Հա

Քաղաքական

15/01/2022 - 12:55

«Հայաստանի տարածքը թուրքական համարող Ալիեւը եւ Էրդողանը խաղաղութեան օրակարգ չունեն». Վարուժան Գեղամեան

Թուրքագէտ Վարուժան Գեղամեանն իր ֆէյսբուքեան էջում գրառում է կատարել անդրադառնալով՝ երէկ Մոսկւայում կայացած Հայաստանի եւ Թուրքիայի բանագնացների հանդիպմանը:

«alikonline.ir» - Թուրքագէտ Վարուժան Գեղամեանն իր ֆէյսբուքեան էջում գրառում է կատարել անդրադառնալով՝ երէկ Մոսկւայում կայացած Հայաստանի եւ Թուրքիայի բանագնացների հանդիպմանը:

«Այսօր (յունւարի-14-ին) պաշտօնապէս մեկնարկել է դիւանագիտական երկխօսութիւնը Հայաստանի դէ ֆակտօ իշխանութիւնների եւ Թուրքիայի միջեւ։ Մոսկւայում հանդիպել են երկու պետութիւնների յատուկ ներկայացուցիչները եւ շուրջ 1.5 ժամ քննարկել «առանց նախապայմանների» օրակարգը։

Արդէն առիթներ եղել են անդրադառնալու այն հանգամանքին, որ թէ՛ նման հանդիպումների օրակարգը, թէ՛ բուն հանդիպման մասնակիցների կազմը որեւէ լաւատեսութեան հիմք չի տալիս մեզ։ Զարմանալի չէ, որ թուրքական կողմը պաշտօնական տեքստում նշում է նախապայմանների բացակայութեան մասին։ Իրականում, Թուրքիայի կողմից Հայաստանի դէ ֆակտօ իշխանութիւններին ներկայացւած նախապայմանները (այդ մասին տե՛ս այստեղ՝ https://www.facebook.com/varujeans/posts/10224359601447905) ըստ էութեան արդէն մասամբ իրականացւել են, մնացածների իրականացումը ընթացքի մէջ է (մի քանի օրինակ՝ Ցեղասպանութեան ճանաչման գործընթացի դադարեցում, հանրային դոմինանտ դիսկուրսում պրոթուրքական քարոզի իրականացում, Արցախի հանդէպ քաղաքական յաւակնութիւններից հրաժարում, Թուրքիայի եւ Ադրբեջանի՝ Հայաստանի հանդէպ տարածքային յաւակնութիւններին արձագանքի բացակայութիւն, «թուրքական միջանցքի» նախապատրաստութիւն եւ այլն)։

Բաւական է յիշել նաեւ, որ հայ-թուրքական այս երկխօսութիւնը կողմերի միջեւ ոչ թէ հաւասարը հաւասարի սկզբունքի հիման վրայ է տեղի ունենում, այլ ըստ էութեան պարտւած իշխանութեան կողմից թուրքական կողմի պարտադրանքի հետ լուռ համաձայնութեան արդիւնք է։ Այս մասին է խօսում նաեւ այն փաստը, որ Թուրքիան պարբերաբար նշում է, թէ Հայաստանի հետ յարաբերութիւնների հարցը համակարգում է Ադրբեջանի հետ միասին։

Հայաստանի տարածքը թուրքական համարող Ի. Ալիեւը եւ Ռ.Թ. Էրդողանը խաղաղութեան օրակարգ չունեն, իրենց խնդիրը Հայաստանը զրկել քաղաքական ինքնուրոյնութիւնից, ուստի ներկայումս ընթացողը այդ գործընթացի միայն մակերեսային եւ արեւելեան քաղցրախօսութեամբ պատւած հատւածն է, որ եւ մատուցում են մեզ։

 

Յարակից լուրեր

  • Ակնարկ. Սահմանագծումը` ԵԱՀԿ-ի եւ ԱՊՀ-ի միջեւ
    Ակնարկ. Սահմանագծումը` ԵԱՀԿ-ի եւ ԱՊՀ-ի միջեւ

