Հա

Քաղաքական

15/01/2022 - 12:30

«Հայաստանին պէտք են բովանդակային հէնքով քաղաքական միաւորներ, որոնք գրագէտ տեխնոլոգիաների կիրառմամբ կը հասնեն յաջողութեան»․ Վահէ Յովհաննիսեան

Այլընտրանքային նախագծեր խումբը ներկայացնում է Վահէ Յովհաննիսեանի յօդւածը․

«alikonline.ir» - Այլընտրանքային նախագծեր խումբը ներկայացնում է Վահէ Յովհաննիսեանի յօդւածը․

«Քայլ երրորդ. նոր համակարգեր

Յաջորդ տրամաբանական խնդիրը ապագայ իշխանութեան թիմերի կոնսոլիդացիան է, համատեղ աշխատանքը՝ այս պահից սկսած։

Քաղաքակրթութիւնը նման նպատակների համար ձեւաչափեր որոշել է՝ քաղաքական կուսակցութիւններ, քաղաքացիական միաւորներ, նախաձեռնութիւններ, շարժումներ, շահերի պաշտպանութեան խմբեր, ակտիւ անհատներ եւ այլն։

Յաջորդ իշխանութեան համար լուրջ խնդիր է կուսակցութիւնների բացակայութիւնը։

Այսօրւայ խորհրդարանական ընդդիմութիւնը դաշինքներ են, որոնք կազմւած են 4 չանցողիկ կուսակցութիւններից։ Մի դաշինքը կազմւած է դժւար փուլերի միջով անցած եւ վերակազմաւորման անհրաժեշտութիւն ունեցող ՀՀԿ-ից եւ դեռեւս սաղմնային վիճակում գտնւող մէկ այլ կուսակցութիւնից։ Միւս խոշոր դաշինքը՝ 3-4 տոկոսանոց ՀՅԴ-ից, որն ունի հեռանկարում աշխատանքի մեծ դաշտ, բայց նաեւ առկայ է բովանդակային ճգնաժամի մեծ ռիսկ, եւ ընտրութիւններից 5 րոպէ առաջ ստեղծւած կուսակցութիւնից, որը կարող է ցանկացած յաջորդ 5 րոպէում դադարել գոյութիւն ունենալ։ Սա է ընդդիմութեան քաղաքական կուսակցութիւնների քարտէզը։ Եթէ սրան գումարենք դժկամութիւնը կամ չգիտակցումը ձեւաչափերի եւ պրոցեսների կառավարման փոփոխութեան գաղափարի, ապա պէտք չէ զարմանալ, թէ ինչու է հասարակութիւնը պասիւ, ինչու չի արձագանգում այս կամ պայքարի կոչին։

Իշխող կուսակցութիւն գոյութիւն չունի՝ դա մէկ հոգու անձնական շահերը սպասարկող հաւաքածու է, որը փլւելու է մի օրում, մէկ րոպէում։

Երբ խօսում ենք արտախորհրդարանական ուժերի մասին, ապա դա սովորական ժամավաճառութիւն է։ Ուղղակի չկայ նման բան՝ ո´չ Նիկոլի շուրջ, ո´չ Նիկոլի դէմ։

Իսկ երբ գնանք ճիշտ տրամաբանական ճանապարհով, կը տեսնենք, որ արտախորհրդարանական համակարգերում կան նորմալ, պատրաստւած մարդիկ, որոնք ճիշտ ձեւաչափերում եւ համակարգերում կարող են լինել պիտանի։ Հայաստանում, այս պահից սկսած, կայ առնւազն երկու նոր լուրջ քաղաքական ուժի անհրաժեշտութիւն՝ դրա համար բաւարար մարդկային եւ բովանդակային ռեսուրսով։ Հայաստանին պէտք են բովանդակային առումով ճիշտ եւ հանրային ներկայացւածութեան տեսակէտից պատշաճ քաղաքական նոր միաւորներ։ Այս պահին գործող եւ պոտենցիալ ունեցող 1-2 կուսակցութիւն ունեն լուրջ ռեֆորմացիայի խնդիր։ Հիմա բոլորը կա´մ իշխանութիւն են, կա´մ փորձագէտ։ Դա նշանակում է, որ մենք ուղղակի չունենք միջավայր, որտեղ կը գեներացւի քաղաքական միտք ու պետութեան վերականգնման ծրագրեր։ Բայց ամենակարեւորը՝ չունենք համակարգեր, որոնք կապահովեն հանրային իրական համախմբում։

