Հա

Քաղաքական

09/04/2022 - 13:15

«Արցախի դրօշի պղծումը վարչապետ կոչեցեալի ցուցումն է՝ որպէս Արցախից հրաժարւելու ապացոյց». Իշխանեան

168 TV-ի «Ռեւիւ» հաղորդաշարի եթերում, անդրադառնալով այս վանդալիզմին, հրապարակախօս Աւետիք Իշխանեանն ընդգծեց՝ կատարածը հրահանգ է՝ Արցախից հրաժարւած Նիկոլ Փաշինեանի կողմից։

«alikonline.ir» - «Սասնայ ծռեր» ահաբեկչական խմբաւորումից՝ «Սասնայ ծռեր» կուսակցութեան, այնուհետեւ՝ «Ազգային ժողովրդավարական բեւեռ» կուսակցութեան վերածւած ուժի անդամներն երէկ՝ ապրիլի 8-ին պղծել են Ֆրանսիայի հրապարակում ապրիլի 5-ին տեղադրւած Արցախի Հանրապետութեան դրօշը։

168 TV-ի «Ռեւիւ» հաղորդաշարի եթերում, անդրադառնալով այս վանդալիզմին, հրապարակախօս Աւետիք Իշխանեանն ընդգծեց՝ կատարածը հրահանգ է՝ Արցախից հրաժարւած Նիկոլ Փաշինեանի կողմից։

«Արցախի դրօշի պղծումը վարչապետ կոչեցեալի ցուցումն է՝ որպէս Արցախից հրաժարւելու ապացոյց։ Այսօր՝ դա, իսկ երէկ էլ «Ազատութիւն» ռադիոկայանով հեռարձակւած այն քարտէզը, որով Արցախը համարւում էր Ադրբեջանի կազմ, վարչապետ կոչեցեալի հրահանգն է։ «Բեւեռի» միջոցով, իբր ազգայանական քողի տակ, հրաժարւում են Արցախից»,- ասաց Իշխանեանը։

Նշենք, որ հաղորդման նկարահանումից յետոյ Գլխաւոր դատախազի խորհրդական Գոռ Աբրահամեանը տարածեց հաղորդագրութիւն հետեւեալ բովանդակութեամբ՝ «Մամուլում տեսանիւթ է հրապարակւել եւ շրջանառւել մի քանի անձի կողմից Արցախի Հանրապետութեան պետական դրօշը ներկելու բովանդակութեամբ:

Այդ տեսանիւթն արձանագրւել է ՀՀ գլխաւոր դատախազութեան կողմից՝ ԶԼՄ մշտադիտարկման արդիւնքում եւ ուսումնասիրւել է:

Արդիւնքում այն ուղարկւում է ՀՀ ոստիկանութիւն՝ քրէադատավարական կարգով նիւթեր նախապատրաստելու, դրա շրջանակներում դէպքի հանգամանքները պարզելու եւ հետագայ ընթացքը որոշելու յանձնարարութեամբ»:

 

Աղաւնի Սուքիասեան

 

Յարակից լուրեր

Ամենաշատ ընթերցւած

Քւէարկութիւն

Կը յաջողւի՞ արդեօք Արմէն Սարգսեանին նոր որակ մտցնել ՀՀ քաղաքական կեանքում:

Եղանակ

Հեղինակություն © 2011-2017 «ԱԼԻՔ» Օրաթերթ։ Բոլոր իրավունքները պահպանված են։