ԱԺ «Պատիւ ունեմ» խմբակցութեան պատգամաւոր, անվտանգային հարցերով փորձագէտ Տիգրան Աբրահամեանը ֆէյսբուքեան գրառմամբ անդրադարձել է Ադրբեջանի ԱԳ նախարարի յայտարարութեանն ու գրել.
«alikonline.ir» - ԱԺ «Պատիւ ունեմ» խմբակցութեան պատգամաւոր, անվտանգային հարցերով փորձագէտ Տիգրան Աբրահամեանը ֆէյսբուքեան գրառմամբ անդրադարձել է Ադրբեջանի ԱԳ նախարարի յայտարարութեանն ու գրել.
«Ադրբեջանի ԱԳ նախարարը յայտարարել է, որ Հայաստանին հայ-ադրբեջանական յարաբերութիւնների կարգաւորմանն ուղղւած 5 կէտանոց առաջարկ է ուղղւել։
Դրանցից մէկը վերաբերւում է սահմանների դելիմիտացիա/դեմարկացիայի գործընթացին, իսկ միւս կէտերի վերաբերեալ ադրբեջանցի դիւանագէտը մանրամասներ չի հաղորդել։
Հայաստանի իշխանութիւնն այս առաջարկի վերաբերեալ որեւէ տեղեկութիւն չի փոխանցել, չի պարզաբանել, հայ հասարակութեանն իր մօտեցումների մասին ոչինչ չի յայտնել։
Եթէ Ադրբեջանի ԱԳ նախարարի յայտարարութիւնը՝ ՀՀ-ին փոխանցւող առաջարկի վերաբերեալ, համապատասխանում է իրականութեանը, ապա դրա վերաբերեալ ՀՀ իշխանութեան լռութեան պահպանումը մեծ թւով հարցեր է առաջացնում։
Ամենայն հաւանականութեամբ, կուլիսների յետեւում, Ադրբեջանի ու Հայաստանի միջեւ կայ կամ եղել է գործընթաց, որի ընթացքն իր ազդեցութիւնն է թողել այս օրերին Արցախում նկատւող իրադարձութիւնների, մասնաւորապէս, կտրուկ լարման վրայ։
Այս առաջարկների անյապաղ հրապարակումը կարեւոր է հէնց այն պատճառով, որ շատ բան կը բացայայտի ՀՀ եւ Արցախի շուրջ ստեղծւած իրադրութեան եւ ադրբեջանական յաւակնութիւնների մասին»։