Վաղուց խօսում են, թէ երկիրը կառավարւում է «Ֆէյսբուք»-ով, բայց նոյնը, թերեւս, կարելի է ասել ընդհանրապէս հայաստանեան քաղաքական միջավայրի մասին, որտեղ համատարած սկսել են շփոթել լայքը, լայւը, դիսլայքը, շէյրը, ֆլեշմոբը եւ այլ նման տեխնոլոգիական գործիքները քաղաքական իրական մտքի եւ քաղաքական ռացիոնալ տեխնոլոգիաների հետ։ Ռէալ ռեսուրսների տիրապետող գործիչները, միաւորները լրջօրէն տարւած են այդ ինտերակտիւ գործիքներով, որոնք, իհարկէ, կարեւոր են, բայց այնուամենայնիւ ընդամէնը գործիքներ են, որոնք նախատեսւած են քաղաքական բովանդակութիւն ռեալիզացնելու համար։ Երբ չի լինում կամ թերի է լինում բովանդակութիւնը, ապա տեխնոլոգիան անզօր է։ Սրա ամենավառ ապացոյցը նոյեմբերի 9-ից յետոյ սկսւած շարժումների եւ պրոցեսների շարունակական անարդիւնաւէտութիւնն է։ Միայն տեխնոլոգիաներով պետութեան տեսլականներ եւ զարգացման պրագմատիկ ծրագրեր չեն ձեւաւորւում։ Յեղափոխութիւններ կամ յեղաշրջումներ՝ գուցէ, իսկ պետութիւն՝ ոչ։ Միակ հետեւութիւնն է՝ Հայաստանին պէտք են բովանդակային հէնքով քաղաքական միաւորներ, որոնք գրագէտ տեխնոլոգիաների կիրառմամբ կը հասնեն յաջողութեան»։

 

Շարունակելի

 

Յարակից լուրեր

  • «Ինչպէս կանգնեցնել դէպի անդունդ սլացող գնացքը»․ Վահէ Յովհաննիսեան
    «Ինչպէս կանգնեցնել դէպի անդունդ սլացող գնացքը»․ Վահէ Յովհաննիսեան

    «Այլընտրանքային նախագծեր» խմբի փորձագէտ Վահէ Յովհաննիսեանն իր յօդւածում գրում է.

    «Քանի որ «հաւաստի աղբիւրը» արդէն երկու օր է` բաց տեքստով գուժում է ապագայ աղէտը, ապա սուր խնդիր է առաջանում` նոյնքան բաց ներկայացնելու իրավիճակը։

  • «Ստորագրե՞լ, թէ՞ չստորագրել. սա չէ´ խնդիրը». Վահէ Յովհաննիսեան
    «Ստորագրե՞լ, թէ՞ չստորագրել. սա չէ´ խնդիրը». Վահէ Յովհաննիսեան

    «Այլընտրանքային նախագծեր» խմբի փորձագէտ Վահէ Յովհաննիսեանն իր յօդւածում գրում է.

  • Ակնարկ. Սահմանագծումը` ԵԱՀԿ-ի եւ ԱՊՀ-ի միջեւ
    Ակնարկ. Սահմանագծումը` ԵԱՀԿ-ի եւ ԱՊՀ-ի միջեւ

    Աշխարհագրական եւ քաղաքական տարբեր միջավայրերէ Հայաստան-Ազրպէյճան սահմանազատման գործընթացին առնչութեամբ կը հնչեն տարբեր տեսակէտներ: Ռուսիոյ նախագահը ազրպէյճանական վերջին յարձակումին առիթով կը հաստատէր, որ խնդրի լուծման բանալին սահմանազատումն է երկու երկիրներու միջեւ Ռուսիոյ երաշխաւորութեամբ: Ֆրանսայի արձագանգը չէր ուշանար: Նախագահ Մաքրոն կ՛ակնարկէր սահմանազատման գործընթացին ՄԱԿ-ն ու ԵԱՀԿ-ը ներառելուն մասին: Աւելի առաջ Միացեալ Նահանգները իրենց պատրաստակամութիւնը յայտնած էին սահմանազատման աշխատանքներուն իրենց թեքնիք օժանդակութիւնները բերելու:

  • «Թշնամին կտոր-կտոր վերցնում է Հայաստանը»․ Սանասարեան
    «Թշնամին կտոր-կտոր վերցնում է Հայաստանը»․ Սանասարեան

    «Թշնամին կտոր-կտոր վերցնում է Հայաստանը։ Եւ այդ զաւթողական քաղաքականութիւնը սկսւել է Նիկոլ Փաշինեանի իշխանության գալուց կէս տարի անց»,- Panorama.am-ի հետ զրոյցում ասաց կենսաբանական գիտութիւնների թեկնածու Յակոբ Սանասաարեանը։

  • «Մշտապէս ճնշւած, թոյլ, անտեսւած Փաշինեանին այսօր իշխանութիւն է տրւել, եւ նա պարպում է իր չարութիւնն ու վրէժը»․ Կարին Տօնոյեան
    «Մշտապէս ճնշւած, թոյլ, անտեսւած Փաշինեանին այսօր իշխանութիւն է տրւել, եւ նա պարպում է իր չարութիւնն ու վրէժը»․ Կարին Տօնոյեան

    Այս իշխանութիւնը հայրենիքը դարձրել է առուծախի ապրանք եւ իր տեսակով խեղճ է, թոյլ ու պարտւող, սրանք պատրաստ են ամէն ինչ զիջելու՝ ինչ-որ փշուր պահելու համար։ Գիտենք, թէ ինչպէս է դա նոյնկերպ դրսեւորւում տղայական յարաբերութիւններում։ Փաշինեանն իբրեւ տղայ միշտ եղել է ճնշւած, թոյլ, անտեսւած, հոգում կուտակել է չարութիւն ու վրէժ, իսկ դա թոյլերն են կուտակում, հիմա էլ նրան մեծ հնարաւորութիւններ են տրւել, եւ նա դրսեւորում է նոյն վարքը։

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։