որ Թուրքիան հովանաւորում եւ մաս է կազմում Հայաստանի նկատմամբ Ադրբեջանի ագրեսիւ պահւածքի, հետեւաբար, այս փուլում Թուրքիայի հետ որեւէ բանակցութիւններ իմաստ չունեն»,- «Փաստինֆօ»-ի հետ զրոյցում նման կարծիք յայտնեց ԳԱԱ Արեւելագիտութեան ինստիտուտի տնօրէն, թուրքագէտ Ռուբէն Սաֆրաստեանը՝ անդրադառնալով Էրդողան-Փաշինեան հնարաւոր հանդիպմանը։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։