    Աշխարհագրական եւ քաղաքական տարբեր միջավայրերէ Հայաստան-Ազրպէյճան սահմանազատման գործընթացին առնչութեամբ կը հնչեն տարբեր տեսակէտներ: Ռուսիոյ նախագահը ազրպէյճանական վերջին յարձակումին առիթով կը հաստատէր, որ խնդրի լուծման բանալին սահմանազատումն է երկու երկիրներու միջեւ Ռուսիոյ երաշխաւորութեամբ: Ֆրանսայի արձագանգը չէր ուշանար: Նախագահ Մաքրոն կ՛ակնարկէր սահմանազատման գործընթացին ՄԱԿ-ն ու ԵԱՀԿ-ը ներառելուն մասին: Աւելի առաջ Միացեալ Նահանգները իրենց պատրաստակամութիւնը յայտնած էին սահմանազատման աշխատանքներուն իրենց թեքնիք օժանդակութիւնները բերելու:

  • «Դեռ կայ ժամանակ կանխելու նոր զանգւածային ցեղաապանութիւնները եւ լիարժէք հայաթափումը». թուրքագէտ
    «Դեռ կայ ժամանակ կանխելու նոր զանգւածային ցեղաապանութիւնները եւ լիարժէք հայաթափումը». թուրքագէտ

    Դեռ կայ ժամանակ կանխելու նոր զանգւածային ցեղասպանութիւնները եւ լիարժէք հայաթափումը: Այս մասին իր ֆէյսբուքեան էջում գրել է թուրքագէտ Վարուժան Գեղամեանը:

  • «Թշնամին կտոր-կտոր վերցնում է Հայաստանը»․ Սանասարեան
    «Թշնամին կտոր-կտոր վերցնում է Հայաստանը»․ Սանասարեան

    «Թշնամին կտոր-կտոր վերցնում է Հայաստանը։ Եւ այդ զաւթողական քաղաքականութիւնը սկսւել է Նիկոլ Փաշինեանի իշխանության գալուց կէս տարի անց»,- Panorama.am-ի հետ զրոյցում ասաց կենսաբանական գիտութիւնների թեկնածու Յակոբ Սանասաարեանը։

  • «Մշտապէս ճնշւած, թոյլ, անտեսւած Փաշինեանին այսօր իշխանութիւն է տրւել, եւ նա պարպում է իր չարութիւնն ու վրէժը»․ Կարին Տօնոյեան
    «Մշտապէս ճնշւած, թոյլ, անտեսւած Փաշինեանին այսօր իշխանութիւն է տրւել, եւ նա պարպում է իր չարութիւնն ու վրէժը»․ Կարին Տօնոյեան

    Այս իշխանութիւնը հայրենիքը դարձրել է առուծախի ապրանք եւ իր տեսակով խեղճ է, թոյլ ու պարտւող, սրանք պատրաստ են ամէն ինչ զիջելու՝ ինչ-որ փշուր պահելու համար։ Գիտենք, թէ ինչպէս է դա նոյնկերպ դրսեւորւում տղայական յարաբերութիւններում։ Փաշինեանն իբրեւ տղայ միշտ եղել է ճնշւած, թոյլ, անտեսւած, հոգում կուտակել է չարութիւն ու վրէժ, իսկ դա թոյլերն են կուտակում, հիմա էլ նրան մեծ հնարաւորութիւններ են տրւել, եւ նա դրսեւորում է նոյն վարքը։

  • «Ժնեւում բարդ խօսակցութիւն է սպասւում»․ Տարասով
    «Ժնեւում բարդ խօսակցութիւն է սպասւում»․ Տարասով

    168.am-ի հետ զրոյցում ռուս քաղաքական վերլուծաբան Ստանիսլաւ Տարասովն ասաց, որ Ժնեւում սպասւող բանակցութիւնները բարդ են լինելու, քանի որ սեպտեմբերեան ռազմական բռնկմամբ խախտւեց այն դիւանագիտական տրամաբանութիւնը, որը հաստատւել էր ԵՄ խորհրդի նախագահ Շառլ Միշէլի միջնորդութեամբ։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։