Մայիսի 1-ը մեզ համար պատմական օր է, մեր ժողովրդի զարթօնքի օրն է, մայիսի 1-ը արդէն մեր միասնականութեան, համախմբվածութեան, մեր մէջքը ուղղելու եւ վերջնական յաղթանակի գնալու սկիզբն է՝ ըստ Yerkir.am-ի ասաց ՀՅԴ Հայաստանի Գերագոյն մարմնի ներկայացուցիչ, ԱԺ փոխնախագահ Իշխան Սաղաթելեանը Ֆրանսիայի հրապարակում՝ «Դիմադրութիւն» շարժման համազգային հանրահաւաքի մեկնարկին։
«alikonline.ir» - Մայիսի 1-ը մեզ համար պատմական օր է, մեր ժողովրդի զարթօնքի օրն է, մայիսի 1-ը արդէն մեր միասնականութեան, համախմբվածութեան, մեր մէջքը ուղղելու եւ վերջնական յաղթանակի գնալու սկիզբն է՝ ըստ Yerkir.am-ի ասաց ՀՅԴ Հայաստանի Գերագոյն մարմնի ներկայացուցիչ, ԱԺ փոխնախագահ Իշխան Սաղաթելեանը Ֆրանսիայի հրապարակում՝ «Դիմադրութիւն» շարժման համազգային հանրահաւաքի մեկնարկին։
«Ուրեմն, սիրելի՛ հայրենակիցներ, գլխաւոր եւ ամենակարեւոր հարցը, որի համար հաւաքւել ենք եւ առաջիկայ օրերին գործ ունենք սա է․ անցնող օրերին եւ այսօր վերջնականօրէն լուծեցինք այն հարցը, որ օրւայ իշխանութիւնը մանդատ չունի երկիրը զիջումների տանելու, հիմա էլ պէտք է լուծենք յաջորդ կարեւոր հարցը՝ պէտք է ցոյց տանք, որ սրանք ոչ միայն մանդատ չունեն, այլ նաեւ իշխանութիւն։ Շատ կարճ ժամանակւայ մէջ մենք պէտք է կապիտուլեանտին ենթարկենք կապիտուլեացիայի․ սա է մեր առջեւ դրւած խնդիրը»,- ասաց Իշխան Սաղաթելեանը։
Նշենք, որ Ֆրանսիայի հրապարակում մեկնարկել է «Դիմադրութիւն» շարժման համազգային հանրահաւաքը ապազգային իշխանութիւնների հեռացման, Հայաստանի եւ Արցախի Հանրապետութիւնները հայկական պահելու պահանջով։ Այստեղ միացել են Հայաստանի խորհրդանշական 4 կողմերից՝ Իջեւանից, Տիգրանաշէնից, Սարդարապատից ու Ապարանից Երեւան եկած «Դիմադրութիւն» շարժման քայլերթերը, ինչպէս նաեւ ապակենտրոն դիմադրութեան այլ շարժումներ, որոնք այս օրերին իրազեկման ակցիաներ էին իրականացնում մայրաքաղաքում։
