Օրակարգում ընդգրկւած էին առաջին ընթերցմամբ ընդունւած «Արցախի Հանրապետութեան բռնազաւթւած տարածքների մասին», «Քաղաքացիական օրէնսգրքում լրացում կատարելու մասին» օրէնքների նախագծերի փաթեթի եւ Ազգային ժողովի խմբակցութիւնների նախաձեռնութեամբ ներկայացւած Արցախի Հանրապետութեան Ազգային ժողովի յայտարարութիւնը՝ Արցախի վերածննդի օրւայ կապակցութեամբ։
«alikonline.ir» - Այսօր՝ փետրւարի 18-ին գումարւել է Արցախի Հանրապետութեան Ազգային ժողովի արտահերթ նիստ։ Տեղեկացնում է Արցախի Հանրապետութեան ԱԺ լրատւութեան բաժինը։
Օրակարգում ընդգրկւած էին առաջին ընթերցմամբ ընդունւած «Արցախի Հանրապետութեան բռնազաւթւած տարածքների մասին», «Քաղաքացիական օրէնսգրքում լրացում կատարելու մասին» օրէնքների նախագծերի փաթեթի եւ Ազգային ժողովի խմբակցութիւնների նախաձեռնութեամբ ներկայացւած Արցախի Հանրապետութեան Ազգային ժողովի յայտարարութիւնը՝ Արցախի վերածննդի օրւայ կապակցութեամբ։
Հիմնական զեկուցող պատգամաւոր Արթուր Յարութիւնեանը նշել է, որ սահմանւած ժամկէտներում «Արցախի Հանրապետութեան բռնազաւթւած տարածքների մասին», «Քաղաքացիական օրէնսգրքում լրացում կատարելու մասին» օրէնքների նախագծերի փաթեթի վերաբերեալ առաջարկութիւններ չեն եղել։
Յարակից զեկոյցով հանդէս է եկել ԱԺ պետական-իրաւական մշտական յանձնաժողովի նախագահ Սեւակ Աղաջանեանը, ով ներկայացրել է յանձնաժողովի եզրակացութիւնը նախագիծը երկրորդ ընթերցմամբ ընդունելու մասին:
Այնուհետեւ Ազգային ժողովը միաձայն ընդունել է օրէնքը:
Յաջորդիւ Արցախի Հանրապետութեան Ազգային ժողովի յայտարարութիւնն էր՝ Արցախի վերածննդի օրւայ կապակցութեամբ։
30 կողմ ձայնով խորհրդարանն ընդունել է յայտարարութիւնը։
